SKÝRSLAN: Montréttur á Seltjarnarnes
Hvað réði úrslitum?
Hulda Ösp Ágústsdóttir. Skoraði bara þegar henni datt það í hug í kvöld og þurfti ekki að hafa mikið fyrir því.
Bestu leikmenn
1. Hulda Ösp Ágústsdóttir
Þegar leikmaður skorar fjögur mörk í einum og sama leiknum þá kemur ekkert annað til greina
2. Sigrún Ösp Aðalgeirsdóttir
Að minnsta kosti tvær stoðsendingar. Sigrún var reglulega á ferðinni upp og niður vænginn og skapaði mikið af hættulegum færum.
Atvikið
Fjórða mark Huldu. KR-ingar voru nýbúnar að minnka muninn og það virtist stefna í spennandi loka stundarfjórðung en Hulda drap það strax mínútu síðar og varð í leiðinni jafn markahæst í deildinni í sumar með 8 mörk, ásamt Allison Grace Lowrey hjá ÍBV.
Hvað þýða úrslitin?
Grótta klifrar upp fyrir KR í tölfunni og fer upp í 4 sæti deildarinnar með 12 stig eftir 7 umferðir.
KR-ingar eru áfram með 10 stig.
Vondur dagur
Erfitt að henda einhverjum einum hérna undir rútuna. KR-ingar voru of linir í vörninni því Hulda Ösp þurfti á köflum ekki að hafa mikið fyrir sínum fjórum mörkum í kvöld. Gunnar Einarsson, þjálfari KR, fær því að eiga titilinn vondur dagur fyrir að láta blaðamann bíða of lengi út í kuldanum eftir viðtali.
Dómarinn - 8
Lítið sem ekkert hægt að sakast við Guðmund og hans teymi í kvöld.