Fram fer með nokkuð öruggan sigur af hólmi hér í kvöld.

Viðtöl og skýrsla væntanleg.

Andri Freyr með skalla að marki en Viktor Freyr ekki í teljandi vandræðum með það.

Ekki mikil sannfæring í þessu skoti frá Bjarti Bjarma. Hátt yfir.

Frammarar í stúkunni eru byrjaði að spila "Way down we go" með Kaleo í gjallarhornið í stúkunni bent að Aftureldingu.

Það vantar ekki húmorinn í stúkuna.

Arnar Daði að leika sér að eldinum þarna þegar Guðmundur Magnússon pressar hann og hann leikur á hann.

Hrannar Snær með þrumuskot á nærstöngina sem Viktor Freyr ver í stöngna og framhjá.

Afturelding fær hornspyrnu sem dettur í teignum og endar svo hjá Aroni Jóhannssyni sem fellur við í teignum þegar Fram koma boltanum burt en Helgi Mikael dæmir ekkert.

Aron liggur eitthvað eftir í teignum en mögulega hefði þetta átt að vera eitthvað? Ég skal ekki segja en það var lykt af þessu.

Verið allt annað að sjá til Aftureldingar í seinni hálfleiknum. Eru að spila á köflum virkilega vel en vantar að klára sóknirnar.

Leikurinn stopp á meðan hugað er að Sigurpáli Melberg.

Fram tekur stutt leikhlé á meðan þessu stendur.

Langur bolti fram sem Arnór Gauti hælar afturfyrir sig á Elmar Kára og hann veður inn á teig og nær að moðast í gegn og lyftir boltanum framhjá Viktori Frey en Kennie stekkur fyrir og skallar boltann í horn á marklínunni.

Skemmtilega útfærð aukaspyrna og Kyle McLagan fær frítt skot en þarf aðeins að teygja sig í boltann og skotið beint á Arnar Daða í marki Aftureldingar.

Við erum farin af stað aftur.

Fram leiðir nokkuð sannfærandi og sanngjarnt hérna þegar gengið er til búningsklefa í hálfleik.

Magnús Már þarf að eiga góða ræðu í hálfleik fyrir Aftureldingu því þetta hefur á tíðum virkað full auðvelt fyrir Fram.

Fram þjarma að marki Aftureldingar en Jökull heldur þeim á lífi aftast.

Fred með frábæran sprett þar sem hann fer auðveldlega í gegnum miðju Aftureldingar og keyrir í átt að teignum og á skot sem Jökull ver vel.

Hefði verið afskaplega fallegt mark ef hann hefði náð að klára þetta.

Afturelding búnir að ná sínum besta kafla þegar markið kemur svo svekkjandi fyrir þá en líklega sanngjarnt ef á heildina er litið að Fram sé komið tveim mörkum fram úr.

Hrannar Snær með tilraun sem fer í liggjandi Arnór Gauta og framhjá. Hefði verið skemmtilegt mark ef þeir hefðu náð að stýra þessu á markið.
Sýndist reyndar flaggið fara á loft svo það hefði líklega ekki talið.

Hornspyrna beint af æfingarsvæðinu hjá Aftureldingu en Viktor Freyr ver virkilega vel frá Aroni Jóhannssyni.
Klafs í teignum eftir þessa vörslu þar sem Arnór Gauti fellur við en Helgi Mikael gefur strax merki um ekkert og Afturelding fær annað horn.

Það verður hinsvegar ekkert úr því horni en þetta var flottur kafli hjá Aftureldingu.

Fram ráðið lögum og lofum hérna þar sem af er leiks.

Leikurinn farinn af stað aftur og Jökull staðinn á fætur svo þetta hefur vonandi sloppið til.

Vuk Oskar með gott skot sem Jökull ver stórkostlega og flaggið fer svo á loft. Magnús verið fyrir innan og fyrir Jökli sennilega.

Jökull liggur eftir þessa vörslu sem eru ekki góðar fréttir fyrir gestina. Vonandi ekki eitthvað alvarlegt.

Arnór Gauti í dauðafæri og Viktor Freyr ver frábærlega en flaggið fór á loft svo það hefði ekki talið.

