Sölvi Haraldsson @Breiiiiiiiiiii

- Meðalaldur 30 ár

- Meðalaldur 22 ár

Textalýsing Skýrslan

Hvað réði úrslitum? Það var mjög mikilvægt fyrir Valsmenn að ná að svara strax fyrir jöfnunarmarkið sem þeir fá á sig í fyrri hálfleik og taka forystuna aftur. Svo héldu þeir út þennan góða kafla KR-inga sem var fyrstu 15-20 mínúturnar af síðari hálfleiknum. Hver veit hvað hefði gerst ef Aron hefði jafnað úr skallanum sínum. Bestu leikmenn 1. Patrick Pedersen Var gjörsamlega stórkostlegur í dag. Leggur upp tvö mörk og skorar eitt áður en hann fær heiðursskiptingu sem átti sér langan og skondinn aðdraganda (nánar í Atvikið). 2. Kristinn Freyr Sigurðsson Sá var á eldi í dag. Einn af þessum dögum þar sem allt sem hann snerti varð eiginlega að færi. Frábær í dag hann Kiddi. Atvikið Þegar Patrick Pedersen átti að fara af velli en fjórði dómarinn vildi ekki framkvæma skiptinguna strax. Þjálfarateymi Vals var gífurlega óánægt en aðeins nokkrum sekúndum síðar skoraði Patrick Pedersen að sjálfsögðu. Sömuleiðis má nefna þegar KR liðið var baulað af velli af sínum eigin stuðningsmönnum. Óskar Hrafn, sem kallaði sjálfan sig einhyrning fótboltasamfélagsins eftir leik, skilur reiði stuðningsmanna en hefur ekki áhyggjur af stöðunni sem KR er í.

Hvað þýða úrslitin? Valsmenn fara upp í þriðja sætið og KR-ingar eru í 10. sætinu aðeins einu stigi frá fallsæti þegar 12 leikir eru búnir. Vondur dagur Erfitt að benda á einhvern einn í svona dapri frammistöðu. Mér fannst samt sem áður Gabríel Hrannar ekki góður í dag, hann hefur átt miklu betri leiki. Sömuleiðis er örugglega ekki gaman fyrir Halldór Snæ í markinu að fá á sig endalaust af mörkum í þessari vegferð KR-inga. Dómarinn - 6 Ágætlega dæmt hjá Sigurði og hans teymi. Þetta var náttúrulega aldrei víti sem KR fékk en annars bara frekar vel dæmt heilt yfir.

- Meðalaldur 26 ár

- Meðalaldur 24 ár