Sæbjörn Þór Þórbergsson Steinke @saebjornth

- Meðalaldur 26 ár

- Meðalaldur 21 ár

Textalýsing Skýrslan

Hvað réði úrslitum? Færanýtingin númer eitt tvö og þrjú. Þróttarar fengu eitt mjög gott færi í fyrri hálfleiknum en hittu ekki markið af stuttu færi. Svo var það upptalið þangað til á 86. mínútu. Þórsarar fengu fullt af færum en náðu ekki að nýta nægilega mörg. Í stöðunni 1-0 fengu Þórsarar fullt af sénsum til að koma sér í betri stöðu en tókst það ekki. Þróttarar náðu að ýta Þórsurum niður undir lokin, sköpuðu sér stöðu en eina alvöru færið var í jöfnunarmarkið. Sigurmarkið var svo algjört draumamark. Það má tala um rán í Boganum. Bestu leikmenn 1. Þórhallur Ísak Guðmundsson Laddi var betri en enginn í markinu, engar kannski heimsklassa vörslur en gerði vel oft einn á móti einum og hélt sínum mönnum í leiknum. 2. Eiríkur Þorsteinsson Blöndal Drauma sigurmark hjá bakverðinum, byrjaði hægra megin en fór svo út vinstra megin. Ýmir Már Geirsson og Orri Sigurjónsson voru bestir í liði heimamanna. Atvikið Sigurmarkið á 92. mínútu, Eiríkur, sem var kominn með fyrirliðabandið, teygði sig í boltann, rann einhvern veginn og setti boltann upp í skeytin á marki Þórsara. Óverjandi í fyrstu sýn.

Hvað þýða úrslitin? Þróttarar eru komnir upp fyrir Þórsara og vinna loksins aftur sigur. Heimavöllur Þórsara heldur áfram að skila þeim ekki nægilega mörgum stigum, einungis tveir sigrar í sjö leikjum í Boganum. Sigur Þróttara var aftur á móti fjórði sigur þeirra á útivelli í fimm leikjum. Vondur dagur Clement Bayiha. Færanýting hans, og reyndar fleiri leikmanna, var alls ekki nógu góð og það kostaði heimamenn í dag. Dómarinn - 6 Heilt yfir fínt, flaut og flaut sem maður skildi ekki alveg, en ekkert alvarlegt. Ein aukaspyrna sem dæmd var á Orra í fyrri hálfleik fannst mér skrítin, ekki alvarlegra en það.

- Meðalaldur 22 ár

- Meðalaldur 23 ár