Snæbjört Pálsdóttir @fotboltinet

- Meðalaldur 25 ár

- Meðalaldur 20 ár

Textalýsing Skýrslan Viðtöl

Hvað réði úrslitum? Það sem réði úrslitum í kvöld var bara þessi umtalaði herslumunur. Þetta var opinn og fjörugur leikur þar sem úrslitin hefðu getað dottið öðru hvoru megin. Í kvöld hins vegar voru það Fortuna Hjörring sem nýttu einu fleiri færi en Blikarnir og þar við situr! Bestu leikmenn 1. Joy Mewa Ogochukwu Fær þennan titil í dag, skoraði eina mark leiksins og tryggði þannig sínu liði sigurinn í dag. Stór og stæðilegur framherji sem kom sér ítrekað í frábærar stöður, hefði átt að setja fleiri mörk en Herdís Halla var frábær í marki Blika. 2. Herdís Halla Guðbjartsdóttir Kom inn í byrjunarliðið í dag og átti frábæran leik. Hún varði stórglæsilega í nokkrum algjörum dauðafærum og í raun sá til þess að Blikarnir þurfa bara að vinna upp eins marks forskot! Þá er líka vert að nefna Hrafnhildi Ásu sem kom líka ný inn í byrjunarliðið og átti mjög góðan leik Atvikið Ætli það verði ekki að vera fyrsta markið, Breiðablik var nýbúið að komast í hættulega sókn þegar Fortuna Hjörring keyrir fram, klaufagangur í vörn Blika sem Joy Mewa Ogochukwu nýtti sér vel.

Hvað þýða úrslitin? Úrslitin þýða það að Fortuna Hjörring hefur eins marka forystu í einvígi liðanna í 16. liða úrslitum Evrópubikarsins. Það þýðir að Breiðablik þarf að skora a.m.k. tvö mörk í seinni leiknum og halda hreinu ætla þær sér að vinna þetta einvígi og koma sér áfram. Vondur dagur Get ekki sagt að neinn hafi átt neitt sérstaklega slæman dag en vissulega áttu varnarmenn Breiðabliks Kristíns Dís og Heiðdís slæm móment sem hefðu getað endað illa en ég hef fulla trú að þær hafi dustað af sér rykið í þessum leik og hleypi engum framhjá sér í seinni leiknum! Dómarinn - 8 Bara fínasta dómgæsla hjá Finnska teyminu í kvöld, leyfi leiknum að rúlla vel og ég hef lítið út á þær að setja