1-0 niðúrstaðan hér í dag sem verður að teljast sanngjarnt. Skýrsla og viðtöl væntanleg.

Gabríel Snær með skemmtilega vippu inn fyrir á Aron Bjarnason sem nær ekki að komast í almennilegt skot

Kiddi Jóns með fína fyrirgjöf á Tobias Thomsen en skallinn hans er yfir.

Uppbótartíminn eru að minnsta kosti fjórar mínútur

Stoppar skyndisókn

Kiddi Jóns með góðan bolta upp kantinn á Ágúst Orra sem reynir að koma honum fyrir en finnur ekki samherja

Blikarnir spila sig í gegn um vörn Vestra, Anton Logi fær boltann inn fyrir en þá fer flaggið á loft

Höskuldur fær boltann vel fyrir utan teiginn og lætur vaða en skotið er hátt yfir.

Aron Bjarnason sleppur einn inn fyrir og er kominn einn á Guy en afgreiðslan er ekki nóg og góð og Guy ver frá honum. Þarna á Aron að gera betur

Spyrnan frá Guðmundi Arnari er ekki góð, fer yfir allan pakkann og aftur fyrir hinum megin

Gunnar Jónas með fyrirgjöf sem Viktor Örn hreinsar í horn

Aftur er Aron Bjarna að reyna að koma boltanum fyrir en finnur ekki samherja

Montiel búinn að sitja á vellinum í eina mínútu allavega þegar leikurinn stoppar loksins og hann getur fengið aðhlynningu, endar á því að koma af velli síðan og Vestri undirbýr skiptingu.

Fín sókn Blika endar með fyrirgjöf frá Aroni Bjarna sem fer af varnarmanni til Guy

Vestramenn sækja og Tufa á skalla í átt að marki en sá skalli er aldrei líklegur og Blikar eiga markspyrnu

Höskuldur setur boltann fyrir og hann endar hjá Kidda Steindórs utarlega í teignum, hann tekur skot en það nær ekki að marki þar sem það fer í varnarmann

Blikar eiga hornspyrnu

Viktor Karl ber boltann upp að endalínu og ætlar að koma boltanum fyrir markið en fyrirgjöfinni er of nálægt markinu og Guy handsamar hana

Gunnar Jónas fær hann rétt fyrir utan D-bogann og á fínt skot í átt að marki en það er rétt fram hjá

Elmar Atli þarf aðhlynningu eftir viðskipti sín við Óla Val en stendur upp á endanum og getur haldið leik áfram

Viktor Karl krullur hann á fjær þar sem Tobias kemur á ferðinni en hann hefði þurft að vera með aðeins stærri stóru tá til að ná til boltans

Viktor Karl með góða sendingu á milli varnarmanna og finnur Ágúst Orra sem á fínt skot en Guy ver vel í markinu.

Krisófer Ingi við það að sleppa í gegn en Gustav Kjeldsen verst vel.

Gunnar Jónas heldur vel í boltann inn í teig Blika og rúllar honum svo út á Duah sem á skot sem fer hátt yfir.

Tobias Thomsen setur spyrnuna beint í vegginn, fær hann aftur og hamrar honum í stöngina. Vestri eiga markspyrnu

Blikar fá aukaspyrnu rétt fyrir utan D-bogann

Við erum komin aftur í gang. Blikar leiða nokkuð sanngjarnt í hálfleik, vonandi fleiri mörk sem við fáum í þennan seinni hálfleik

Höskuldur setur boltann á fjær þar sem Blikar ná skallanum en Guy ver vel, Blikar ná svo öðru skoti sem vörn Vestra kemst fyrir og þá flautar Sigurður Hjörtur til hálfleiks.

Blikar fá horn sem verður líklega það síðasta sem gerist í þessum fyrri hálfleik

Við fáum tvær mínútur í uppbót.

