Snæbjört Pálsdóttir @fotboltinet

- Meðalaldur 26 ár

- Meðalaldur 19 ár

Textalýsing Skýrslan

Hvað réði úrslitum? Breiðabliksliðið var bara með viljann, agann og gæðin til að klára leikinn í þessu hræðilega veðri. Margt skiljanlega sem fór úrskeiðis hjá báðum liðum sökum veðursins en leikurinn hreinlega spilaðist bara þannig að Breiðablik var aldrei að fara gera annað en að vinna þennan leik! Verður samt alveg gaman að sjá hvernig leikurinn úti verður, líklega í töluvert betra veðri. Bestu leikmenn 1. Agla María Albertsdóttir Átti frábæran leik í kvöld þrátt fyrir veðrið. Setti tvö mörk og hefði líklega getað sett þriðja markið í einni aukaspyrnunni. Hún var hættuleg í öllum sínum aðgerðum í kvöld og djöflaðist vel fyrir liðið sitt bæði varnarlega og sóknarlega. 2. Birta Georgsdóttir Margar sem gera tilkall hér, Birta átti góðan leik miðað við aðstæður, átti stoðsendingu í markinu hennar Öglu og var lunkin í að koma sér í góðar stöður. Aðrar sem vert er að nefna eru Andrea Rut, Samantha og unglingarnir Edith og Sunna sem komu inn í leikinn af miklum krafti! Atvikið Set þetta á fyrsta mark Breiðabliks, sem markadrottningin Berglind Björg skoraði eftir góðan undirbúning frá Andreu Rut. það voru búnar að vera skrítnar mínútur á undan þar sem leikurinn hafði nánast bara spilast á síðasta þriðjung. Breiðablik hótaði marki stanslaust þar til það loksins kom á 8. mínútu

Hvað þýða úrslitin? Úrslitin þýða það einfaldlega að Breiðablik er í mjög góðri stöðu fyrir seinni leik liðana sem fram fer í Serbíu 15. okt. nk. Vondur dagur Vondur dagur hjá Serbneska liðinu Spartak Subotica, þær hafa líklega aldrei spilað leik áður í gulri viðvörun og það sást greinilega! Þær eiginlega bara pökkuðu 11 manna pakka inn í teig hjá sér og áttu eiginlega aldrei séns eða svör við leik Breiðabliks. Dómarinn - 4 Dómarateymið hefur líklega átt betri daga, margar mjög skrítnar ákvarðanir í kvöld. Sleppti víti, sleppti slatta af aukaspyrnum og brot sem hefðu hæglega geta verið gul. Spartak liðið átti oft mjög glæfralegar tæklingar sem hefðu auðveldlega verið gult í Bestu deildinni hér heima.