SKÝRSLAN: Fyrsti deildarsigur Valsara sendi KA á botninn
Hvað réði úrslitum?
Valsmenn voru einfaldlega betri allan leikinn og uppskáru eftir því. Varnarleikur KA var alls ekki til útflutnings í kvöld.
Bestu leikmenn
1. Jónatan Ingi Jónsson
Tvö mörk og margir virkilega góðir sprettir. Fór oft illa með varnarmenn KA í dag.
2. Birkir Heimisson
Virkilega flottur í dag. Kórónaði frammistöðuna með tveimur keimlíkum stoðsendingum.
Atvikið
Setjum þetta á fyrsta mark leiksins. Lagði svolítið tóninn.
Hvað þýða úrslitin?
Valsarar unnu sinn fyrsta deildarsigur eftir jafntefli í tveimur fyrstu leikjunum. KA menn eru hinsvegar í 12. sætinu eftir tvo tapleiki í röð og 1 stig úr fyrstu þremur leikjunum.
Vondur dagur
Það verður að segjast alveg eins og er að varnarleikur KA var dapur á löngum köflum í kvöld. Réðu ekkert við fremstu menn Vals
Dómarinn - 8
Mig langar að hrósa Twana fyrir virkilega vel dæmdan leik. Miðað við köll úr stúkunni eru einhverjir stuðningsmenn KA eflaust ósammála mér en mér fannst hann ljómandi fínn í kvöld.