SKÝRSLAN: Njarðvík breiddi yfir leikinn eftir tuttugu mínútur
Hvað réði úrslitum?
Njarðvíkignar gengu frá þessum leik á fyrstu tuttugu mínútum. Hefðu hæglega geta skorað fleiri mörk og sigurinn síst of stór. Eftir fjórða markið náði Grindavík að tengja saman nokkrar sendingar en leikurinn var þá gott sem farinn frá þeim. Njarðvíngar sigldu þessu nokkuð þægilega í höfn og Grindavík náði inn sárabótamarki.
Bestu leikmenn
1. Dominik Radic
Skoraði tvö mörk í kvöld og var líflegur. Tekinn útaf eftir 70 mínútur og hefði eflaust viljað reyna við þrennuna lengur.
2. Amin Cosic
Heldur áfram að vera skemmtikraftur í liði Njarðvíkinga. Skoraði og lagði upp. Fékk mann upp á tærnar í hvert sinn nánast sem hann komst á boltann. Oumar Diocuk fær líka 'shout' - Margir sem áttu góðan leik í kvöld.
Atvikið
Fimmta mark Njarðvíkur súmmerar svolítið upp frammistöðu Grindavíkur í kvöld. Vandræðagangur sem endar með auðveldu marki.
Hvað þýða úrslitin?
Njarðvíkingar fara á toppinn um stundarsakir einu stigi yfir ÍR sem eiga leik inni á morgun gegn Fylki. Grindavík fær sinn þriðja skell í röð og fara að nálgast hættusvæðið.
Vondur dagur
Grindavíkurliðið eins og það lagði sig fyrstu 23 mínútur leiksins. Njarðvíkingar fóru svo stundum heldur auðveldlega í gengum þá svo þetta var erfiður dagur á skrifstofunni í Grindavík.
Dómarinn - 8
Ekkert út á teymið að setja í kvöld. Fannst stundum eins og þeir vorkenndu Grindvíkingum svolítið í 50/50 dómum en heilt yfir þá var þetta virkielga vel dæmt.