Anton Freyr Jónsson @antonfreeyr

- Meðalaldur 26 ár

- Meðalaldur 20 ár

Textalýsing Skýrslan

Hvað réði úrslitum? Leikurinn byrjaði frekar rólega og Þróttarar voru eiginlega bara betri fyrstu 25.mínútur leiksins en þá kveiknaði á Blikum og þær skoruðu tvö mörk á fimm mínútna kafla. Þróttarar svöruðu með flottu skoti fyrir utan teig en alveg undir lok fyrri hálfleiks kom þriðja mark Blika eftir slæm varnarmistök og það má segja að hafi ráðið úrslitum. Síðari hálfleikurinn var heldur rólegri, bæði lið fengu þó færi en liðunum tókst ekki að nýta þá sénsa. Bestu leikmenn 1. Agla María Albertsdóttir (Breiðablik) Agla María var frábær í kvöld og þá sérstaklega í fyrri hálfleiknum. Lagði upp tvö fyrstu mörk Breiðablik. 2. Samantha Rose Smith (Breiðablik) Samantha Smith er með svo mikil gæði. Það heldur áfram að skapast alltaf hætta þegar hún kemst nálægt boltanum. Samantha skoraði fyrsta mark leiksins. Atvikið Þriðja markið - Klaufagangur í vörn Þróttar og boltinn barst til Berglindar Bjargar sem skoraði með hnitmiðuðu skoti.

Hvað þýða úrslitin? Breiðablik er komið með þriggja stiga forskot á toppi Bestu deildar kvenna. Þróttarar sitja áfram í öðru sætinu með 25 stig. Vondur dagur Kayla Marie Rollins - Kayla var alls ekkert léleg í kvöld en hefði mátt gera betur í þessum fjölmörgu færum sem hún fékk. Kannski vantar upp á leikformið eins og Ólafur Kristjánsson þjálfari Þróttar nefndi í viðtali eftir leik. Dómarinn - 8 Jóhann Ingi og hans menn dæmdu þennan leik mjög vel. Ekkert út á þriðja liðið að setja.

- Meðalaldur 25 ár

- Meðalaldur 23 ár