SKÝRSLAN: Skattar, dauðinn og markasúpa í KR leikjum
Hvað réði úrslitum?
Eigum við ekki að segja að Mosfellingar hafi toppað á réttum tíma. Setja tvö mörk með skömmu millibili þegar skammt var eftir af leiknum. Svo má ekki gleyma skiptingunum hjá Magga. Þórður Gunnar kemur inn á og býr til tvö mörk sem vinna leikinn.
Bestu leikmenn
1. Benjamin Stokke
Skorar tvö glæsileg mörk og var allt í öllu í sóknarleik Mosfellinga í byrjun leiks.
2. Aron Elí Sævarsson
Fyrirliðinn átti gjörsamlega frábæran leik. Leggur upp eitt og skorar eitt í dag. Ásamt því átti hann frábæran leik heilt yfir.
Atvikið
Sigurmarkið hjá Hrannari þegar 10 mínútur voru eftir af leiknum. Frábær fyrirgjöf hjá Þórði á Hrannar sem klárar stórglæsilega.
Hvað þýða úrslitin?
Afturelding er komið upp í 10 stig í deildinni og jafna þar með KR-inga á stigum. Úrslitin gefa það líka til kynna að KR er lang skemmtilegasta lið deildarinnar.
Vondur dagur
Eins góður og sóknarleikur KR er að þá hefur vörnin ekki verið jafn góð í byrjun móts. Mér fannst Alexander Helgi ekki eiga góðan leik á miðsvæðinu, hann fær þetta því miður í dag.
Dómarinn - 7
Fínn leikur hjá Sigurði sem dæmdi þetta vel ásamt sínum mönnum. Mikið um spjöld og eitt og eitt atvik sem ég var ósammála, annars vel gert.