Haraldur Örn Haraldsson @haraldur_orn

- Meðalaldur 24 ár

- Meðalaldur 22 ár

Textalýsing Skýrslan Viðtöl

Hvað réði úrslitum? Þórsarar voru ögn betra liðið í fyrri hálfleik en fengu aðallega færi í gegnum það að Fylkismenn voru að gefa á þá í uppspilinu. Í seinni hálfleik taka svo Fylkismenn hægt og rólega yfir leikinn og það virtist ekkert annað vera í myndinni en sigurmark hjá heimamönnum. Þá stígur upp hinn sextán ára Einar Freyr Halldórsson og neglir boltanum í netið fyrir utan teig. Bestu leikmenn 1. Einar Freyr Halldórsson (Þór) Ég var búinn að ákveða að hann væri maður leiksins áður en hann skorar sigurmarkið, þannig það staðfesti þetta í raun bara. Frábær á miðjunni í dag, stýrði spili Þórsara og tók öll föst leikatriði.... Drengurinn er 16 ára. 2. Aron Birkir Stefánsson (Þór) Öruggur í markinu í dag, fær bara mark á sig úr víti. Bjargar Þór svakalega í uppbótartíma þegar Pablo Simon á sturlað skot á markið sem Aron varði. Atvikið Sigur mark Einars. Stór stund fyrir svona ungan strák, að skora sigurmark þegar Þórsarar litu alls ekki vel út.

Hvað þýða úrslitin? Þór færir sig tímabundið upp í 3. sætið en Þróttarar geta enn náð þeim sem spila á morgun. Fylkir fer niður í fallsæti þar sem Fjölnir gerði jafntefli við ÍR í kvöld. Vondur dagur Ólafur Kristófer Helgason átti ekki góðan dag í markinu. Gaf einu sinni beint á mótherja og gaf dauðafæri, hann var heppinn að mark kom ekki beint úr því. Það kom í staðin hornspyrna þar sem Þór jafnaði og þar hefði hann líka átt að gera betur. Spyrnan kom mjög nálægt markinu og hann hefði bara átt að rjúka út og grípa boltann. Svo er alveg spurning hvort hann hefði getað varið sigur mark Einars. Það var allavega ekki óverjandi. Dómarinn - 8 Norsarinn og hans teymi áttu bara virkilega fínan leik. Það voru kannski tvö brot sem hann dæmdi ekki á sem ég var ósammála. Annars góð stjórn á leiknum líka hjá honum.

- Meðalaldur 26 ár

- Meðalaldur 24 ár