Valsarar fara heim með þrjú stig og 9 sigurinn í röð gegn Þór/KA

Skýrsla síðar

Þór/KA á aukaspyrnu úti hægra megin en of seint

Þór/KA með innkast inn í teig sem Valsarar vinna og fá þrjár tilraunir til að skora en gengur ekki. Þarna var bara kæruleysi í gangi

Valur hreinsar fram og Angela Mary er fyrst á boltann en laus sending hennar til baka er hættulega laus því Jordyn kemst næstum því í hana. Jordyn fær svo stungusengingu örstuttu síðar og laumar boltanum framhjá Jessicu sem nær að setja neglurnar í boltann og stýra í horn

Amalía leggur boltann á Ellie Rose sem er rétt utan markteigs en skotið geigar og fer yfir markið. Þarna áttu þær að jafna.

Jordyn rekur boltann inn í teig en á laust skot sem Jessica grípur

Bæði lið hafa komið með kraft eftir jöfnunarmarkið og ætla greinilega ekki að sætta sig við eitt stig.

Auglýsingin virkaði. Það lifnaði yfir leiknum og innköstin sem voru orðin allt of mörg hefur fækkað og því meira líf í leiknum.

Há sending inn í teig Vals og Málfríður fær boltann í höndina

Þór/KA gerir atlögu að jöfnunarmarki. Boltinn er inni í teig og Valmönnum gengur illa að hreinsa. Að lokum berst boltinn til Söndru sem nær góðu skoti en Tinna ver frá henni.

Þór/KA fær aukaspyrnu rétt utan teigs hægra megin. Held að þetta sé fyrsta aukaspyrnan sem getur skapað hættu í leiknum. Karen tekubeint á kollinn á söndru sem er hrint um leið og hún skallar en ekkert dæmt. Þarna hefði verið hægt að dæma víti og það alveg sanngjarnt.

Jasmín í enn einu færinu á markteig. Nú hitti hún boltann illa en kom honum framhjá Jessicu en þá var Hulda mætt á línuna og hreinsaði.

Loksins létu heimakonur boltann ganga vel frá vinstri til hægri með styttri sendingum sem kom Huldu Ósk í góða fyrirgjafarstöðu en Tinna greip. Heimakonur unnu strax boltann og Margrét reyndi langskot sem hitti ekki markið

Jasmín fær boltann á markteig og Jessica kemur vel út á móti og ver í horn. Loksins eitthvað annað en innkast. Þarna hefði Valur auðveldlega átt að komast yfir. Vel varið hjá Jessicu. Hornið endar í útsparki

Ég er alveg vakandi.. það er bara ekkert að gerast.. Auglýsi eftir einhverju öðru en miðjuþófi og innköstum.

Þór/KA hefur komist tvisvar í álitlega stöðu vinstra megin en þá hafa í bæði skiptin verið teknar furðulegar ákvarðanir að dúndra boltanum yfir á hægri kant en í hvorugt skiptið hefur boltinn verið nálægt því að ná þangað. Miklu betri stöður voru vinstra megin í bæði skiptin.

Kolbrá kemur boltanum yfir á Ragnheiði sem sendir inn í teig heimakvenna þar sem enginn gerir tilkall til boltans uns Jordyn fær boltann og setur hann rétt yfir markið.

Liðin eru þau sömu og gengu til búningsherbergja

Þór/KA byrjar með boltann og spilar núna í átt að miðbænum á meðan Valsarar spila í norðurátt..

Markalaust í hálfleik en ég hef fulla trú á að það komi mark / mörk í seinni hálfleik

Sandra með lúmskt skot frá vinstri sem Tinna grípur. Ætlaði að setja yfir hana. Heimamenn vinna boltann strax aftur og í kjölfarið fær Sonja skallafæri en setur boltann yfir.

Þór/KA fær horn í stað vítis sem Sonja vildi fá þegar Valsari ýtti boltanum í horn. Upp úr horninu fékk Sandra dauðafæri en bjargað á línu og svo aftur í horn. Upp úr seinna horninu fengu heimastelpur þrjú skotfæri sem geiguðu.

Hornið frá hægri fyrir markið og skallað út þar sem Henríetta tekur á móti honum og hamrar honum sentimetra frá fjær samskeytunum. Uss..þetta hefði mátt liggja inni.

Þór/KA sækir frá markmanni upp vinstri kant sem endar með fyrirgjöf frá Söndru sem bjargað er í horn.

Nú eru það Valsarar sem pressa, láta boltann ganga þvert yfir völlinn og reyna að finna leið inn í teig. Að lokum tekst það og fyrirgjöf rétt framan við markið berst til Jasmínar sem er í dauðafæri en Jessica hirðir boltann af tánum af henni og missir hann aftur. Þá er Hulda mætt og hreinsar. Þarna skall hurð svo sannarlega nærri hælum.

Þór/KA gerði vel í halda boltanum hátt uppi og ógnuðu vel, hirtu alltaf annan bolta og ógnuðu. Valsarar náðu að lokum að koma boltanum fram og losa þannig um pressuna.

Fanndís meiðist þegar Henríetta hirðir af henni boltann. Þetta er ekki alvarlegt. Hún er staðin á fætur.

Valsarar komast upp völlinn og sending þvert á vallarhelmingi Þórs/KA ratar til Ragnheiðar sem á gott skot sem Jessica ver vel. Boltanum svo komið út af áður en færi skapast.

