Það er HK sem fer með sigur af hólmi hér í kvöld. Fylkismenn mun meira með boltann en HK-ingar refsuðu.

HK-ingar virðast vera að sigla stigunum þremur heim í efri byggðir.

Fylkir fær aukaspyrnu í fyrirgjafastöðu, skrýtin útfærsla og þeir tapa boltanum.

516 manns á vellinum.

Birkir Eyþórs með skalla framhjá marki HK.

Pablo Simon með viðstöðulaust skot eftir hornspyrnu Fylkis, en boltinn í Tuma Þorvars.

Theodór tekur skot á mark HK en Ólafur ver vel.

Skalli á mark gestanna en Ólafur Örn ver vel í marki HK.

HK-ingar fara í skyndisókn, boltinn berst á öskufljótann Tuma sem keyrir að marki en skot hans geigar.

Fylkismenn koma boltanum í netið en boltinn greinilega farinn allur af vellinum í aðdraganda marksins. Sýndist þetta vera réttur dómur.

Arnar Númi með skot framhjá marki gestanna, Fylkir sterkari þessa stundina.

Arnar Númi snýr vel á varnarmann HK og ætlar að lyfta boltanum yfir Ólaf, markvörð HK, en boltinn yfir markið.

HK-ingar umbreytast í brasilíska landsliðið og spila frábærlega á milli sín, kemur þó ekkert úr sókn gestanna og Ólafur Kristófer markvörður Fylkis endar með boltann.

HK-ingar sparka boltanum beint útaf eftir upphafsspyrnuna, ný taktík.

+8 Helgi Mikael flautar til hálfleiks eftir mark HK. Fyllkir búið að vera sterkara liðið en allt jafnt þegar liðin ganga til búningsklefa!

+7 Gestirnir fá hornspyrnu.

+4 Theódór Ingi setur boltann í netið eftir laglega skyndisókn heimamanna, en flaggið komið réttilega á loft.

Heimamenn fá hornspyrnu, en gestirnir skalla frá.

Theódór Ingi með skot langt framhjá marki HK.

Arnar Freyr markvörður HK liggur niðri og þarfnast aðhlynningar. Þetta er fyrsti leikur Arnars eftir að hann tognaði í upphafi mánaðar.

Gestirnir fá hornspyrnu, eftir nokkurn darraðadans koma Fylkismenn boltanum frá.

Fylkismenn sterkari aðilinn það sem af er leiks.

Eyþór Wöhler fer harkalega í Kristján Snæ en sleppur með tiltal.

Guðmundur Tyrfings með kraftlítið skot í átt að marki HK-inga sem Arnar Freyr handsamar auðveldlega.

Tumi getur haldið leik áfram, góðar fréttir fyrir HK-inga.

Tumi Þorvars liggur niðri og kveinkar sér, leikurinn stöðvaður og Tumi hlýtur aðhlynningar.

Fylkismenn fá aukaspyrnu í fyrirgjafastöðu, Ívar Örn varnarmaður HK skallar frá.

Heimamenn byrja með boltann.

Liðin trítla inn á völlinn við miklar undirtektir áhorfenda, styttist í þetta!

Arnar Freyr Ólafsson markvörður HK snýr aftur í byrjunarlið gestanna. Arnar tognaði í leik gegn Selfossi fyrir rúmum tveimur vikum en er klár í dag.

Elmar Atli Garðarsson, fyrirliði Vestra sem komst í undanúrslit Mjólkurbikarsins á dögunum er spámaður okkar fyrir komandi umferð í Lengjudeildinni, sem hófst í gær. Fylkir 2 - 1 HK (19:15 í kvöld) Trúi ekki öðru en Fylkir rífi sig í gang eftir slaka byrjun á mótinu. Fullkominn leikur fyrir þá til að snúa þessu við. Dramatík og sigurmark í uppótartíma.

Helgi Mikael Jónasson sér um flauta leikinn hér í kvöld. Honum til aðstoðar verða þeir Bryngeir Valdimarsson og Nour Natan Ninir Eftirlitsmaður KSÍ er Jón Sigurjónsson

Fylkir situr fyrir leik kvöldsins í níunda sæti deildarinnar með sjö stig. Liðið hefur aðeins unnið einn leik á timabilinu, gert fjögur jafntefli og tapað þremur. Liðið er aðeins stigi frá fallasæti. Fylkir mætti Grindavík í síðustu umferð og gerði liðið 1-1 jafntefli við Grindavík. Þóroddur Víkingsson skoraði mark Fylkismanna. Fótbolti.net ræddi við Árna Frey þjálfara Fylkismanna eftir síðasta leik í Árbænum. „Enn ein vonbrigðin að vinna ekki leik og þá sérstaklega hér á heimavelli. Við erum sjálfum okkur verstir" Árni segir að liðið sé að slá heimsmet í meiðslum. „Það gerist alltaf þegar að það gengur ekki vel. Þá fara menn kannski að ofhugsa hlutina. Við erum að skipta mikið á liðinu og rótera ekki kannski afþví að við viljum það endilega alltaf heldur eru margir meiddir og þannig er það hjá öllum liðum. Það var einhver sem kvartaði undan heimsmeti í meiðslum en ég held að við séum að bæta það heimsmet" Árni Freyr hefur miklar áhyggjur af stöðunni en segist þó ekki geta haft áhyggjur af stöðu sinni hjá Fylki. „Ég get ekki haft áhyggjur af einhverju sem ég hef enga stjórn á. Það er bara stjórnin sem ákveður það. Ég tel mig og teymið vera nægilega gott til þess að snúa þessu við og gera þetta vel en ég er ekkert að ljúga af þér að þetta hefur alveg komið inn í hausin á mér en við þurfum bara að halda áfram"

HK situr fyrir leik kvölsins í þriðja sæti deildarinnar og er liðið með 14.stig, fjórum stigum á eftir toppliði ÍR. HK fékk Fjölni í heimsókn í síðustu umferð í leik sem endaði 3-0 fyrir HK og hefði mjög auðveldlega geta orðið stærri. Brynjar Snær Pálsson, Dagur Orri Garðarsson og Birnir Breki Burknason skoruðu mörk HK. Hermann Hreiðarsson mætti í viðtal við Fótbolta.net eftir leikinn í Kórnum. „Það er stutt síðan við spiluðum og fengum rosalegt högg í magann eftir góðan leik. Við svöruðum því, það sýnir oft úr hverju menn eru gerðir þegar það er búið að berja á sér. Þetta var rosalega góð liðsframmistaða," sagði Hemmi. Hermann Hreiðarsson er ánægðu með leikmannahópinn sinn. „Heilbrigð og öflug samkeppni. Við erum alltaf að skapa okkur og í dag small þetta hrikalega vel. Þeir áttu allir frábæran leik. Það er ekki bara það hversu öflugir þeir eru fram á við. Þeir eru duglegir, svakalegir iðnaðarmenn fremst á vellinum sem hlaupa úr sér lungun,"

Góðan og gleðilegan daginn kæru lesendur og verið hjartanlega velkomin með okkur í Árbæinn þar sem Fylkir og HK mætast í Lengjudeild karla. Flautum til leiks klukkan 19:15.