Fótbolti.net

Valur

Vestri

Hilmar Jökull Stefánsson @Hilmarjokull

Orri Sigurður Ómarsson '46 , sjálfsmark 0-1

Patrick Pedersen '65 1-1

06.04.2025 - 14:00
N1-völlurinn Hlíðarenda
Besta-deild karla
Aðstæður: Íslenskur vorsúði. Sést ekki til sólar.
Dómari: Gunnar Oddur Hafliðason
Maður leiksins: Guy Smit (Vestri)

Myndir: Fótbolti.net - Hafliði Breiðfjörð

Byrjunarlið:

('63)

('86)

('79)

('63)

- Meðalaldur 29 ár

Varamenn:

('63)

('86)

('79)

- Meðalaldur 26 ár

Liðsstjórn:

Gul spjöld:

Orri Sigurður Ómarsson ('49)

Aron Jóhannsson ('66)

Hólmar Örn Eyjólfsson ('93)

Rauð spjöld:

Endurhlaða Skýrslan Viðtöl

Leik lokið!

Jafntefli í fyrsta leik á Hlíðarenda þetta sumarið Liðin skipta með sér stigunum og fara héðan með sitthvort stigið. Valsmenn geta ekki verið sáttir miðað við færin sem þeir fengu í fyrri hálfleik en sanngjörn niðurstaða.

Eyða Breyta

93. mín

Gult spjald: Hólmar Örn Eyjólfsson (Valur)

Fyrir tryllingskast Öskrar á Guðmund Inga aðstoðardómara og baðar út höndum. Eftir bókinni.

Eyða Breyta

92. mín

Emmanuel með innkast Sem endar út af og í markspyrnu fyrir Val.

Eyða Breyta

90. mín

Uppbótartíminn er að minnsta kosti 5 mínútur Gunnar Oddur bætir við 5 mínútum hér í lokin. Tekst öðru hvoru liðinu að stela stigunum þremur?

Eyða Breyta

89. mín

Inn:Silas Songani (Vestri) Út:Daði Berg Jónsson (Vestri)

Davíð Smári nauðbeygður í skiptingar Vestri gerir tvöfalda breytingu á sínu liði. Daði Berg haltrar út af, vonum að það sé ekkert alvarlegt.

Eyða Breyta

89. mín

Inn:Emmanuel Duah (Vestri) Út:Jeppe Pedersen (Vestri)

Davíð Smári nauðbeygður í skiptingar Vestri gerir tvöfalda breytingu á sínu liði. Daði Berg haltrar út af, vonum að það sé ekkert alvarlegt.

Eyða Breyta

88. mín

Daði Berg haltrar út af Lítið sést af Daða í seinni hálfleik en ekki góðar fréttir fyrir Vestramenn ef hann þarf að ljúka leik hérna.

Eyða Breyta

86. mín

Inn:Sigurður Egill Lárusson (Valur) Út:Kristinn Freyr Sigurðsson (Valur)

Valur að klára skiptingarnar Siggi Lár kemur inn fyrir Kristinn Frey. Sýnist að Jónatan Ingi færist inn á miðjuna við þetta og Siggi fer út á hægri kantinn.

Eyða Breyta

86. mín

Jónatan í færi Jónatan Ingi kemst í flott færi, jú hægra megin í teignum, en skot hans fer af varnarmanni og í horn.

Eyða Breyta

82. mín

Sergine Fall með skot - Í átt að vitlausu marki Hélt við værum að fá annað sprellimark þar sem Sergine Fall kingsar boltann upp í loft og hann snýst í átt að marki Vestra en þeir ná að endingu að hreinsa boltann í burtu.

Eyða Breyta

79. mín

Inn:Orri Hrafn Kjartansson (Valur) Út:Albin Skoglund (Valur)

Ferskir fætur Túfa gerir sína aðra tvöföldu breytingu í leiknum. Síðast voru hans menn 2 mínútur að svara kallinu, hvað gerist núna?

Mynd: Fótbolti.net - Hafliði Breiðfjörð

Eyða Breyta

79. mín

Inn:Lúkas Logi Heimisson (Valur) Út:Tryggvi Hrafn Haraldsson (Valur)

Ferskir fætur Túfa gerir sína aðra tvöföldu breytingu í leiknum. Síðast voru hans menn 2 mínútur að svara kallinu, hvað gerist núna?

Eyða Breyta

76. mín

Inn:Gunnar Jónas Hauksson (Vestri) Út:Diego Montiel (Vestri)

Gunnar kemur inn á við mikinn fögnuð þeirra Vestramanna sem hafa lagt leið sína suður á leikinn.

Eyða Breyta

75. mín

Tryggvi Hrafn með flotta fyrirgjöf En enginn sem er mættur á hana.