Þór/KA hefur staðið af sér pressu Vals og fært sig framar. Nú unnu þær horn hægra megin og boltinn komibeint á koll Söndru sem hittir markið en því miður Tinnu líka.

Elísa nánast grípur boltann fyrir framan dómarann en hann lætur sem hann sjái það ekki. Annars hefði boltinn farið framhjá henni.

Hulda Björg sendir boltann fram þar sem Sonja framlengir mjög snyrtilega á Kareni sem á hörkuskot frá vítateig en yfir. Þarna hefði Karen getað gert betur. Það fór enginn varnarmaður í hana og hún hafði nægan tíma

Boltinn berst í gegnum teig norðanmanna og Jasmín alveg við það að ná honum en var stigin snyrtilega út og Jessica hirti boltann

Ragnheiður fór framhjá tveimur norðlenskum varnarmönnum og átti gott skot sem Hulda varði og kom boltanum fram á nöfnu sína sem átti fyrirgjöf sem var skallað í horn.

Ekkert verður úr horninu. Boltinn barst út á Margréti en hún náði ekki góðu skoti. Valskonur náðu hröðu upphlaupi sem Hulda Björg bjargaði í innkast. Þar hefðu rauðar átt að gera betur.

Sonja læðir boltanum inn fyrir vörnina á Söndru sem á gott skot sem Tinna ver vel í horn

Þór/KA með vænlega stöðu 3 á 3 en sendingin frá Söndru ratar ekki til samherja. Valur nær að sækja í kjölfarið en sama sagan sending á mótherja brýtur sóknina niður

Eftir að Valur náði nokkrum góðum pressum hefur leikurinn jafnast og Þór/KA hefur róað leikinn niður og náð betri tökum á honum.

Valskonur náðu upp góðri pressu og héldu boltanum hátt á vallarhelmingi heimamanna. Það leit út fyrir að geta orðið eitthvað en ekkert gerðist

Fyrsta sóknin er heimamanna en Tinna grípur boltann eftir að hann hrekkur af varnarmanni

Valkonur byrjuðu með boltann og nú hefst væntanlega stórskemmtilegur leikur

Í fyrra mættust þessi lið þrisvar sinnum, tvisvar í deild og einu sinni í efri hluta eftir skiptingu. Valskonur unnu alla þrjá leikina með markatölunni 6 - 2 (3 - 1, 2 - 1 og 1 - 0) Þær unnu líka alla þrjá leikina 2023. Árið 2022 byrjaði sigurhrinan með sigri í seinni leiknum það árið. Þær eru sem sagt búnar að vinna síðustu 8 leiki þessara liða í Íslandsmótinu. Þór/KA vann í maí 2022 síðast.

Liðin ganga til búningsklefa að fá síðustu tipsin frá þjálfurum..

Þór/KA á eftir að mæta Blikum og FH úti og Þrótti heima þannig að allt getur gerst í toppbaráttunni.

Sumarið hefur spilast mismunandi fyrir félögin.
Flestir eru orðnir vanir að sjá Blikana og Valskonur stinga af þegar líður á sumarið. Í ár hefur orðið sú breyting að Valskonur hafa einungis unnið 4 leiki af 12 og gert þrjú jafntefli. Þær eru fjarri þeim stað í töflunni sem þær eru vanar að vera á eða heilum 16 stigum á eftir erkifjendunum í Kópavogi. Þær grænklæddu hafa hins vegar ekki nýtt sér þetta til að vera einar á toppnum heldur hafa FH og Þróttur komið skemmtilega inn í mótið og halda sig í humátt á eftir Kópavogsliðinu. Þór/KA getur komið sér í þennan hóp með sigri en þær hafa unnið 6 leiki og sleppt þeim óþarfa að gera jafntefli, það er heimsyfirráð eða dauði hjá þeim.
Nú er næstum því skylda hjá þeim að sigra og koma sér í námunda við Þrótt og FH, sem eru með 25 stig en Þór/KA getur komið sér í 21 stig.

Hörkuleikur framundan milli tveggja liða sem sitja hlið við hlið í deildinni. Það er jafnteflislykt af þessum leik, endar eflaust 1-1 en stuðullinn á jafntefli hjá Epic er 3.66.

Í vor mættu norðankonur á Hlíðarenda og töpuðu þar 3 - 0. Þær eiga því harma að hefna.

Margrét Árna er væntanlega að koma inn í liðið úr leikbanni.

Þór/KA gerir tvær breytingar á liði sínu sem tapaði Norðurlandsslagnum við Tindastól í síðustu umferð. Þær Angela Mary og Margrét Árna koma inn fyrir Amalíu og Bríeti.
Valur tapaði fyrir Blikum í síðustu umferð og gera þrjár breytingar. Sóley, Arnfríður og Elín Metta fara út og Elín er ekki í hóp. Í stað þeirra koma þær Bryndís, Kolbrá og Jordyn Rhodes.

Þór/KA fá Valskonur í heimsókn og eru liðin í 4. og 5. sæti deildarinnar. Þór/KA eru með þremur stigum meira og geta því rifið sig frá Val með sigri og gert sig gildandi í toppbaráttunni. Valur hins vegar hefur valdið vonbrigðum í sumar miðað við undanfarin ár. Valskonur geta hins vegar farið langt með að tryggja sig í efri hlutann með sigri.