0-1 staðan hér staðreynd Njarðvíkurmenn hljóta að anda léttar hér, með þessu marki en þessi leikur fer nú ekki í sögubækurnar sem þeirra besti leikur Tindastólsmenn naga sig líklega í handabökin eftir eitt augnablik sem fókusinn truflaðist Takk fyrir samfylgdina! skýrsla og viðtöl koma inn síðar í dag

Úffffff, Þetta er svekkjandi fyrir Stólana, búnir að halda þeim allan leikinn og fá þetta svo í andlitið í uppbótartíma..

Svend kemst í boltann hjá Braga, útfyrir endalínu og horn sem Arnleifur tekur

Valdimar tekur skotið, stefnir inn í samskeytin en Nikola ver frábærlega

Njarðvík keyra í skyndisókn en ná ekki að nýta það, Tindastólsmenn komast til baka og hægja á þessu, síðan brotið á Valdimar

Jónas Aron tekur spyrnuna inn á teig, Stólarnir halda þessu en ná ekki skoti á markið

Einhver miskilningur milli Sverris og Nikola sem Fernandes nýtir sér en boltinn hins vegar framhjá markinu

Haukur kemst inn í teig, virðist vera brotið á honum en ekkert dæmt

Aron með skot utan af hægri kannti og hann smellur ofan á þverslánni, ég er nokkuð viss um að þetta sé hættulegasta færið hingað til, Nikola hefði ekki náð í boltann

Bragi Karl fær sendingu inn fyrir er kominn einn í gegn setur boltann á markið en flaggið réttilega á loft

Björn brýtur á Aroni, Arnleifur gerir sig kláran að taka spyrnuna, Jónas Aron liggur hins vegar þar sem Njarðvíkurmenn hafa stillt sér upp, Jónas stendur upp rétt snertir Valdimar sem hendir sér niður, nota bene boltinn er ekki í leik.... Dramaaaaa....

Haukur brýtur á Arnleifi, þeir taka þetta stutt

Valdimar tekur hornspyrnu en sóknarbrot dæmt á Njarðvík, þeir eru alls ekki að nýta öll þessi 100 horn sem þeir hafa fengið í þessum leik... Þetta lið á ekki að geta klúðrað svona mörgum spyrnum gegn 3. deildar liði...

Arnleifur tekur hornspyrnu, darraðardans í teignum en berst að lokum frá markinu

Arnleifur tekur horn en ekkert kemur úr þessu

Bragi Karl með skalla á markið sem Nikola fleygir sér á

Sigurjón brýtur á Daníel Smára, Svend setur boltann inn á teiginn, Guy Smit grípur síðan boltann en hann er klárlega út fyrir teig og allt tryllist en dómarinn segir að smá hluti hafi ekki verið útfyrir... sel það ekki dýrara en ég keypti það

Bragi Karl reynir fyrirgjöf en Svend skallar boltann frá

Guðmundur og Svend í baráttu í teignum, boltinn fer rétt framhjá markinu, Njarðvík kallar horn en markspyrna dæmd

Með sterka tvöfalda vörslu!

Jónas Aron brýtur á Arnleifi, Valdimar tekur spyrnuna stutt á Fernandes sem reynir skot en það er hreinlega bara lélegt og enda svo í höndunum á Nikola

Sverrir fær stungu inn fyrir vörn Njarðvíkur en flaggið fer á loft

Fernandes brýtur á David, Svend tekur spyrnuna fram en Eiður Aron stekkur hæst og skallar boltann frá

Daníel Smári og Fernandes í baráttu sem Daníel vinnur

Guðmundur þakkar bara svo fyrir og brýtur á Nikola í marki Stólanna

Guðmundur liggur hér við teiginn, Njarðvíkurmenn voru ekkert að pæla í að sparka boltanum útaf fyrir sinn mann, en hann er staðinn upp aftur eftir pásu hjá dómaranum