Eyða Breyta

72. mín

Dauðafæri Anton Kralj kemst upp vinstri kantinn eftir flott samspil við Jeppe Pedersen. Anton á fína fyrirgjöf inn á Daða Berg sem nær skoti, sem berst aftur Anton. Hann setur boltann fyrir, þar sem Sergine Fall er mættur með seinni skipunum en skot hans frekar auðvelt fyrir Stefán Þór.

Leikurinn miklu skemmtilegri í seinni hálfleik!

Eyða Breyta

66. mín

Gult spjald: Aron Jóhannsson (Valur)

Brýtur af sér á miðjunni Ekki búinn að vera inn á í nema þrjár mínútur, samt líklega ekki persónulegt met.

Eyða Breyta

65. mín

MARK!

Patrick Pedersen (Valur)
Stoðsending: Tryggvi Hrafn Haraldsson

Valsmenn jafna! Tryggi Hrafn kemst upp vinstri kantinn eftir tryllta sendingu frá Aroni Jó og á þessa líka flottu sendingu inn á teiginn þar sem Patrick kemur askvaðandi og dúndrar boltanum í netið. Allt jafnt á Hlíðarenda.

Mynd: Fótbolti.net - Hafliði Breiðfjörð

Eyða Breyta

63. mín

Inn:Kristoffer Grauberg (Vestri) Út:Vladimir Tufegdzic (Vestri)

Tufa lýkur leik Vladimir Tufegdzic fer hér af velli og inn á í hans stað kemur Kristoffer Lepik, sem er eitt stykki.

Eyða Breyta

63. mín

Inn:Aron Jóhannsson (Valur) Út:Tómas Bent Magnússon (Valur)

Tvöföld skipting hjá Val Aðeins verið að setja meiri sóknarþunga í þetta sýnist mér.

Eyða Breyta

63. mín

Inn:Bjarni Mark Antonsson (Valur) Út:Orri Sigurður Ómarsson (Valur)

Tvöföld skipting hjá Val Aðeins verið að setja meiri sóknarþunga í þetta sýnist mér.

Eyða Breyta

62. mín

Aron Jó og Bjarni Mark að gera sig klára Aron Jóhannsson og Bjarni Mark Antonsson eru tilbúnir á hliðarlínunni og að koma inn á.

Eyða Breyta

56. mín

HVAÐ VAR ÞETTA??? Jónatan Ingi guð minn góður drengur. Fær boltann hægra megin í teignum, setur boltann á vinstri og snýr hann fallega í fjærhornið þar sem boltinn syngur í samskeytunum en inn fer hann ekki, heldur í fangið á Guy Smit. VÁ!

Eyða Breyta

55. mín

Tómas Bent með skalla Birkir Heimis tekur enn eina hornspyrnuna fyrir Val og Tómas Bent nær skalla sem fer yfir markið. Valur þarf að svara.

Eyða Breyta

51. mín

Hafliði Breiðfjörð á myndavélinni Undir flipanum "Myndir" hérna efst er hægt að sjá myndir sem Hafliði Breiðfjörð, sem er nýorðinn fyrrum eigandi Fótbolti.net, hefur verið að taka. Endilega kíkið á þær.

Eyða Breyta

49. mín

Gult spjald: Orri Sigurður Ómarsson (Valur)

Ekki góðar mínútur hjá Orra Brot úti á kanti. Orri Sigurður hefur átt betri mínútur á fótbotavellinum, það er nokkuð ljóst.

Eyða Breyta

46. mín

SJÁLFSMARK!

Orri Sigurður Ómarsson (Valur)

AKKÚRAT ÞAÐ SEM LEIKURINN ÞURFTI HVAÐ VAR ÞETTA???

Leikurinn varl farinn af stað aftur þegar boltinn berst í gegn í átt að marki Vals þar sem Orri Sigurður á þetta frábæra skot, í átt að eigin marki, sem svífur yfir Stefán Þór og í markið!

0-1 og við erum með leik kæru áhorfendur.

Mynd: Fótbolti.net - Hafliði Breiðfjörð

Eyða Breyta

45. mín

Hálfleikur

Hálfleikur 0-0 í hálfleik. Ekki nóg af færum eða fallegum fótbolta fyrir smekk undirritaðs. Megum við meiru í seinni hálfleik. Kaffi og snúðar. Sjáumst eftir 15.

Eyða Breyta

45. mín

Enginn uppbótartími Sergine Fall fær löppina á Birki Heimis í magann og aukaspyrna dæmd á Val. Síðasta spyrna hálfleiksins.

Eyða Breyta

43. mín

Hólmar Örn fær tiltal Hólmar braut smá groddaralega á Vladimir Tufegdzic áðan þegar sá síðarnefndi kom boltanum á Daða Berg en Daði komst síðan ekki lengra með boltann og Valur fór í sókn. Nokkrar mínútur síðan brotið átti sér stað og ég kalla Gunnar Odd góðan að muna eftir þessu.

