Þvílík frammistaða hjá íslenska liðinu í kvöld. Frábært stig gegn einu besta landsliði heims. Ég get ekki annað sagt en takk!!

Boltinn dettur fyrir Akliouche inn í teig í góðu færi en hann með lélegt skot beint á Elías!

Mínúta eftir, það þarf bara að þrauka það!

Coman með flotta takta á vinstri kantinum en Gulli lokar á fyrirgjöfina!

Sóknarbrot á Frakka og Ísland fær smá tíma til að hvíla sig á sóknum gestanna.

Frakkarnir liggja svakalega á okkur núna og senda boltann inn í teig hvað eftir annað. Síðasta fyrigjöfin í þessari löngu sókn hins vegar í lúkurnar á Elíasi. Leikurinn er svo stöðvaður svo Sverrir getur aðeins teigt á löppunum.

Fyrst er Albert með frábæra takta á vinstri kantinum og kemur með fyrigjöfina en hún er skölluð frá. Ísland heldur boltanum því Hákon tekur einhvern svakalegan snúning á miðjum vellinum, kemur honum svo á Mikael sem er dauðafrír á vinstri en fyrirgjöfin hans er eiginlega bara arfa slök og fer framhjá markinu.

Arnar undirbýr tvöfalda breytingu, Stefán Teitur og Mikael Neville að koma inn.

Olise með hornspyrnuna en Elías kemur út úr markinu og grípur þennan bolta!

Frakkar fá horn, búnir að liggja töluvert á okkur síðustu mínútur.

Albert fær hressilegt spark í ristina og hann fann fyrir þessu. Hann hristir þetta samt af sér.

Fengum næstum gefins mark! Brynjólfur var að pressa Maignan sem rann í grasinu, en Frakkinn rétt náði að standa upp og hreinsa í innkast áður en Brynjólfur komst í boltann.

Elías Rafn leggst niður beint eftir mark Kristians og fær aðhlynningu, vonum að þetta sé ekki alvarlegt. Elías búinn að vera frábær í dag. Eftir stutta aðhlynningu stendur Elías á fætur og heldur leik áfram.

Digne fær boltann við vinstra horn teigsins og lætur bara vaða, fast skot á nær en Elías ver!

Jájá Gulli, hleypum Nkunku bara á hægri #fotboltinet

— Guðmundur Auðun (@GummiAudun) October 13, 2025

VAR dómararnir vildu kanna mögulega vítaspyrnu eftir fast leikatriði Frakka en það var ekkert brot sem átti sér stað og leikurinn hefst á ný.

Olise með spyrnuna og hún fer af varnarmanni og berst á Nkunku á fjær. Hann er í dauðafæri en hann neglir boltanum lengst yfir!

Frakkar fá aukaspyrnu við hægra horn vítateigsins.

Frakkar með fyrirgjöfina og Kone skallar boltann upp í loft. Thauvin tekur þá hjólhestinn, nær fínni snertingu á boltann en sem betur fer framhjá.

Hornspyrnan hjá Olise nær ekku yfir fyrsta mann og Hákon skallar frá.

Hættuleg fyrirgjöf hjá Frökkum en Daníel gerir vel og skallar hann aftur fyrir!

Thauvin með boltann á hægri kantinum og reynir fyrirgjöfina en hún er slök og Elías grípur þennan!

Frakkar byggja upp fína sókn og fyrst nær Thauvin skoti en í Guðlaug. Frakkar halda boltanum og þeir koma með fyrirgjöfina og þá tekur Thauvin skallan en langt framhjá.

Áhugaverð fyrirgjöf frá Loga úr djúpri stöðu. Boltinn er bara á leiðinni á markið á nær en Maignan er vel vakandi og grípur boltann.

Seinni hálfleikurinn byrjar svipað og sá fyrri spilaðist. Ísland mjög þéttir og Frakkar í erfiðleikum með að brjóta línurnar.

Ein breyting hjá Íslandi í hálfleik. Daníel fer af velli og Kristian inn. Brynjólfur verður þá væntanlega nían og Albert og Kristian í kringum hann.

Mikael Egill djöfull var hann góður í þessum fyrri hálfleik kommon you ICELAND

— Sigur?ur Gísli Bond (@SigurdurGisli) October 13, 2025

ALDREI VEKJA MIG

— Hilmar Jökull (@HilmarJokull) October 13, 2025

Fleiri góð tíðindi, Aserbaídsjan jafnaði gegn Úkraínu í uppbótartíma fyrri hálfleiks. Ísland í 2. sæti sem stendur.

44% - Með bolta - 56% 173 - Sendingar - 307 3 - Skot - 11 1 - Skot á mark - 4 0 - Hornspyrnur - 6

Ísland eru einu marki yfir í hálfleik, Frakkar varla skapað sér færi í þessum leik fyrr en í þessum uppbótartíma. Stórkostlegur háfleikur hjá íslenska liðinu, meira af því sama í seinni!

