Sverrir Örn Einarsson @SEinarsson

Textalýsing Skýrslan

Hvað réði úrslitum? Keflavík átti fleiri gíra fyrir leik dagsins. Eftir nokkuð jafnan fyrri hálfleik skipti Keflavík algjörlega um gír í þeim seinni og leit aldrei um öxl, Gestirnir úr Vogum réðu ekki við neitt og því fór sem fór. Bestu leikmenn 1. Kári Sigfússon Var nokkuð rólegur í fyrri hálfleik en sprakk út í þeim síðari. Hætta skapaðist í hvert sinn sem hann fékk boltann og var í raun óheppinn að skora bara tvö í dag. 2. Gabríel Aron Sævarsson Duglegur að finna sér svæði í kringum vörn Þróttar og uppskar eins og hann sáði. Skoraði gott mark og átti heilt yfir fínan leik. Framtíðarmaður í liði Keflavíkur. Atvikið Rétt fyrir hálfleiksflautið fengur gestirnir hörkufæri sem nýttist þó ekki. Hefði leikurinn þróast öðruvísi ef liðin hefðu gengið jöfn til búningsherbergja í hálfleik?

Hvað þýða úrslitin? Keflavík verður í pottinum þegar dregið verður í 32 liða úrslit á morgun. Bikardraumar Þróttar eru þó ekki með öllu úr sögunni því þeir eru einnig þáttakendur í Fótbolta.net bikarnum sem hefst í júní. Vondur dagur Auðun Helgason þjálfari Þróttar hafði á orði eftir leik að lið hans ætti nokkuð í land. Það má færa rök fyrir því að hann hafi fyllilega rétt fyrir sér. Brotnuðu snemma í síðari hálfleik og voru farnir ansi langt út úr því skipulagi sem hafði reynst þeim svo vel í fyrri hálfleik. Reynsla sem þeir munu væntanlega draga lærdóm af. Dómarinn - 8 Ekkert upp á tríóið að klaga. Leikurinn sem slíkur mögulega ekki erfiður að dæma heldur og lítið um pústra og brot til að tala um.