Snæbjört Pálsdóttir @fotboltinet

Textalýsing Skýrslan

Hvað réði úrslitum? Það sem réði úrslitum hér í kvöld var hreinlega bara seiglan og karakterinn hjá Blika konum! á 47. mínútu voru þær 0-3 undir í einvíginu en með ótrúlegri seiglu og baráttu náðu þær að jafna einvígið á 90.+7 mínútu með mörkum frá Heiðdísi (49') og Sammy (65' og 90'+7)). Tryggðu sér þannig framlengingu sem Edith svo kláraði með hnitmiðuðu skoti á 107. mínútu. Vá! Bara Vá! Bestu leikmenn 1. Samantha Rose Smith Var frábær í dag! Spilaði allan leikinn og var stöðugt að djöflast fram á við. Átti geggjað skallamark og setti svo fáránlega mikilvægt og dramatískt mark á lokasekúndu leiksins sem tryggði Blikakonum framlengingu 2. Kristín Dís Árnadóttir Var mjög flott í vörn Blika í dag og stjórnaði liðinu í framlengingunni. Átti mörg mjög mikilvæg varnarmóment sem hún gerði vel í. Herdís Halla stóð sig svo mjög vel í markinu fyrir utan fyrsta mark Fortuna sem hún færði þeim á silfurfati. Karítas kom síðan mjög vel inn líka Atvikið Seinna mark Sammy sem hún skoraði gjörsamlega á síðustu sekúndunum, jafnaði einvígið og tryggði Blikum framlengingu verður að vera atvikið! Þvílík og önnur eins dramatík hef ég bara sjaldan séð...

Hvað þýða úrslitin? Úrslitin þýða það hreinlega að Blikar vinna einvígið 3-4 og eru komnar áfram í 8. liða úrslit Evrópubikarsins þar sem þær mæta sænska liðinu Häcken í febrúar. Vondur dagur Getur ekki annað verið en dagurinn sé vondur hjá Lene Terp þjálfara Fortuna Hjörring, missir 1-0 forystu í einvíginu niður og tapar því 3-4. Tekur Joy, langbesta og hættulegasta mann útaf í tilraun til að tefja á 90+ mínútu. Ef einhver hefði verið líkleg til að ná inn marki fyrir Fortuna í framlengingunni þá hefði það verið hún... Dómarinn - 6 Bara skínfínt dæmt hjá Litháenska teyminu, svosem engar stórkostlega ákvarðanir sem þurfti að taka. Nokkrar spes ákvarðanir en höfðu svo sem ekki mikil áhrif

- Meðalaldur 25 ár

- Meðalaldur 20 ár