Benni reynir skot en þrumar boltanum í Sigurjón

Sverrir sparkar seinni hálfleiknum aftur á stað

0-0 í hálfleik er ekki staðan sem ég bjóst við fyrirfram en hér erum við! Njarðvík hafa haft algjöra yfirhönd á leiknum líklega svona 75-80% með boltann og leikurinn hefur að mestu spilast á vallarhelmingi Stólanna en þeir hafa hins vegar ekki átt nein alvöru færi og Nikola í marki Tindastóls hefur í raun bara haft mjög lítið að gera miðað við þetta... Tindastólsmenn hafa verið mjög þéttir og agaðir og hafa haft gott auga fyrir skyndisóknum sem er klárlega þeirra beittasta vopn ásamt föstum leikatriðum Allt í allt þá á ég von á miklum hita í seinni hálfleik, Njarðvíkurmenn voru orðnir ansi pirraðir hér í lokinn og oft með heimskuleg brot. Stólarnir nærast á svona leikjum miðað við bikarævintýri þeirra í fyrra svo þetta verður einhver veisla í seinni hálfleik

a.m.k ein mínúta í uppbótartíma

En brjóta Njarðvíkurmenn og Jónas Aron tekur spyrnuna fram á við þar eru Sverrir og Addi en hvorugur nær þessu

Benni með spyrnuna reynir að finna Sverri en Sigurjón kemst inn í þetta

Guðmundur brýtur á Jónasi Aroni við teiginn hjá Stólunum Nikola tekur þetta langt, Eiður Aron brýtur þar á Sverri

Jóhann Ægir, finnur Guðmund inn í teig en hann er alltof lengi að athafna sig og Jónas Aron er mættur í bakið á honum

Jóhann Ægir, brýtur á Benna sem aftur er kominn á stað, þetta er hættan sem Njarðvík býr við með að hafa liðið sitt allt svona framarlega en skiljanlegt þegar þeir eru að reyna að leita að fyrsta markinu

Benni tekur aukaspyrnuna sjálfur finnur kollinn á Svend en hann skallar framhjá

Góð tilraun hjá Stólunum Benni fær stungu inn fyrir, Njarðvík með liðið sitt mjög framarlega og kalla eftir rangstæðu en Sigurjón brýtur svo á honum við vítateiginn, aukapsyrna réttilega dæmd

Stefán Gísli reynir fyrirgjöf á Valdimar en David nær að trufla og boltinn endar út fyrir endalínu, markspyrna

Arnar setur pressu á Sigurjón sem er í allskonar veseni, þarf að líta til baka og Tindastólsmenn ná að ýta liðinu ögn framar og losa pressu

Stefán Gísli brýtur á Daníel Smára, Svend setur þetta fram á við en ekkert kemur úr þessu

Fernandes setur boltann inn fyrir þar sem Bragi kemur á hlaupinu en flaggið fer réttilega á loft

Bragi Karl brýtur á Sverri, Jónas Aron tekur spyrnuna og reynir að finna Arnar Ólafs á vinstri kanntinum en Njarðvíkurmenn komast inn í sendinguna

Eiður Aron og Daníel Smári eiga í baráttu við teiginn, Eiður fellur en aukaspyrna dæmd á hann, þetta hefði alveg geta fallið Njarðvíkur megin frá mínu sjónarhorni..

Arnleifur tekur hornspyrnu, en Stólarnir ná að koma þessu frá

Ágætis sókn hjá Stólunum, Arnar Ólafs tekur boltann með sér inn á teig, er svo ekki viss hvort hann ætti að skjóta eða gefann fyrir en laus bolti allvega sem Guy Smit pikkar upp

Valdimar tekur hornspyrnuna en boltinn svífur út fyrir endalínu

Arnleifur tekur hornspyrnu, darraðardans í teignum endar með skoti frá Fernandes en Stólarnir ná að skalla frá

Valdimar chippar boltanum á markið, Nikola rétt nær að blaka honum frá Jónas kemur honum svo í burtu

Það eru góð læti hérna, Bragi tekur David harkalega niður og bæði leikmenn og bekkir beggja liða tryllast

Arnleifur reynir stungu á Braga en flaggið fer á loft

Bragi setur Anrleif í gegn, hann reynir fyrirgjöf en Jónas Aron skalalr þetta frá

Bragi Karl fær sendingu inn fyrir, er aleinn en skýtur beint á Nikola í markinu, þarna á að gera betur..