Elmar Kári kemur sér í skotfæri en Kyle McLagan nær að koma sér fyrir.

Fínasta fyrirgjöf fyrir markið og Hrannar Snær stekkur upp í skalla en fer af varnarmanni og afturfyrir.

Haraldur Einar fær óvænt frábær skotfæri eftir að varnarmenn Aftureldingar renna þegar hann er að nálgast teigin eftir horn en skotið frá Haraldi yfir markið.

Kyle McLagan stangar inn frábæra fyrirgjöf frá Fred en flaggið á loft svo það telur ekki.

Aron Elí með tilraun af smá færi en Viktor Freyr slær það yfir.

Boltinn fellur fyrir fætur Magnúsar Þórðarsonar í teig Aftureldingar og hann á bara eftir að koma boltanum framhjá Jökli í markinu en það er hægara sagt en gert!

Þvílík varsla strax á upphafsmínútu leiksins!

Magnús Þórðarson sparkar þessu af stað fyrir Fram.

Byrjunarliðin eru klár og má sjá hér til hliðana.

Rúnar Kristinsson gerir tvær breytingar á sínu liði frá tapinu gegn ÍBV í síðustu umferð. Inn koma Fred og Magnús Þórðarson fyrir þá Þorra Stefán Þorbjörnsson og Guðmund Magnússon.
Magnús Már Einarsson gerir þá engar breytingar á sínu liði frá sögulegum sigri gegn Víkingum í síðustu umferð.

Magnús Þórir Matthíasson, lýsandi og fyrrum fótboltamaður, spáir í 4. umferð Bestu deildarinnar. Hann er ekki maður sem spáir jafnteflum.

Fram 2-0 Afturelding
Leikurinn þar sem tveir pólar mætast en gamli skólinn vs nútíminn. Mosóbrósarnir eiga það til að fljúga hátt og liggja svo kylliflatir stuttu seinna t.d. Guðmundur og Guðbjörn Pálssynir hafa gert það oft í gegnum tíðina og það mun verða raunin í dal draumanna á köldu mánudagskvöldi. Magnús Már og hans menn munu ekki ráða við reiða Framara sem fengu skell á móti ÍBV 3-1 tap niðurstaðan og innanbúðar vesen á Ólafi Íshólm sem var hluti af 5-6 manna fyrirliðateymi Rúnars. Fram munu þjappa sér vel saman og lemja á reynslulitlu liði Aftureldingar sem verða undir í baráttunni og lokatölur öruggur 2-0 sigur Framara en Fred mun skora úr vítaspyrnu og Grindvíkingurinn geðveiki Sigurjón Rúnarsson mun gera hitt markið af harðfylgi eftir hornspyrnu.

Helgi Mikael Jónasson heldur utan um flautuna hér í kvöld og honum til aðstoðar verða Egill Guðvarður Guðlaugsson og Kristján Már Ólafs.
Fjórði dómari er Þórður Þorsteinn Þórðarson og eftirlitsmaður KSÍ er Hjalti Þór Halldórsson.

Fram eru með þrjú stig eftir þrjá leiki. Eftur tap gegn ÍA í fyrstu umferð fylgdi frábær sigur gegn Breiðablik í annari umferð. Fram náði þó ekki að fylgja þeim sigri eftir gegn ÍBV í Vestmannaeyjum í síðustu umferð þar sem þeir lutu í lægra hald 3-1.

Kennie Chopart og Guðmundur Magnússon hafa báðir skorað tvö mörk hvor í upphafi móts og verður áhugavert að sjá hvort þeir nái að bæta við það í kvöld.

Afturelding eru með fjögur stig eftir þrjár umferðir. Sögulegur sigur hjá þeim í síðustu umferð gegn Víkingum en það var fyrsti sigur þeirra í efstu deild. Hrannar Snær Magnússon skoraði eina mark leiksins og varð hann um leið fyrsti markaskorari Aftureldingar í efstu deild.

Afturelding vonast til þess að hamra járnið meðan það er heitt og mæta fullir sjálfstrausts til leiks.

Verið hjartanlega velkomin í þessa þráðbeinu textalýsingu frá Lambhagavellinum þar sem heimamenn í Fram taka á móti Afturelding í 4. umferð Bestu deild karla.