Fáum nú eitt mark í þetta fyrir hálfleiksflautið.

Eyða Breyta

41. mín

Jónatan Ingi með skot rétt yfir Jónatan Ingi kemst inn á teig Vestra, kemst á sína betri vinstri löpp, og nær skoti sem fer rétt yfir markið.

Eyða Breyta

37. mín

Pedersen Jr. með skot á mark Vals Jeppe Pedersen fær boltann rétt hjá miðjuhringnum og keyrir í átt að marki Vals. Hann nær skotinu en Stefán Þór í marki Vals á ekki í vandræðum með þetta skot og grípur það.

Jeppe Pedersen er einmitt litli bróðir stórskyttunnar Patrick Pedersen.

Eyða Breyta

34. mín

Flott fyrirgjöf - Valur með horn Birkir Heimis á góða fyrirgjöf sem Anton Kralj rétt nær að skalla í horn. Birkir tekur sjálfur hornið en það er ekki nógu gott til að valda usla.

Eyða Breyta

28. mín

Valsmenn í færi hinu megin - Það er að lifna yfir þessu Valur kemur boltanum inn á teiginn og Patrick Pederson fær hann hægra megin við markið, nálægt endalínunni. Hann setur boltann í gegnum klofið á Guy Smit og rétt áður en Tryggvi Hrafn nær að pota boltanum í netið hreinsar Sergine Fall.

Eyða Breyta

27. mín

Vestri með færi - En brot dæmt Vestri ná loksins almennilegum spilkafla í kringum teig Vals sem endar með góðum utanfótarbolta frá Gustav Kjeldsen inn í teig. Boltinn berst á fjærstöngina til Daða Bergs en Gunnar Oddur dæmir brot á Tufa.

Eyða Breyta

21. mín

Vestri lítið með boltann Valsarar hafi haldið boltanum vel innan liðsins frá því leikurinn var flautaður á og skapað sér hættulegar stöður. Vestri virðast ekki vera spenntir fyrir því að vera með boltann en ná þó að anda inn á milli.

Eyða Breyta

15. mín

Aukaspyrna fyrir Val Daði Berg hrindir Markus Nakkim við hornfána Valsmanna, samt eitthvað ósáttur við Gunnar Odd og þarf að útskýra fyrir honum að dómurinn hafi ekki verið réttur.

Eyða Breyta

12. mín

Vestri ná aðeins að halda boltanum Eftir að hafa leyft Valsmönnum að halda boltanum nánast frá byrjun ná Vestramenn aðeins andanum og að tengja nokkrar sendingar.

Eyða Breyta

7. mín

Skalli að marki Hólmar Örn nær skalla að marki Vestra. Birkir Heimis tekur horn á nærstöngina og boltinn berst aftur til hans eftir klafs. Hann nær þessari fínu fyrirgjöf sem endar á kollinum hans Hólmars en skallinn aldrei til vandræða fyrir Guy Smit.

Eyða Breyta

4. mín

Orrahríð að marki Vestra Tryggvi Hrafn nær flottu skoti með vinstri sem smellur í innanverðri stönginni. Boltinn berst til Albin Skoglund vinstra megin við markið sem á þéttingsfast skot með hægri fæti á markið, en Guy Smit nær að blaka boltanum í burtu. Þarna skall hurð nærri hælum!

Eyða Breyta

2. mín

Skot að marki Valsmenn eiga góðan spilkafla sem endar með sendingu frá Birki Heimis inn í teig og skoti frá Jónatan Inga með hægri framhjá markinu. Vestri fara svo upp í kjölfarið en missa boltann í innkast.

Eyða Breyta

1. mín

Leikur hafinn

Valsmenn hefja leik! Valur byrjar með boltann og sækja í átt að Öskjuhlíðinni en Vestri sækja að miðbænum.

Eyða Breyta

Fyrir leik

Vestri ekki með fullan bekk Vestri eru 2 mönnum frá því að vera með fullan bekk en það sem veldur er að á bekknum þurfa, samkvæmt nýrri reglu KSÍ, að vera 2 leikmenn fæddir 2006 eða síðar.

Athygli vekur að Vestri fær ekkert fyrir að vera með Daða Berg Jónsson í byrjunarliðinu, en hann er fæddur 2006.

Mynd: Víkingur

Eyða Breyta

Fyrir leik

Hrósar Stefáni - Meiðsli Ögmunds í vetur ástæðan fyrir liðsvalinu Túfa var í viðtali fyrir leik spurður út í markmannsvalið. Hann segir að meiðsli Ögmunds í vetur og form hans sé ástæðan fyrir því að Stefán fái kallið í dag. Túfa hrósaði þá Stefáni fyrir frammistöðu hans í vetur.