Eftir endursýningu hlýtur Óli Valur að hafa fengið spjald fyrir dýfu

Damir með fínan bolta inn á teiginn þar sem Tobias Thomsen hendir sér í hjólhest en setur hann í slána. Flaggið fer svo á loft en þrátt fyrir það, frábær tilraun.

Kristófer Ingi reynir að fiska vítaspyrnu en Sigurður Hjörtur heldur nú alls ekki

Duah með fínan bolta inn í teiginn frá vinstri en samherjar hans skila sér ekki þangað og því lítil hætta í þessu

Spyrnan kemur inn á teiginn en skot frá Tobias Thomsen er yfir

Höskuldur með spyrnuna inn á teiginn þar sem, eftir smá skallatennis, Ágúst Orri er einn á Guy en hann gerir sig stóran og ver í horn. Það slökknaði alveg á Vestramönnum þarna.

Höskuldur tekur aukaspyrnuna, setur hann inn í en flaggið fer á loft.

Fatai kominn í dauðafæri hinum megin en hittir ekki rammann

Langur bolti upp á Óla Val sem er kominn upp að endalínu og kemur boltanum út í teiginn þar sem Ágúst Orri kemur á siglingunni en Gunnar Jónas, sýnist mér, nær að staka við honum og Ágúst hittir ekki boltann. Blikar vilja brot en fá ekkert fyrir sinn snúð.

Núna kemur hornið frá Höskuldi inn í teiginn og á markið hreinlega en Guy gerir vel í að blaka honum aftur fyrir sig

Blikarnir taka hornið stutt og ná svo ekki að skapa sér neitt almennilegt upp úr því en vinna á endanum annað horn.

Kiddi Steindórs keyrir á Guðmund Pál og uppsker horn.

Viktor Örn með vonda sendingu út úr vörninni en Vestri ná ekki að sækja nægilega hratt til að nýta það

Höskuldur tekur spyrnuna og það er Kristófer Ingi sem nær skoti en Duah kemst fyrir það. Boltinn berst svo til Kidda Steindórs sem á skot hátt yfir.

Blikar fá aukaspyrnu úti hægra megin eftir tæklingu Gustav Kjeldsen á Viktori Karli, sem liggur eftir

Tufa með skot fyrir utan teig en það er beint á Anton í markinu og hann því í litlum vandræðum með það.

Elmar Atli og Óli Valur liggja báðir eftir að hafa lent illa eftir skallaeinvígi en geta báðir haldið leik áfram.

Guy Smit með góða vörslu, sá ekki betur en að hann væri að verja frá samherja

Montiel gerir vel í baráttunni við Kidda Steindórs inn á miðjunni og keyrir í átt að teignum en sendingin hans finnur svo ekki samherja og Blikar róa leikinn

Guðmundur Arnar með frábæra hornspyrnu inn á markteiginn en Vestramenn missa hver af öðrum af honum og Blikar koma hættunni frá á endanum.

Morten Olsen með langt innkast inn á teiginn sem BLikar skalla í horn

Vestri sækja upp hinum megin og eru komnir í gott færi en Anton Ari ver vel.

Damir með frábæran bolta inn fyrir á Kristófer Inga sem nær þó litlum krafti í skotið og Guy ver í markinu

Gestirnir, í sínum hvítu varabúningum, sparka þessu í gang og sækja í átt að Smáranum

Viktor Örn heiðraður fyrir leik fyrir að hafa spilað sinn 300. leik fyrir Breiðablik á dögunum!

Blikar eiga harm að hefna eftir bikarleikinn gegn Vesta í síðasta mánuði og mæta með afar sóknarsinnað lið til leiks hér í dag. Breiðablik yfir 2.5 mörk er á stuðlinum 1.8 á Epic.