+4 VAR er að skoða þetta. Boltinn inn á teig og Mateta nær skoti á markið en Mikael Egill nær að vera fyrir þessu næstum á línu. VAR skoðaði hendi en ekkert í þessu!

Sævar virðist ekki getað halda áfram. Brynjólfur að koma inn á fyrir hann.

Thauvin fær boltann fyrir utan teig og reynir skotið en það er bara ekki nógu gott, beint á Elías sem grípur þetta.

Alvöru svar hjá Gulla Victori, magnaður í þessum fyrri hálfleik ????

Svona gera alvöru menn! pic.twitter.com/50LfAAgbq7

— Guðmundur Aðalsteinn Ásgeirsson (@gummi_aa) October 13, 2025

Frábær pressa hjá Sævari og Daníel sem hirða boltann af Saliba og Arsenal maðurinn neyðist til að brjóta á Sævari. Aukaspyrna við hornfánann .

Olise með hornspyrnuna og Daníel skallar boltann beint fyrir Digne sem tekur fast skot en beint í varnarmann.

Olise með spyrnuna inn á teig en Elías blakar þessu aftur fyrir og Frakkar fá horn.

Olise með spyrnuna en Daníel Leó skallar frá. Það er svo brotið á Albert en af einhverri ástæður er dæmt á hann og Frakkar fá aukaspyrnu við hinn hornfánann.

Úkraína er með forystuna gegn Aserbaídsjan.

Frakkar fá horn

Við spilum upp miðjuna, og Mikael Egill er mjög sterkur gegn Upamecano! Hann kemur þá boltanum á Sævar sem er rétt fyrir utan teig þegar hann tekur skotið, en í varnarmann.

Þrælskemmtileg sending frá Daníel Tristan inn á Albert sem er alveg sloppinn í gegn, einn gegn markmanni en hann setur boltann yfir. Aðstoðardómarinn lyftir svo flagginu þannig þetta hefði hvort sem er ekki verið tekið.

Spyrnan beint á Elías sem grípur boltann.

Frakkar fá annað horn, Olise komst ekki framhjá Daníel Leó.

Þeir spila vel upp vinstri kantinn og Olise kemur með fastan bolta á nærstöngina þar sem Mateta reynir að sneiða boltann í fjær en sem betru fer, framhjá!

Frakkar fá aukaspyrnu við miðlínu og Digne tekur eftir því að Elías stendur frekar framarlega. Hann reynir þá skotið, en þessi framhjá markinu.

Fínir taktar hjá Koundé sem fær boltann fyrir utan teig, tekur eina gabbhreyfingu og svo skot. Elías hins vegar alltaf með þennan bolta og grípur þetta.

Frakkar fá horn, Gulli skýlir boltanum aftur fyrir eftir að Mikael Egill senti aftur á hann, einkennilegt. Það kemur svo ekkert úr horninu.

Frakkar sækja hratt og koma með fyrirgjöfina inn í teig. Mateta auðvitað sá sem nær að tengja hausinn við boltann, en skallinn er laus og framhjá.

Ísland með ágætan kafla við mark Frakka, en eru full ragir við að koma boltanum inn í teiginn.

Íslenska liðið liggur djúpt fyrstu mínúturnar og er að loka á öll svæði.

Olise tekur spyrnuna og boltinn dettur á fjær þar sem Nkunku er mættur í frábæru færi en skotið hans varið af Elíasi!

Frakkar fá fyrsta horn leiksins. Langur bolti á Nkunku en fyrirgjöf hans í Guðlaug Victor.

Dómarinn flautar og þetta er farið af stað!

Þetta fer að bresta á, íslenska og franska landsliðið labba inn á völl. Þá eru bara þjóðsöngvar svo hefst leikurinn.

Við minnum á myllumerkið #fotboltinet á X-inu. Endilega látið í ykkur heyra á meðan leik stendur.

Arnar Gunnlaugsson þjálfari Íslands gerir tvær breytingar frá Úkraínu leiknum. Logi Tómasson og Daníel Tristan Guðjohnsen koma inn í liðið. Margir bjuggust við að Ísland myndi fara í þriggja manna hafsenta kerfi en Arnar heldur sig við sama kerfi og gegn Úkraínu. Andri Lucas Guðjohnsen er í leikbanni og er því ekki með, og Jón Dagur Þorsteinsson færist yfir á bekkinn. Við innkomu Loga þá færir Arnar einnig Mikael Egil á kantinn.

Jean-Philippe Mateta verður í fyrsta sinn í byrjunarliði franska landsliðsins, og leikur sinn annan landsleik, þegar Ísland og Frakkland eigast við á Laugardalsvelli í kvöld. L'Équipe hefur opinberað byrjunarliðið en Frakkland stillir upp í 4-2-3-1. Marga sóknarmenn vantar í franska liðið (Mbappe, Dembele, Doue, Barcola, M. Thuram, Kolo Muani og Cherki) og Mateta fær því tækifærið og fyrir aftan hann er Florian Thauvin, 32 ára leikmaður Lens, en hann hefur ekki byrjað landsleik síðan sumarið 2019. Búist var við því að Adrien Rabiot yrði á miðsvæðinu en hann gat ekki tekið þátt í æfingu í gær og Eduardo Camavinga mun því byrja. Varnarlínan er nákvæmlega eins og spáð var.

