SKÝRSLAN: Valskonur sóttu þrjú stig norður
Hvað réði úrslitum?
Þó það sé ódýrt að segja það þá má segja að ákvarðanir dómarans hafi ráðið úrslitum.
Bestu leikmenn
1. Ragnheiður Þórunn Jónsdóttir
Ragnheiður átti nokkra góða spretti og skapaði oft hættu með því að fara framhjá varnarmönnum Þórs/KA
2. Sandra María Jessen
Sandra skapaði oft usla í vörn Vals, skoraði og hefði átt að fá víti.
Atvikið
Vítið sem Valur fékk. Bæði var hornspyrnan sem þeim var færð, vafasöm sem og vítið. Þær skorðuð hins vegar úr vítinu og það réði úrslitum
Hvað þýða úrslitin?
Úrslitin þýða að Valskonur koma sér þægilegar fyrir í efri hluta deildarinnar en Þór/KA missti af tækifæri til að koma sér nær toppliðunum. Bæði lið verða að halda vel á spilunum því að það er stutt í Fram og Stjörnuna.
Vondur dagur
Þetta var vissulega vondur dagur fyrir heimaliðið því sigur hefði gefið þeim gríðarlega mikið inn í haustleikina.
Eins og gefur að skilja var þetta líka vondur dagur fyrir dómarann sem hefur oft staðið sig betur.
Dómarinn - 4
Mikilvægar ákvarðanir mjög vafasamar, sleppir augljósu víti í vítateig Vals en gefur þeim víti í staðinn. Margar ákvarðanir lituðust af virðingu við eldri leikmenn gestaliðsins.