Mynd: Fótbolti.net - Hulda Margrét

Eyða Breyta

Sæbjörn Þór Þórbergsson Steinke

Fyrir leik

Margir knáir menn á vellinum Undirritaður hitti þá Benedikt Bóas, Tómas Þór og Jóa Má fyrir utan völlinn áðan og það lá vel á þeim. Þá sitja þeir Flosi Eiríksson, formaður knattspyrnudeildar Breiðabliks, og Arnar Sveinn Geirsson, forseti leikmannasamtakanna, rétt fyrir neðan blaðamannastúkuna.

Eyða Breyta

Fyrir leik

Vallarþulurinn kynnir liðin til leiks Það fer að styttast í þetta! Liðin öll komin inn í klefa og völlurinn að blotna í gegn. Einar vallarþulur þylur liðin upp fyrir áhorfendur, sem eru hægt og rólega að týnast yfir í stúkuna úr fjósinu.

Eyða Breyta

Fyrir leik

Guy Smit á gamla heimavellinum Guy Smit, Hollendingurinn knái, sem er í marki Vestra í dag, spilaði tímabilið 2022 10 leiki í Bestu-deildinni fyrir Val.

Guy var fenginn til liðs við Val til að leysa Hannes Þór Halldórsson af hólmi, en stóð engan veginn undir væntingum á Hlíðarenda og Valsmenn fengu um sumarið til sín Frederik Schram sem tók stöðuna af Guy og leit ekki um öxl fyrr en hann yfirgaf Val síðasta haust.

Eyða Breyta

Fyrir leik

Byrjunarliðstíðindi Srdjan Tufegdzic stillir upp feiknarsterku byrjunarliði en helsta athygli vekur sú staðreynd að hinn 23. ára gamli Stefán Þór Ágústsson standur á milli stanganna hjá Val.

Þá kemur hinn ungi og efnilegi Daði Berg inn í liðið í sínum fyrsta leik fyrir Vestra í Bestu-deildinni, en hann er á láni frá Víkingi Reykjavík.

Eyða Breyta

Elvar Geir Magnússon

Fyrir leik

Afmælisbarn dagsins: Markmiðið er klárlega að keppa um titilinn Valsmönnum er spáð þriðja sæti í Bestu deildinni en Srdjan Tufegdzic, betur þekktur sem Túfa, er þjálfari Vals og spjallaði við Fótbolta.net á kynningarfundi deildarinnar á dögunum. Túfa á einmitt afmæli í dag.

Stóra spurningin, getur Valur barist um Íslandsmeistaratitilinn við Víking og Breiðablik?

„Já við ætlum að reyna það, það er alltaf markmiðið hjá Val. Maður skilur alveg umræðuna. Undanfarin ár höfum við verið nokkuð mörgum stigum frá toppsætinu en markmiðið er klárlega alltaf að keppa um titilinn," segir Túfa.

02.04.2025 15:00

Túfa: Markmiðið er klárlega að keppa um titilinn

Eyða Breyta

Elvar Geir Magnússon

Fyrir leik

Tímabilið í fyrra Valsliðinu var, á nokkrum fréttamiðlum, spáð Íslandsmeistaratitlinum í fyrra. Til að gera langa sögu stutta þá stóð liðið hreint alls ekki undir þeim væntingum, lét þjálfarann sinn fara á miðju tímabili. Valur endaði í 3. sæti, með 44 stig, eða 18 stigum á eftir Íslandsmeisturum Breiðabliks.

Vestri endaði í 10. sæti Bestu-deildarinnar 2024 og geta þakkað stórskotaliði KR fyrir að fara í Laugardalinn og pakka HK saman í lokaumferðinni, þar sem að eitt stig hefði dugað HK úr þeim leik til að senda Vestra niður í Lengjudeildina.

Mynd: Fótbolti.net - Jónína Guðjörg Guðbjartsdóttir

Eyða Breyta

Fyrir leik

Dómari leiksins Gunnar Oddur Hafliðason heldur á flautunni í þessum fyrsta leik á N1-vellinum þetta fótboltasumarið.

Honum til aðstoðar eru Guðmundur Ingi Bjarnason og Antoníus Bjarki Halldórsson. Þá er Vilhjálmur Alvar Þórarinsson varadómari og Gylfi Þór Orrason, sú mikla goðsögn, er eftirlitsmaður.

Mynd: Fótbolti.net - Jónína Guðjörg Guðbjartsdóttir

Eyða Breyta

Fyrir leik

Gleðilegan leikdag Góðan daginn kæru lesendur og velkomin í þessa beinu textalýsingu frá Hlíðarenda, af leik Vals og Vestra í 1. umferð Bestu deildar karla 2025.