FH-ingar hirða stigin þrjú eftir 5-0 sigur á KA.

Minni á viðtök og skýrslu á eftir, þangað til næst.

Guðjón Ernir fær boltann einn á auðum sjó inn á teig FH-inga eftir góða sókn KA en dúndrar boltanum hátt yfir í fyrsta.

Boltinn kemur inn á teiginn og það myndast smá klafs. Rosenörn keyrir út í teiginn og ætlar að taka boltann en missir af honum. Bjarni er því með markmannslaust mark fyrir framan sig en setur boltann í varnarmenn FH og svo í lúkurnar á Rosenörn.

Gestirnir geta ekki keypt sér mark.

Hallgrímur tekur spyrnuna inn á teiginn sem Jóan Símun skallar rétt yfir markið.

Ingimar Stöle reynir fyrirgjöf á fjærsvæðið þar sem Hallgrímur Mar er mættur og skallar boltann rétt framhjá.

Úlfur Ágúst fær boltann og keyrir af stað áður en hann rúllar honum til hliðar á Kjartan Kára. Kjartan er komin í svipaða stöðu og áðan en reynir að leggja hann niður í fjær hornið í þetta sinn sem Tönning ver vel.

Grétar Snær fær höfuðhögg eftir samstuð við liðsfélaga og þarf að fá aðhlynningu og fer af velli tímabundið.

Kjartan Kári gerir frábærlega og keyrir inn á teig KA. Hann tekur skotið sem fer í slána og skoppar í jörðina. Boltinn er á leiðinni í markið sýndist mér þegar Ívar Örn hreinsar af línunni með hjólhestarspyrnu.

Jakob Snær fær boltann fyrir utan teig FH og lætur vaða á markið en Rosenörn ver þetta vel.

Þetta er það sem KA þurfti í þennan leik!

Kjartan Kári sparkar okkur aftur af stað!

Boltin kemur inn á teiginn þegar Sigurður Bjartur tekur skotið í jörðina og í slána. FH-ingarnir tryllast og vilja víti en um þann mund flautar Twana bara til hálfleiks. Það eru FH-ingar sem leiða 2-0 og það sanngjarnt að mínu mati.

Tökum okkur korterspásu og sjáum svo hvað setur í seinni hálfleiknum.

Hættulegur bolti hjá Kjartani Kára inn á teig gestanna sem KA-menn ná rétt svo að bjarga í horn.

Römer með góðan bolta inn á teiginn þar sem Hallgrímur er mættur og tekur skotið í fyrsta sem fer rétt yfir markið. Gestirnir eru að vinna sig hægt og bítandi inn í leikinn.

Hallgrímur tekur spyrnuna inn á teiginn sem FH-ingar ná að hreinsa frá og að lokum handsamar Rosenörn boltann eftir að annar bolti dettur inn á teiginn.

Boltinn dettur fyrir Birki Val inn á teig KA eftir góða sókn FH, skot Birkis fer af varnarmanni og aftur fyrir.

Það kemur langur bolti inn á teig FH sem Rosenörn grípur en missir boltann eftir samstuð við KA-mann. Boltinn dettur fyrir Rodri sem klárar í netið en þá var Twana búinn að flauta og dæma brot á KA.

Hallgrímur Mar tekur spyrnuna inn á teiginn sem Úlfur Ágúst skallar frá.

Heimamenn sækja hratt og skyndilega eru Kjartan Kári og Úlfur Ágúst komnir tveir á móti Römer. Þeir keyra upp og Kjartan kemur með sendinguna á Úlf sem er alls ekki góð og Römer nær að hreinsa.

Ívar Örn með langt innkast inn á teiginn sem KA menn flikka inn á teiginn þar sem Ásgeir Sigurgeirs er mættur og skallar rétt framhjá.

Marcel Römer notar pásu í leiknum til þess að hlaupa útaf og skipta um takkaskó á hægri löppinni.

Varnarmaðurinn Hans Viktor Guðmundsson er ekki í hópnum hjá KA í dag en á æfingu liðsins í fyrradag tognaði hann og verður þar að leiðandi ekki með KA í svolítinn tíma.

FH (4-2-3-1)
Rosenörn
Birkir - Ísak - Grétar - Böðvar
Tómas - Baldur
Sigurður - Björn - Kjartan
Úlfur

KA (5-4-1)
Tönning
Guðjón - Hrannar - Rodri - Ívar - Birgir
Ingimar - Römer - Bjarni - Hallgrímur
Ásgeir

Langur bolti upp völlinn sem Úlfur Ágúst nær að skalla aftur fyrir sig á Sigurð Bjart. Sigurður tekur skotið í fyrsta sem fer framhjá.

Það eru gestirnir frá Akureyri sem byrja þennan leik fyrir okkur í dag.

Liðin ganga til vallar og gera sig klár í slaginn.

Það er jafnteflislyjt í loftinu hér í Krikanum. Liðin eru með jafn mörg stig fyrir þennann leik, jafn marga sigra, töp og jafntefli. Stuðullinn á X á Epic er 3,80, sjáum hvað setur.

Heimir Guðjónsson, þjálfari FH, gerir tvær breytingar á FH liðinu sem gerði jafntefli við Stjörnuna í seinasta leik. Grétar Snær Gunnarsson og Baldur Kári Helgason koma inn í liðið fyrir þá Ahmad Faqa og Bjarna Guðjón Brynjólfsson.

KA-menn gera tvær breytingar á byrjunarliðinu sem vann KR í seinustu umferð. Hans Viktor Guðmundsson og Jakob Snær Árnason koma úr liðinu fyrir þá Birgi Baldvinsson og Guðjón Erni Hrafnkelsson.

KA 3 - 2 FH
1-0 Hrannar Björn Steingrímsson ('13 )
1-1 Böðvar Böðvarsson ('29 )
2-1 Grétar Snær Gunnarsson ('63 , sjálfsmark)
2-2 Rodrigo Gomes Mateo ('83 , sjálfsmark)
3-2 Bjarni Aðalsteinsson ('84 )
Lestu um leikinn

Twana Khalid Ahmed sér um að dæma leikinn í dag, honum til aðstoðar verða þeir Bergur Daði Ágústsson og Þórður Arnar Árnason. Gunnar Oddur Hafliðason er fjórði dómari en Ingi Jónsson er eftirlitsmaður KSÍ.

Það eru tvö lið taplaus á sínum heimavelli í Bestu deildinni og það eru FH og Víkingur R. Ef það er einhver leikur sem FH mætti ekki tapa á heimavelli þá væri það fyrir KA þar sem KA getur farið upp fyrir FH í dag. FH-ingar geta farið upp í 7. sætið með sigri.

KA-menn sóttu gífurlega mikilvægan sigur gegn KR í seinustu umferð, 2-1. Akureyringar sitja í 11. sætinu með 15 stig líkt og Eyjamenn sem eru í 10. sætinu en með lakari markatölu. KA getur með sigri farið upp í 18 stig, upp í 8. sætið.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik FH og KA.