Svo í leikamannaveðmálum sem eru í boði á epic má draga fram 2.30 á Tóbías Thomsen skori í leiknum og 3.50 á að Tufegdzic fái spjald

Halldór Árnason, þjálfari Breiðabliks, gerir þrjár breytingar á sínu liði frá 5-0 sigrinum gegn albönsku meisturunum í Egnatia. Viktor Örn Margeirsson og Valgeir Valgeirsson eru í banni og Kristinn Jónsson tekur sér sæti á bekknum.

Inn koma Damir Muminovic í sínum fyrsta leik eftir heimkomu frá Brúnei, Kristinn Steindórsson og Kristófer Ingi Kristinsson.

Damir er í treyju númer 44 en hann er vanur að vera númer 4, en Ásgeir Helgi er í þeirri treyju þetta tímabilið. Arnór Gauti Jónsson er einnig í banni og því ekki í hóp Blika í dag.

Davíð Smári Lamude, þjálfari Vestra, gerir fjórar breytingar á sínu liði frá bikarsigrinum gegn Fram. Stór skörð eru höggvin í lið Vestra. Daði Berg Jónsson var í gær kallaður til baka til Víkings úr láni, Eiður Aron Sigurbjörnsson og Jeppe Pedersen eru í banni. Thibang Sindile Theophilius, Phete, er ekki heldur í hópnum.

Inn í lið Vestra koma þeir Vladimir Tufegdzic, Guðmundur Páll Einarsson, Emmanuel Duah og Elmar Atli Garðarsson. Sergine Fall og Kristoffer Grauberg, sem voru á bekknum gegn Fram, eru ekki í leikmannahópnum í dag. Þeir Anton Kralj og Arnór Borg Guðjohnsen, sem hafa glímt við meiðsli, eru ekki mættir til baka.

Þrír leikmenn Breiðabliks taka út bann vegna uppsafnaðra áminninga, þar á meðal Valgeir Valgeirsson sem er fyrsti leikmaður Bestu deildarinnar til að fá bann fyrir sjö gul spjöld.

Ásgeir Helgi Orrason og Arnór Gauti Jónsson fengu bann vegna fjögurra áminninga.

Vestri verður með tvo leikmenn í banni í dag en það eru Eiður Aron Sigurbjörnsson og Jeppe Pedersen

   17.07.2025 11:55

Kemur Damir beint inn í Blikaliðið?

Vestri eru á vondu róli í deildinni þessa dagana en þeir eru með fjögur töp í síðustu fimm leikjum sínum. Í síðasta deildarleik fengu þeir Valsara heim á Ísafjörð en þeim leik töpuðu þeir 0-2. Síðan þá eru þeir þó auðvitað búnir að tryggja sér farseðil í úrslit Mjólkurbikarsins er þeir unnu Fram í vítaspyrnukeppni í blíðunni á Vestfjörðum. Það var svo tilkynnt í gær að einn besti leikmaður liðsins, Daði Berg, væri á leið aftur í Víking en það verður áhugavert að sjá hvernig þeir bregðast við því.

Blikar sitja, eins og er, í 3. sæti deildarinnar á lakari markatölu en Valsarar sem eru í 2. sæti. Þeir hafa sótt 11 stig í síðustu fimm leikjum en þeir gerðu 2-2 jafntefli í Mosó í síðustu umferð. Frá því sá leikur fór fram er Breiðablik búið að klára sitt fyrsta einvígi í forkeppni Meistaradeildarinnar þar sem þeir slóu Egnatia, albönsku meistarana, út.

Sigurður Hjörtur Þrastarson stýrir umferðinni með aðstoð þeirra Patriks Freys Guðmundssonar og Eðvarðs Eðvarðssonar sem verða með sitthvora flaggið. Jón Magnús Guðjónsson er eftirlitsmaður og Jóhann Ingi Jónsson er á skiltinu.

Verið velkomin í þessa þráðbeinu textalýsingu frá leik Breiðabliks og Vestra í Bestu deildinni. Leikið er á Kópavogsvelli og flautað er til leiks klukkan 14:00