David nær að tækla boltann og stoppa skyndisókn hjá Njarðvík

Jónas Aron tekur rangstöðu fast og langt, Þar er Benni fremstur manna nær snertingunni og boltinn rétt framhjá, Guy Smit var kominn úr markinu

Fernandes setur boltann upp í horn á Stefán Gísla hann reynir fyrirgjöf en Daníel Smári kemst í þetta

Guðmundur fær sendingu inn í teig reynir svo að snúa hann inn en boltinn yfir

Daníel Smári fær sendingu upp í horn, reynir stutt spil við Arnar Ólafs en erfið sending sem ekkert kemur úr

Leandro Fernandes reynir skot en það er yfir markið

Leikurinn er eins og við var að búast að spilast að miklu leyti á vallarhelmingi Tindastóls, þeir hafa ekki mikið komist fram yfir miðju en þeir eru þéttir varnarlega og Njarðvíkurmenn hafa ekki náð að brjóta sér leið í gegn

Aron á fyrirgjöf á Guðmund sem skallar hann út en Stólarnir ná að hreinsa

Valdimar sparkar þessu af stað fyrir Njarðvík

Áhorfendur eru að tínast í stúkuna og leikurinn fer að hefjast, allt eins og það á að vera!

View this post on Instagram

A post shared by Knattspyrnudeild Tindastóls (@tindastoll_fotbolti)

View this post on Instagram

A post shared by Njarðvík FC (@njardvikfc)

3. deildar lið Tindastóls hins vegar kemur í þennan leik með 3-1 sigri á KF og svo með því að leggja Magna af velli 3-1 sl. sunnud. Tindastóll var á eldi síðastliðið sumar þegar það komst alla leið í úrslit Fótbolta.net bikarsins. Þeim finnst ekki leiðinlegt að spila stóra bikarleiki gegn betri andstæðingum á blaði. Þeir hafa þó ekki verið að ríða feitum hesti í lengjubikarnum í ár en þeir sitja í neðsta sæti síns riðils án stiga. En það eitt sem víst er að þeir elska að spila bikarleiki og þessi ætti að kveikja vel í þeim

Lengjudeildarlið Njarðvíkur kemur inn í þennan leik eftir 5-2 sigur á liði Hvíta riddarans sl. mánudag. Njarðvík stóð sig gríðarlega vel síðasta sumar en laut í lægra haldi fyrir nágrönnum sínum í Keflavík í umspili um að komast upp í Bestu deildina. Í Lengjubikarnum í vetur sýndu þeir ágætis frammistöðu, enduðu í 3. sæti í sínum riðli á eftir KR og Víkingi. Það ætti því að vera nokkuð ljóst að krafa er um skyldusigur hjá stuðningsmönnum Njarðvíkur. En það gæti nú verið von á slatta af stuðningsfólki sem gerir sér glaðan dag og skjótist á krókinn en kvennalið Njarðvíkur í körfubolta spilar hér leik gegn Tindastól í úrslitakeppninni kl. 18:00, sannkallaður tvíhöfði sem fer fram á Sauðárkróki í dag!

Skírdagur (í gær): 14:00 Fylkir - KFA: 2-0 Föstudagurinn langi (í dag): 13:00 Afturelding - Ýmir (Malbikstöðin að Varmá) 14:00 Tindastóll - Njarðvík (Sauðárkróksvöllur) Laugardagur: 12:00 ÍBV - Þróttur R. (Hásteinsvöllur) 14:00 Þór - FH (Boginn) 15:00 Höttur - KA (Rafey-völlurinn) 16:00 Kormákur/Hvöt - Breiðablik (Sauðárkróksvöllur) 17:00 Fram - Víkingur R. (Lambhagavöllurinn) Páskadagur (Sunnudagur): 15:00 Árbær - Ægir (Domusnovavöllurinn) 15:00 Stjarnan - Selfoss (Miðgarður) Annar í páskum (Mánudagur): 13:00 Grindavík - Keflavík (BIRTU-völlurinn) 13:00 Fjölnir - HK 13:00 ÍA - Haukar (Akraneshöllin) 14:00 Grótta - Álftanes (Vivaldivöllurinn) 16:00 KR - Valur (Meistaravellir) Laugardagurinn 11. apríl: 16:00 Vestri - Leiknir R. (Kerecis-völlurinn)

Verið hjartanlega velkomin í beina textalýsingu þráðbeint frá Sauðárkróksvelli þar sem Tindastóll tekur á móti Njarðvík í 32. liða úrslitum Mjólkurbikarsins Leikurinn hefst á slaginu 14:00!