SKÝRSLAN: Framarar með sterkan sigur á Vestra
Hvað réði úrslitum?
Fram fékk vítaspyrnu en ekki Vestri. Þetta var tíðindalítill leikur, Vestra menn áttu gott áhlaup í lok leiksins en Framarar vörðust vel.
Bestu leikmenn
1. Vuk Oskar Dimitrijevic (Fram)
Allt sem gerðist hjá Fram sóknarlega var í gegnum Vuk. Flottur leikur hjá honum og hann fiskaði vítið.
2. Viktor Freyr Siguðrsson (Fram)
Virkilega flottur í markinu í dag. Átti nokkrar góðar vörslur og var líka að taka fyrirgjafir.
Atvikið
Vítið sem Fram fær. Klaufalegt hjá Sergine Fall sem tekur bara Vuk niður inn í teig. Tibbling kláraði spyrnuna síðan mjög vel.
Hvað þýða úrslitin?
Framarar eru komnir með níu stig eftir sjö leiki og eru eins og er í 6. sæti. Vestra menn eru ennþá jafnir Breiðablik og Víking á toppnum með 13 stig en bæði þau lið eiga eftir að spila í umferðinni.
Vondur dagur
Sergine Fall gerir lykilmistökin að brjóta inn í teig. Honum er svo kippt af velli í hálfleik. Ég gat ekki séð það að hann var meiddur þannig Davíð Smári væntanlega bara ósáttur við hann.
Dómarinn - 8
Nokkur vítaköll og Ívar dæmdi bara það sem átti að vera víti. Frábær leikur hjá honum en heimildir mínar herma að þegar Vuk skorar í fyrri hálfleik og það var dæmt rangstaða, hafi það verið rangt.