Stefán Marteinn Ólafsson @Stefanmarteinn7

- Meðalaldur 27 ár

Textalýsing Skýrslan

Hvað réði úrslitum? Víkingur voru betri en Vestri á nær öllum ef ekki bara öllum sviðum í dag. Leikur sem var aldrei í neinni teljandi hættu og þetta Víkingslið er ógnarsterkt. Bestu leikmenn 1. Nikolaj Hansen Skoraði tvö mörk í leiknum og var alltaf ógn inni á teig Vestra. Óheppin að ná ekki þriðja markinu og verður spennandi að fylgjast með Niko Hansen í sumar en hann hefur átt frábært undurbúningstímabil. 2. Valdimar Þór Ingimundarson Skoraði þriðja markið í dag og átti auk þess flotta spretti í leiknum. Átti frábæran sprett í fyrri hálfleik þar sem hálft Vestra liðið þurfti að brjóta á honum áður en hann loks féll. Verður spennandi að sjá hann í sumar. Atvikið Valdimar Þór virðist vera tekinn niður í seinni hálfleik innan teigs af Marvin Darra markverði Vestra. Flestir sem bjuggust við að bent yrði á punktin en svo var ekki og fékk Valdimar Þór gult spjald fyrir dýfu - Valdimar viðurkenndi svo eftir leik að þetta hafi ekki verið snerting og því góður dómur.

Hvað þýða úrslitin? Víkingar eru Meistarar Meistaranna 2026. Vondur dagur Daniel Osafo-Badu sagði sjálfur eftir leik að hans lið væri svolítið á eftir áætlun í undirbúningi fyrir Íslandsmótið í sumar. Erfitt að taka einhverja staka menn út fyrir sviga hérna. Dómarinn - 9 Dómarateymið komst virkilega vel frá sínu í dag. Negldu allar ákvarðanir að mínu mati. Ekki erfiðasti leikur sem þeir munu dæma í sumar en virkilega vel frá þessum leik komið.

- Meðalaldur 28 ár