Breiðablik eru meistarar meistaranna 2025. Sannfærandi sigur hjá þeim í dag. Viðtöl og skýrsla væntanleg seinna í dag.

Það verða þrjár mínútur í uppbót.

KA með aukaspyrnu á mjög hættulegum stað. Auðvitað stígur þá Hallgrímur Mar upp og tekur þetta. Hann tekur skotið og spyrnan er góð en fer bara rétt framhjá markinu.

Einhverjum örfáum sekúndum áður en KA minnkaði muninn þá opnaðist himininn og það er hrikaleg rigning inn á vellinum núna.

Allt galopið hjá KA og Blikar keyra í sókn. Óli Valur er þá einn gegn markmanni og lyftir boltanum yfir Stubb. Þá er það Jakob Snær mættur á línuna og hreinsar frá.

Alvöru harðflygni hjá Jakobi upp hægri kantinn. Hann nær einhvernveginn að troða sér inn í teiginn með menn í sér og taka skotið, en það er varið hjá Anton.

KA fær aukaspyrnu þónokkrum metrum fyrir utan teiginn. Hallgrímur Mar tekur spyrnuna og hann skýtur bara á markið. Fín spyrna en Anton vel á verði og ver þetta.

Flott spil hjá Blikum upp hægri kantinn og Ágúst leggur boltan inn í teig þar sem Valgeir tekur skotið úr teignum. Hann ákveður að nota kraftinn og því er skotið fast en líka hátt yfir.

En rangstæða. Hans Viktor potar boltanum inn fyrir á Dag sem var alveg greinilega rangstæður. Dagur klárar þetta engu að síður vel.

Áhugaverð aukaspyrna sem Hallgrímur tekur. Hann reynir fasta sendingu meðfram jörðinni sem fer af varnarmanni og upp í loft. Ásgeir nær þá skallanum inn í teing en beint á Anton í markinu.

Blikar senda boltan inn fyrir og Hans Viktor rétt missir af boltanum. Óli Valur er þá sloppinn í gegn og tekur skotið sem Stubbur ver. Frákastinu nær svo Tobias og hann tekur skotið í varnarmann. Blikar fá svo horn sem ekkert kemur upp úr.

Ágúst setur mjög góðan bolta inn fyrir á Valgeir sem er sloppinn í gegn. Hann fer hinsvegar mjög illa með þetta, hefði bara átt að taka skotið sjálfur en reynir að gefa boltann og KA nær þá að hreinsa.

Gabríel Snær reynir skotið af löngu færi en þessi fer langt framhjá.

Valgeir fær boltann fyrir utan teig og tekur fast skot en í varnarmann og Breiðablik fær horn.

Enn og aftur eru KA menn að fara illa með boltann aftarlega á vellinum og þegar þeir missa boltann eru þeir bara í nauðvörn. Óli Valur fær boltann inn í teig í góðu færi en Stubbur stendur vaktina og ver skotir frá honum.

Gott spil hjá heimamönnum þar sem þeir fara auðveldlega í gegnum vörn KA. Boltinn endar svo hjá Kidda Steindórs sem er í fínu færi en skotið hans fer beint á Stubb í markinu.

Þreföld breyting í hálfleik hjá Breiðablik, KA gerir engar breytingar.

Öruggt forskot hjá Breiðablik í hálfleik. Þetta var frekar jafnt fram að fyrsta markinu en það er eins og KA menn hafi bara misst hausinn og Blikar hafa bara keyrt yfir þá síðan þá.

Það verða að minnsta kosti tvær mínútur í uppbót.

Bjarni tekur spyrnuna og skýtur að marki en boltinn svífur yfir.

Höskuldur setur frábæran bolta inn fyrir vörnina og Tobias tekur gott hlaup. Hann er þá kominn í mjög gott færi en skotið varið.

Skot af löngu færi frá Höskuldi. Aldrei mikil hætta í þessu, beint á Stubb.

Óli Valur gerir vel upp vinstri kantinn og finnur pláss til að gefa boltan fyrir. Þar nær Tobias skotinu en skotið framhjá markinu.

Það var alveg hrillilegt veður hérna áðan en núna er sólin bara farin að skína, það er hætt að rigna og mér sýnist vindurinn vera að minnka líka.

Fínn spilakafli hjá Blikum sem endar í skoti frá Tobias Thomsen fyrir utan teig. Boltinn fer hinsvegar framhjá marki.

Ingimar tekur hornspyrnu fyrir KA og lyftir boltanum inn á teiginn. Þar rís Hans Viktor hæst og nær skallanum í átt að marki en Anton tekur þennan bolta.

