Vilhjálmur Alvar flautar til leiksloka. Valsmenn sneru taflinu við og hirtu stigin þrjú. Valsarar nú með fimm stiga forystu á toppi deildarinnar.

Valsarar fá hornspyrnu.

Valsmenn líklegri!

Fáum við sigurmark?

Valsmenn fá hornspyrnu, boltinn berst út í teiginn á Adam Ægi sem lætur vaða en boltinn í varnarmann. Því næst berst boltinn á Lundemo og skot hans í varnarmann Breiðabliks við marklínuna!

Túfa kallar eftir meiri stuðning frá Völsurum í stúkunni og stuðningsmenn verða við þeirri beiðn.

Gestirnir fá hornspyrnu.

Tryggvi Hrafn gerir vel, sendir varamanninn Ásgeir Helga á rassinn, og lætur vaða. Skotið þó kraftlítið og Anton Ari ver örugglega.

Ágúst Orri með skot af löngu færi sem Frederik Schram ver vel.

Valsmenn fá nú hornspyrnu, boltinn í pakkann og Höskuldur skallar boltann rétt yfir eigið mark og boltinn í aðra hornspyrnu.

Gestirnir fá hornspyrnu, en Bjarni Mark skallar frá.

Tryggvi Hrafn í afbragðsfæri, en klikkar. Flaggaður rangstæður í kjölfarið.

Valsmenn hafa sótt í sig veðrið, fá nú hornspyrnu. Anton Ari kýlir spyrnuna frá, boltinn á Jónatan Inga sem tekur skot en boltinn í varnarmann.

Breiðablik fær hornspyrnu, boltinn í teiginn en Hólmar Örn skallar frá.

1376 manns mættir á N1-völlinn, stúkan hér á Hlíðarenda tekur þó aðeins 1201 manns.

Óli Valur með stórhættulega fyrirgjöf fyrir mark Valsmanna, en enginn Bliki mættur á hættusvæðið.

Valsmenn fá hornspyrnu, boltinn dettur fyrir Albin Skoglund fyrir utan teig sem á skot í varnarmann.

Engar breytingar í hálfleik.

Ef Blikar eru þreyttir eftir langt ferðalag þá hljóta Valsmenn að hafa verið að klára 48 hringja bakgarð í morgun. Einfaldlega verið pakkað saman og hlaupið yfir í fyrri hálfleik.

— Rikki G (@RikkiGje) August 10, 2025

+1

Vilhjálmur Alvar flautar til hálfleiks. Eftir mark Breiðabliks á fjórðu mínútu hefur leikurinn annars verið tíðindalítill.

Valsmenn ekki séð til sólar í þessum fyrri hálfleik. Hafa varla komist yfir miðju og hafa átt í stökustu vandræðum með að spila í gegnum háa pressu Breiðabliks.

Blikar fá aukaspyrnu í fyrirgjafastöðu, Höskuldur tekur, en spyrna hans yfir allan pakkann og aftur fyrir endalínu.

Boltinn berst á Tobias Thomsen, sem lúrir einn á fjær. Hann tekur þrumuskot, en Frederik Schram ver frábærlega.

Aftur fær Breiðablik horn, þeir taka það stutt. Höskuldur gefur fyrir en Orri Sigurður skallar frá.

Breiðablik fær hornspyrnu, Höskuldur tekur en beint á Frederik Schram sem handsamar boltann.

Breiðablik fær aukaspyrnu í fyrirgjafastöðu, boltinn á fjær á Damir sem skallar í varnarmann.

Sóknin lifir enn. Boltinn berst á Óla Val sem tekur skot, en boltinn rétt framhjá marki Valsmanna.

Lítið að frétta síðustu mínútur hér á Hlíðarenda.

Óli Valur sker inn frá vinstri, tekur lúmskt skot í nærhornið en Frederik Schram sér við honum og ver örugglega.

Kópacabana halda stuðinu uppi í stúkunni, með Hilmar Jökul í broddi fylkingar.

Valsmenn fá sína þriðju hornspyrnu í röð. Boltinn dettur fyrir Aron Jó sem tekur hælspyrnu í átt að marki, en Blikar koma boltanum frá.

Albin Skoglund með skot sem fer í varnarmann og aftur fyrir endalínu, eftir frábæran undirbúning Aron Jó. Valsmenn fá horn!

Breiðablik fær fyrstu hornspyrnu leiksins.

Tobias Thomsen sparkar boltanum beint út af í upphafsspyrnu leiksins.

Valsmenn leika í sínum klassísku rauðu treyjum, en Blikar klæðast alsvörtum varabúning sínum.

Liðin ganga til vallar, stúkan svo gott sem full og sólin skín sínu fegursta, svona á þetta að vera!

Epic early win alert - Í þessum stórleik er Epic með Epic early win á bæði lið. Valur 2.00 og Breiðablik 2.90. Ef liðið kemst yfir þá er veðmálið unnið, óháð því hvernig leikurinn endar.

Srdjan Tufegdzic, þjálfari Vals, gerir tvær breytingar frá 2-2 jafntefli við ÍA í síðustu umferð í Bestu-deildinni.
Inn í byrjunarliðið koma þeir Sigurður Egill Lárusson og Aron Jóhannsson í stað Andi Hoti og Jakobar Franz.

Halldór Árnason, þjálfari Breiðabliks, gerir þrjár breytingar frá 1-1 jafntefli gegn Zrinjski Mostar í forkeppni Evrópudeildarinnar síðastliðinn fimmtudag.

Leikmennirnir þrír sem koma inn eru þeir, Óli Valur Ómarsson, Gabríel Snær Hallsson og Arnór Gauti Jónsson.

Adam Árni Róbertsson, skoraði þrennu gegn Leikni á föstudag og er nú jafnmarkahæsti leikmaður Lengjudeildarinnar með 10 mörk, ásamt þeim Degi Orra Garðarssyni og Omar Diouck. Adam spáir í stórleik kvöldsins.

Valur 3 - 2 Breiðablik
,,Þetta verður geggjaður og opinn leikur, Jónatan Ingi verður til mikilla vandræða fyrir Blika og skorar og leggur upp. Blikar koma til baka og jafna 2-2 en Patrick Pedersen skorar sigurmarkið úr víti eftir að nafni minn Adam Páls keyrir inn í teig og sækir víti, hann verður reyndar brjálaður að fá ekki að taka það en Hólmar nær að róa hann niður."

Breiðablik gerði 1-1 jafntefli gegn Zrinjski Mostar frá Bosníu á útivelli síðastliðinn fimmtudag. Liðið óskaði, ásamt Víkingum sem léku Evrópuleik sama dag, eftir frestun á leik kvöldsins en var neitað.

Toppbaráttan í Bestu-deildinni er heldur betur lífleg. Valur, Breiðablik og Víkingur bera af, en Valsmenn sitja á toppi deildarinnar með tveggja stiga forystu á Blika og Víkinga.

Sæti - Lið - Leikir - Mt. - Stig
1 - Valur - 17 - +21 - 34
2 - Víkingur R. - 17 - +11 - 32
3 - Breiðablik - 17 - +7 - 32
-------------------------------
4 - Fram - 17 - +4 - 25
5 - Stjarnan - 17 - +2 - 25
6 - Vestri - 17 - +1 - 23

Heilir og sælir góðir lesendur, verið velkomin í þráðbeina textalýsingu frá Hlíðarenda. Hér í kvöld tekur Valur á móti Breiðablik í sannkölluðum toppslag í Bestu-deildinni.