SKÝRSLAN: Þórsarar sanngjarnt í 8-liða úrslitin
Hvað réði úrslitum?
Þórsarar voru bara betri megnið af leiknum. Með Ibrahima Balde fremstan í flokki var sigur þeirra aldrei í teljandi hættu.
Bestu leikmenn
1. Ibrahima Balde
Ekki nokkur spurning. Tvö mörk og stoðsending. Selfyssingar réðu ekkert við hann.
2. Einar Freyr Halldórsson
Mark og stoðsending. Líka mjög kraftmikill á miðjunni.
Atvikið
Þriðja mark Þórsara. Í stöðunni 2-0 fannst mér koma kafli þar sem Selfyssingar voru að gera sig líklega í að komast inn í leikinn aftur. En eftir þriðja markið var þetta orðin meiri brekka.
Hvað þýða úrslitin?
Þórsarar verða í pottinum þegar dregið verður í 8-liða úrslit Mjólkurbikarsins. Selfyssingar eru hinsvegar úr leik.
Vondur dagur
Varnarlína Selfyssinga var ekki að gera gestunum frá Akureyri neitt sérstaklega erfitt fyrir í þessum leik. Dapurlegur varnarleikur í nokkrum mörkum, sérstaklega þriðja markinu.
Dómarinn - 7
Heilt yfir gott hjá Ella í dag. Set smá spurningamerki við að Selfoss hafi ekki fengið víti í blálokin en leyfi honum að njóta vafans.