Guðmundur Aðalsteinn Ásgeirsson @gummi_aa

- Meðalaldur 23 ár

- Meðalaldur 23 ár

Textalýsing Skýrslan

Hvað réði úrslitum? Það var rosa lítið sem skildi liðin að í lokin. Fram spilaði þennan leik frábærlega og varnarlega voru þær stórgóðar. Seinni hálfleikurinn var erfiður fyrir Framliðið og gestirnir náðu svolítið að þrýsta þeim niður en í framlengingunni komu þær sterkar inn og voru óheppnar að skora ekki áður en Valur gerði sigurmarkið. Þær gerðu tvær mjög góðar tilraunir til þess. Þetta var bara alvöru bikarslagur sem endaði með smá dramatík. Bestu leikmenn 1. Elaina Carmen La Macchia (Fram) Elaina var stórkostleg í markinu hjá Fram og í seinni hálfleik sá hún til þess að leikurinn færi í framlengingu. Framarar eru með einn besta markvörðinn á landinu í sínu liði og það hjálpar gríðarlega. 2. Telma Steindórsdóttir (Fram) Hún og Dominique voru gífurlega sterkar í hjarta varnarinnar hjá Fram og lögðu allt sitt í leikinn. Telma er mjög svo öflugur leikmaður sem vert er að hafa augun á í sumar. Atvikið Það er að mínu mati varslan sem Tinna Brá tekur eftir skotið hjá Dominique í framlengingunni. Frábær varsla en í kjölfarið kemur sigurmarkið, sem fleytir Val áfram í bikarnum.

Hvað þýða úrslitin? Valur fer áfram í átta-liða úrslitin og Fram situr eftir. En ef maður horfir aðeins dýpra á þetta, þá eru þetta mjög áhugaverð úrslit. Þessi lið mættust í bikarnum á svipuðum tíma í fyrra og þá vann Valur 8-0 sigur. Fram er komið lengra núna og er að spila vel í Bestu deildinni á meðan Valur er að finna sig upp á nýtt. Það er alls ekkert svo mikill munur á liðunum eins og sást í dag. Vondur dagur Valsliðið í fyrri hálfleik var svakalega slappt og þær gerðu fjórfalda breytingu í háflleik sem breytti miklu. Ef Valur ætlar að gera eitthvað í sumar, þá þurfa þær að gera miklu betur en þær gerðu í fyrri hálfleik. Það voru leikmenn sem komu inn í liðið hjá Hlíðarendafélaginu og náðu ekki alveg að grípa tækifærið. Dómarinn - 6 Ekkert mjög svo erfiður leikur að dæma en teymið stóð sig fínt.

- Meðalaldur 24 ár

- Meðalaldur 24 ár