Haraldur Örn Haraldsson @haraldur_orn

- Meðalaldur 25 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Skagamenn voru töluvert betra liðið fyrstu 20 mínúturnar í leiknum. Þeir náðu hinsvegar ekki að nýta sér það og KR skoraði fyrsta mark leiksins á 24. mínútu. Eftir það tóku KR-ingar hægt og rólega yfir leikinn og kreistu í raun allt sjálfstraust úr Skagamönnum. Eftirleikurinn var einfaldur fyrir KR. Bestu leikmenn 1. Aron Sigurðarson (KR) Aron kom til baka eftir tveggja leikja bannið sitt og var hreint út sagt frábær. Tvö mörk og stoðsending fyrir hann í dag, og fleiri færi sem hefðu með heppni getað gert tölfræðina hans ennþá betri. 2. Luke Rae (KR) Luke skoraði annað mark KR í leiknum, mark sem hann átti algjörlega sjálfur. Hann var öflugur í sóknarleiknum en einna helst var það orkan í honum sem var frábær. Hann var út um allt á vellinum og barðist endalaust fyrir liðið. Atvikið Fyrsta mark leiksins kemur þvert gegn gangi leiksins. Léleg varnarvinna hjá ÍA þar sem þeir ná ekki að klukka leikmenn KR eftir að KR átti innkast. Það var vendipunkturinn í leiknum.

Hvað þýða úrslitin? KR-ingar taka fyrsta sigurinn í deildinni á þessu tímabili og eru komnir með sex stig. Þeir lyfta sér þar af leiðandi upp í þriðja sætið, allaveg í bili. Skagamenn detta niður í 11. sætið og eru með þrjú stig. Þeir hafa núna tapað þremur leikjum í röð. Vondur dagur Fremstu menn ÍA hefðu getað komið gestunum í góða stöðu snemma í leiknum. Viktor Jónsson og Gísli Laxdal fengu báðir mjög góðar stöður, og færi til þess að koma ÍA yfir en þeir klikkuðu á því. Mark hjá ÍA snemma og þetta hefði mögulega verið allt annar leikur. Dómarinn - 7 Það var greinilegt að Elías var að reyna að halda spjöldunum í vasanum í þessum leik sem ég var bara hrifinn af. Hann fer hinsvegar frá 8 niður í 7 fyrir gula spjaldið sem hann setur á Steinar Þorsteinsson fyrir dýfu. Ekkert risa atriði en mér fannst það illa vegið að gefa Steinari gult þar.

- Meðalaldur 27 ár

- Meðalaldur 22 ár