SKÝRSLAN: Breiðablik með sannfærandi sigur í nágrannaslag
Hvað réði úrslitum?
Það eru vitaskuld gæði Breiðabliks og líkamlegir yfirburðir. Blikar höfðu stjórn á leiknum nánast allan tímann og hefðu hæglega geta skorað fleiri mörk.
Bestu leikmenn
1. Birta Georgsdóttir
Algerlega frábær í leiknum og fór ansi illa með vörn HK. Skilaði af sér tveimur mörkum og stoðsendingu í fyrri hálfleik.
2. Agla María Albertsdóttir
Ógnar sífellt og skorar mark í dag. Virkilega flott.
Atvikið
Það eru þessi þrjú mörk sem voru skoruð á þremur mínútum. Ótrúlegar senur.
Hvað þýða úrslitin?
Úrslitin þýða að Breiðablik er nú komið í 4-liða úrslit bikarsins en HK segir skilið við Mjólkurbikarinn.
Vondur dagur
Það verður bara að setja þetta á varnarlínu HK en hún sá ekki mikið til sólar og fékk á sig 5 mörk.
Dómarinn - 8
Twana stóð sig bara nokkuð vel.