Langur bolti fram og allt í einu er Viðar sloppinn einn gegn markmanni. Hann er hinsvegar of lengi að athafna sig og Anton kemur vel út úr markinu og lokar á hann. Skotið hjá Viðari því beint í Anton. Þarna hefði Viðar átt að gera betur.

Viktor Karl fær boltann upp á vinstri kantinum og leggur boltan fyrir þar sem Tobias kemst í skotið en beint á Stubb.

Blikar taka upphafssparkið

Við erum komnir upp næsta skref í óveðri! Það eru fimm mínútur í leik og við erum byrjuð að sjá eldingar og heyra þrumur.

Það er ekki beint hægt að segja að það séu kjöraðstæður fyrir fótbolta í dag. Veðurstofan hefur gefið út gula viðvörun og það má sjá á vellinum þegar leikmenn eru að hita upp, að keilur og aðrir léttari hlutir fjúka bara út um allan völl.

Uppstilling KA verður líklega eitthvað í þessa áttina.

Uppstilling Breiðabliks verður líklega eitthvað í þessa áttina.

Spá sérfræðinga fótbolta.net er hafin hér á síðunni en helmingur liðanna hefur verið birtur. KA er spáð 8. sæti en það hefur ekki enn verið birt hvar Breiðablik er spáð. Það er ljóst að það er í efri helmingnum.

Breiðablik og KA voru saman riðli 2 í Lengjubikarnum en Breiðablik tók 2. sætið í riðlinum og KA 4. sætið. Breiðablik tapaði fyrsta leik riðilsins 3-1 gegn Fram, gerði svo jafntefli 1-1 gegn Fylki en vann hina leikina og endaði því með 10 stig. KA vann aðeins einn leik í riðlinum en það var 1-0 sigur gegn Njarðvík. Þeir gerðu einnig tvö jafntefli og enduðu því með 5 stig. Þegar liðin mættust í Boganum um miðjan Febrúar síðastliðinn vann Breiðablik 5-0. Sannfærandi sigur hjá þeim grænklæddu.

Þetta hefur verið erfiður vetur hjá KA mönnum á markaðnum, þar sem þeir hafa misst marga menn í meiðsli. Þar á meðal Jonathan Rasheed markmann, sem er frá út tímabilið. Komnir Jóan Símun Edmundsson frá N-Makedóníu Jonathan Rasheed frá Svíþjóð (frá út tímabilið) William Tönning frá Svíþjóð Guðjón Ernir Hrafnkelsson frá ÍBV Ingimar Torbjörnsson Stöle frá FH (var á láni) Bjarki Fannar Helgason keyptur frá Hetti/Hugin (lánaður til baka) Farnir Daníel Hafsteinsson í Víking Sveinn Margeir Hauksson í Víking Elfar Árni Aðalsteinsson í Völsung Harley Willard á Selfoss Kristijan Jajalo til Austurríkis Darko Bulatovic til Svartfjallalands

Breiðablik hefur verið aktívt á félagsskiptamarkaðinum þennan vetur þar sem töluverð breyting hefur verið á hópi Íslandsmeistaranna. Komnir Tobias Thomsen frá Portúgal Óli Valur Ómarsson frá Sirius (var á láni hjá Stjörnunni) Anton Logi Lúðvíksson frá Haugesund Valgeir Valgeirsson frá Örebro Ágúst Orri Þorsteinsson frá Genoa Dagur Örn Fjeldsted frá HK (var á láni) Ásgeir Helgi Orrason frá Keflavík (var á láni) Farnir Ísak Snær Þorvaldsson til Rosenborg (var á láni) Damir Muminovic til Asíu Patrik Johannesen til KÍ/Klaksvík Alexander Helgi Sigurðarson í KR Oliver Sigurjónsson í Aftureldingu Benjamin Stokke til Noregs Arnór Sveinn Aðalsteinsson hættur og tekinn við sem aðstoðarþjálfari

Vilhjálmur Alvar Þórarinsson verður með flautuna í dag en honum til aðstoðar verða Gylfi Már Sigurðsson og Guðmundur Ingi Bjarnason. Eftirlitsmaður KSÍ er Jón Magnús Guðjónsson og varadómari er Gunnar Oddur Hafliðason.

Komið þið sæl og verið velkomin í beina textalýsingu frá leik Breiðabliks og KA. Deildarmeistararnir í Breiðablik taka á móti Bikarmeisturunum KA í þessum leik. Leikurinn hefst klukkan 16:15 og verður spilaður á Kópavogsvelli.