Haraldur Örn Haraldsson @haraldur_orn

- Meðalaldur 26 ár

- Meðalaldur 23 ár

Textalýsing Skýrslan Viðtöl

Hvað réði úrslitum? Eyjamenn voru þéttir til baka og leyfðu KR-ingum mest megnis að vera með boltann. Þeir beittu síðan beinskeyttum skyndisóknum þar sem þeir nýttu hraðann og kraftinn sem býr í Oliver Heiðarssyni og Omar Sowe. ÍBV hefði í raun getað skorað fleiri mörk, en ég tek það heldur ekki af KR-ingum að þeir áttu svo sem líka færi. Bestu leikmenn 1. Oliver Heiðarsson (ÍBV) Tvö mörk og stoðsending. Alveg frábær í skyndisóknarleik ÍBV í kvöld, fljótur, áræðinn og með gæðin til að klára færin. 2. Omar Sowe (ÍBV) Hinn maðurinn í þessari svaka hraða og krafta framlínu ÍBV. Hann var með mark og stoðsendingu, og spilaði líka lykilhlutverk í loka marki ÍBV. Atvikið Þriðja mark Eyjamanna skorar Omar Sowe á 81. mínútu. Flott samspil milli hans og Olivers þar sem Omar kláraði síðan vel. KR-ingar reyndu hvað þeir gátu að jafna metin eftir það, en voru aldrei neitt sérlega líklegir.

Hvað þýða úrslitin? ÍBV eru komnir áfram í 8-liða úrslit Mjólkurbikarsins en KR-ingar þurfa að finna Evrópusæti í deildinni ef þær ætla sér það. Vondur dagur Meiðslalistinn hjá KR verður ekkert styttri. Aron Þórður Albertsson fer af velli á 34. mínútu vegna meiðsla og þá fer einnig Alexander Helgi Sigurðarson meiddur af velli á 61. mínútu. Þetta eftir að hafa misst Júlíus Mar Júlíusson og Luke Rae í síðasta leik. Dómarinn - 8 Engin risa atriði sem Helgi þurfti að taka á en heilt yfir bara vel dæmt. Honum tókst næstum því að halda gula spjaldinu í vasanum allan leikinn, en þurfti að gefa Omar Sowe gult í uppbótartíma þegar hann fór inná völlinn án þess að fá leyfi frá Helga.

- Meðalaldur 24 ár

- Meðalaldur 26 ár