Haraldur Örn Haraldsson @haraldur_orn

- Meðalaldur 27 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Breiðablik pressaði KA stýft og var að vinna boltann oft ofarlega á vellinum. Það skilaði nokkrum góðum sóknum en KA var að mestu leiti sinn versti óvinur. Fyrsta markið er afskaplega klaufalegt sjálfsmark og annað markið víti sem var algjör óþarfi. Þriðja markið var svo gott mark hjá Blikum, en KA voru aldrei líklegir til að komast til baka í jafnan leik eftir það. Bestu leikmenn 1. Tobias Thomsen (Breiðablik) Tobias var virkilega hættulegur í þessum leik, sífellt að ógna inn fyrir vörnina og hefði mögulega átt að skora meira en eitt mark. 2. Óli Valur Ómarsson (Breiðablik) Margir sem koma til greina í þennan dálk en Óli verður fyrir valinu. Hann var mjög hættulegur sóknarlega í dag og náði í stoðsendingu í markinu hjá Tobias. Atvikið Ívar Örn Árnason brýtur á Valgeir inn í teig á 34. mínútu. Klaufalegt brot hjá Ívari og Höskuldur skoraði svo úr vítinu. Blikar höfðu þá skorað tvö mörk á tveimur mínútum og úrslitinn réðust eiginlega við þetta.

Hvað þýða úrslitin? Breiðablik er meistari meistaranna 2025 Vondur dagur Hans Viktor Guðmundsson átti ágætan leik í hjarta varnarinnar hjá KA. Hann skoraði hinsvegar fyrsta mark leiksins en í vitlaust mark. Verulega pínlegt sjálfsmark þar sem hann skallaði boltann í eigið net úr hornspyrnu. Dómarinn - 8 Vilhjálmur Alvar og hans teymi áttu fínan leik. KA menn voru ósáttir við eitt skiptið sem þeir vildu fá dæmt brot þegar þeir voru sloppnir í gegn í skyndisókn en fengu ekkert. Ég sá það persónulega ekki nógu vel, og get ekki dæmt um þetta. Annað var bara vel gert, vítadómurinn hárréttur.

- Meðalaldur 29 ár

- Meðalaldur 27 ár