???????????????? It's Iceland v France tonight. Throwback to 1999 when Les Bleus tried to keep a straight face during the hosts' rendition of La Marseillaise.pic.twitter.com/PnT85Pzc4O

— Get French Football News (@GFFN) October 13, 2025

„Þeir eru þá bara með Nkunku, Olise og Mateta. Þetta getur farið á tvo vegu. Annars vegar munu þeir sakna þessara stóru stjarna. Eða hinsvegar, eins og ég á frekar von á að gerist, að inn í liðið koma leikmenn sem hafa að miklu að keppa og mikið að sanna til að komast í HM hóp Frakka.“ Sagði Arnar Gunnlaugsson þjálfari Íslands á blaðamannafundi í dag.

„Fyrir mig er stærsti lærdómurinn að gera upp leikinn þannig að strákarnir haldi áfram að trúa að þeir séu frábærir. Því leikurinn var frábær á föstudaginn, frábær. Ég veit að þetta er besti leikur sem Ísland hefur spilað með bolta frá stofnun íslenska landsliðsins, með boltann þar að segja. Það þarf enginn að trúa mér, það þarf bara að kíkja í tölfræðina, þetta eru allt opinberar bækur. Þá er ég að tala um hátt skrifað lið á FIFA listanum. Það þarf að fara aftur fyrir lið í 100. sæti til að finna sambærilega frammistöðu með boltann. En þá erum við farin að tala um San Marínó og Liechtenstein," sagði Arnar Gunnlaugsson landsliðsþjálfari á fréttamannafundi í gær.

Við teljum að Arnar Gunnlaugsson haldi sig við sama leikskipulag og gegn Frökkum úti á Prinsavöllum, þar sem Ísland tapaði naumlega 2-1. Arnar stillti þá upp í 5-3-2 kerfi og við tippum á að hann geri þrjár breytingar frá byrjunarliðinu gegn Úkraínu.

   12.10.2025 19:35

Líklegt byrjunarlið Íslands - Fimm manna vörn og þrjár breytingar

„Úkraína voru heppnir með að fara með sigur af hólmi hér á föstudag. Úkraínumenn skutu sex sinnum, fimm sinnum á markið, og skoruðu fimm mörk. Að mínu mati var Ísland betra liðið, sérstaklega á miðjunni," sagði Didier Deschamps, landsliðsþjálfari Frakklands, á fréttamannafundi í gær.

   12.10.2025 20:07

Deschamps hrósar Íslandi: Úkraínumenn heppnir með sigurinn

18:45 Ísland - Frakkland 18:45 Úkraína - Aserbaídsjan

Það vantar nokkra öfluga leikmenn í franska liðið. Þar á meðal er Kylian Mbappe sem skoraði í 3-0 sigri Frakka gegn Aserum á föstudag en fór meiddur af velli í lok leiksins. Þá er gullboltahafinn Ousmane Dembele á meiðslalistanum og ekki með Frökkum í þessum glugga. Markvörðurinn Mike Maignan verður með fyrirliðaband Frakka í kvöld.

   12.10.2025 08:45

Líklegt byrjunarlið Frakklands gegn Íslandi - Ekitike á toppnum

Orel Grinfeeld er aðaldómari en hann er 44 ára og er þetta annar leikurinn í undankeppni HM sem hann dæmir á þessu ári. Hann dæmdi 3-0 sigur Englands gegn Lettlandi á Wembley. Árið 2020 varð hann fyrsti ísraelski dómarinn sem dæmir leik í útsláttarkeppni Meistaradeildarinnar en þá dæmdi hann leik Lazio og Bayern München í 16-liða úrslitum. Landar hans Roy Hassan og Matityahu Yakobov verða aðstoðardómarar og Gal Leibovitz fjórði dómari. Svisslendingar munu sjá um VAR dómgæsluna en aðal VAR dómari verður Sven Wolfensberger.

Frakkland 2 - 1 Ísland (9. september) 0-1 Andri Lucas Guðjohnsen ('21 ) 1-1 Kylian Mbappe ('45 , víti) 2-1 Bradley Barcola ('62 ) Rautt spjald: Aurélien Tchouaméni, Frakkland ('67) Lestu um leikinn

   09.09.2025 20:50

Gríðarlega súrt tap í Frakklandi

Ísland veitti Frökkum harða keppni á Prinsavöllum fyrir rúmum mánuði síðan og alveg ljóst að franska liðið verður ekki með neitt vanmat í kvöld. Andri Lucas Guðjohnsen skoraði mark Íslands í þeim leik en hann tekur hinsvegar út leikbann í kvöld.

Ísland mætir hinu gríðarsterka liði Frakklands klukkan 18:45. Það er löngu uppselt á leikinn og von á þrumustuði.