SKÝRSLAN: Líflína í Mosfellsbænum!
Hvað réði úrslitum?
6 mínútna kafli þar sem Afturelding skorar þrjú mörk snéri þessum leik og heimamenn gátu bakkað frekar þægilega með forystuna, eftir að hafa ekki verið góðir fram að þessum kafla þar sem Tönning gerir illa í fyrsta og öðru marki heimamanna.
Bestu leikmenn
1. Hrannar Snær - Afturelding
Oftast bestur í Aftureldingarliðinu í sumar og engin breyting á því í dag, skoraði tvö og var alltaf hættulegur.
2. Aron Jónsson - Afturelding
Að einhverju leyti unsung hero í þessu liði, var að mínu mati frábær í hafsentinum, öruggur á boltann og varðist vel gegn góðu KA liði, fær mitt atkvæði í dag.
Atvikið
Hér þarf hreinlega bara að tala enn og aftur um þetta hornspyrnumark, þar kemst Afturelding yfir og Tönning í bullinu.
Hvað þýða úrslitin?
Afturelding lyftir sér af botninum og setur KR í neðsta sætið, KA er búið að missa 7. sætið í hendur ÍBV.
Vondur dagur
Tönning verður að taka þetta á kassann, sérstaklega fyrir hornspyrnumarkið þar sem Afturelding kemst yfir. Annars verð ég að henda Stokke í þetta box líka, hann ætti það prívat og persónulega ef Tönning hefði ekki drullað á sig, Stokke var átakanlega lélegur í dag, því miður.
Dómarinn - 9
Elías Ingi og hans teymi gerði ekki ein mistök, ekki einusinni einhver lítil, frábærlega dæmdur leikur! Hefði fengið 10 ef það hefðu verið einhver stór moment sem hefði þurft að taka á en svo var ekki.