Hilmar Jökull Stefánsson @Hilmarjokull

Textalýsing Skýrslan Viðtöl

Hvað réði úrslitum? Vestri mættu sterkir til leiks, eftir að hafa verið spáð í við fallsætin á flestum stöðum fyrir mót. Það var í raun þéttur varnarleikur og flott markvarsla sem olli því að Vestri náði í sterkt stig á N1-vellinum í dag. Valur átti urmul af förum í byrjun leiks en þeim tókst ekki að skora mark úr þeim færum sem þeir sköpuðu sér. Það var síðan hreinlega kjaftshögg sem Valur fékk þegar þeir skoruðu sjálfsmark eftir nokkrar sekúndur í seinni hálfleik og þeir náðu síðan ekki að skora nema eitt mark. Bestu leikmenn 1. Guy Smit (Vestri) Guy Smit mætti í revenge mode á gamla heimavöllinn sinn og varði vel þau fjölmörgu skot sem Valsmenn náðu að marki og greip ennþá fleiri fyrirgjafir frá Val. Gott fyrir Hollendinginn upp á framhaldið í sumar að gera. 2. Jónatan Ingi (Valur) Jónatan Ingi var á fullu meirihlutann af leiknum úti á hægri kanti Vals og átti fullt af skotum á markið og þar á meðal eitt sem söng í samskeytunum. Það er kannski þversögn að segja að Anton Kralj, vinstri bakvörður Vestra, átti afbragðs fínan leik og það er líklega honum að þakka að Jónatan var ekki enn atkvæðameiri í leiknum. Atvikið Sjálfsmark Orra Sigurðar. Eftir að hafa verið mikið mun betri aðilinn í leiknum þá skoruðu Valsmenn sjálfsmark eftir nokkrar sekúndur í seinni hálfleik og hleyptu Vestra inn í leikinn að óþörfu, en það breytti leikmyndinni all svakalega og leyfði Vestramönnum að anda léttar.

Hvað þýða úrslitin? Valur, sem ætlar sér Íslandsmeistaratitilinn, fellur á fyrsta prófi en Vestramenn byrja Íslandsmótið af krafti með því að mæta á Hlíðarenda og taka sterkt stig aftur heim á Ísafjörð. Það verður að hrósa Vestraliðinu fyrir spilamennskuna og úrslitin hljóta að þýða mikið fyrir þá, upp á framhaldið í deildinni að gera. Á meðan þurfa Valsmenn að brýna markaskóna ef þeir ætla að gera sig gildandi í toppbaráttunni í sumar. Vondur dagur Orri Sigurður Ómarsson, sem venjulega stendur fyrir sínu, átti ekki góðar mínútur í upphafi seinni hálfleiks. Þá skoraði Orri þetta líka glæsilega sjálfsmark og fékk gult spjald stuttu seinna. Hann var síðan tekinn af velli kortéri eftir gula spjaldið. Dómarinn - 9 Gunnar Oddur og hans menn áttu ofboðslega flottan leik og það er til háborinnar fyrirmyndar að sjá leik þar sem ekkert, og ég meina ekkert, er við dómara teymið að klaga.