SKÝRSLAN: Víkingar kláruðu KA á 24 mínútum
Hvað réði úrslitum?
Eftir rúmar 20. mínútur áttu Víkingar fjögur skot en staðan 3-0. Í hvert einasta skipti sem þeir fengu tækifæri til þá refsuðu þeir. KA voru ekkert mun slakari en gæðin fram á við hjá Víkingum voru bara of mikil. Í stöðunni 3-0 sá kom pirringur í KA-menn og um leið fór trúin. Þessi sigur var aldrei í hættu hjá Víkingum.
Bestu leikmenn
1. Helgi Guðjónsson
Helgi skoraði og lagði upp í dag. Hefði getað skorað fleiri en eitt, samt sem áður frábær í dag.
2. Karl Friðleifur Gunnarsson
Karl Friðleifur geggjaður í dag. Fannst hann ekki stíga feilspor. Skoraði síðan frábært mark. Síðan verður að minnast á Valdimar Þór sem var óstöðvandi þessar tuttugu mínútur sem hann spilaði.
Atvikið
Ætli það sé ekki mark Karl Friðleifs sem endanlega kláraði þennan leik á 24. mínútum.
Hvað þýða úrslitin?
Víkingur er á toppi deildarinnar með fullt hús stiga. KA er eins og stendur í 11. sæti með eitt stig.
Vondur dagur
Úff, það eru ansi margir úr þessu KA-liði sem voru slakir í dag. Hans Viktor var þó langt frá því að vera á sínum besta degi þannig að hann hlýtur þessa nafnbót.
Dómarinn - 8
Villi Alvar og félagar flottir í dag. Ekkert við kvartettinn að sakast.