Stjarnan tekur sigurinn hér í Garðabæ og byrjar mótið með fullt hús stiga eftir tvo leiki. Sanngjarn sigur sem hefði mögulega átt að vera stærri.

Skýrsla og viðtöl væntanleg seinna í kvöld.

Birnir nær boltanum við vinstra hornfánann, hann gefur hann á Andra sem fer framhjá einum og keyrir inn á teig. Færið er rosalega þröngt en skotið hans fer bara rétt yfir markið.

Stjarnan með aukaspyrnu sem Ísak Óli ætlar að reyna skalla frá á sama tíma og Jökull ætlar að lemja boltann frá. Þeir skella þá saman og Jökull þarf aðhlynningu eftir það.

Laus bolti á hægri kantinum og Gils er ekkert eðlilega fljótur. Hann stingur menn af og nær að koma boltanum fyrir en það er enginn inn í teig. Baldur Kári nær svo boltanum á jarðri teigsins og tekur skotið en framhká.

Leikurinn spilast alfarið á vallarhelmingi FH þessar síðustu mínútur. Stjarnan ætlar sér að vinna þennan leik.

Andri tíar upp boltann fyrir Jóhann Árna sem ætlar að taka þrumuskot úr góðu færi en boltinn í varnarmann. Hann berst svo til Turay sem tekur skotið en hátt yfir.

Heiðar Ægisson sem var að koma inn á er að spila sinn fyrsta leik í langan tíma eftir erfið meiðsli.

Stjarnan með hornspyrnu sem Daníel tekur. Boltinn kemur á fjær þar sem Kjeldsen nær skallanum en framhjá.

Kjartan Kári með fast skot af löngu færi en Árni er vel staðsettur og grípur boltann.

Jóhann Árni með góðan bolta á fjær og Kjeldsen nær skallanum í átt að marki en varnarmenn FH komast fyrir.

Rétt fyrir markið voru Stjörnumenn vissir um að þeir hefðu skorað. Þá var alvöru þvaga fyrir framan markið og ómögulegt fyrir mig að sjá en þar var allavega FH-ingur sem bjargaði á línu, eða rétt fyrir innan línu. Það skýrist líkast til seinna.

FH með horn, og Stjörnumenn skalla fyrsta bolta frá. FH-ingar halda boltanum inn í teig og úr verður heljarinnar þvaga í kringum boltann en Helgi dæmir svo sóknarbrot.

Benedikt Warén fær boltann á eigin vallarhelmingi og brunar fram. Hann fer framhjá einum og kemur svo boltanum inn á teig. Andri er sterkur og gerir vel í að snúa sér til að komast í færi, skotið hans fer hins vegar framhjá.

Daníel tekur hornið fyrir Stjörnuna og hann kemur með góðan bolta inn á miðjan teiginn. Gummi Kri nær skallanum en beinir honum framhjá.

Birnir reynir skotið fyrir utan teig en þetta fer framhjá.

Djúp fyrirgjöf hjá Ibrahim Turay og Örvar nær skallanum á nær en framhjá.

Með boltann: Stjarnan - 67,6% FH 32,4%
Skot: Stjarnan - 6 FH - 4
Skot á mark: Stjarnan - 2 FH - 3
Horn: Stjarnan - 3 FH - 1

Tölfræði tekin hjá SÝN Sport

Eftir frekari skoðun á endursýningum í hálfleik, verður að segjast að Stjörnumenn geta verið svekktir með þennan dóm. Örvar og Ísak eru báðir að reyna að henda sér á lausan bolta fyrir opnu marki. Mér sýnist Örvar vera fyrstur í boltann en fer svo vissulega í Ísak. Verulega harður dómur af mínu mati.

Í hálfleik þá er tilvalið að kynna sér framboð Framsóknar í Garðabæ en oddviti listans, Hlynur Bæringsson, þekkir vel hvað til þarf til að ná góðum árangri í Garðabæ.

-auglýsing

Framsókn

Jafnt í hálfleik! Stjarnan var með öll völd á leiknum en FH náði að grípa í tökin í svona fimm mínútur þar sem þeir náðu jöfnunarmarkinu. Þá stilla þeir upp seinni hálfleiknum í alvöru spennu!

Stjarnan heldur í boltann lengi inn á vallarhelmingi FH. Að lokum fær Benedikt boltann fyrir utan teig, með fínt pláss og lætur vaða. Fínt skot en rétt framhjá.

Vítadómurinn er umdeildur, og ég átti erfitt með að sjá á endursýningum hvort þetta væri réttmætt. Mögulega koma fleiri sjónarhonr á þetta í hálfleik.

Kjartan Kári fyrst með skot sem Árni ver vel. Það skapast síðan stórhætta úr horni og Örvar dæmdur brotlegur inn í teig.

Allskonar atburðir sem eiga sér stað á stuttum tíma. Turay fer í mjög glennilega tæklingu sem hefði mögulega verið bara rautt ef hann hefði hitt Kjartan Kára. Kjeldsen stöðvar svo Kjartan en ekkert dæmt. FH heldur boltanum, koma honum út til hægri og gefa fyrir á Kára Kristjáns sem tekur skotið af stuttu færi en varið.

Birnir Snær kemur upp hægri kantinn og gefur boltann fyrir. FH-ingar stöðva boltann enn hann skoppar svo upp í hendina á Grétari. Hefði verið grimmt að dæma á þetta þar sem hann situr og er að stiðja sig með þessari hendi.

Turay fær aðhlynningu og þarf því að vera útaf velli í mínútu. Helgi hins vegar ákveður að dæma ekkert á þetta.

Ibrahim Turay liggur sárþjáður og heldur um andlitið. Í endursýningum má sjá að Grétar setur olnbogann beint í kjammann á Turay. Líkast til ekki viljandi samt.

Stjarnan með horn sem FH-ingar ná að hreinsa. Boltinn fer alla leið aftur á Árna sem kemur með langan bolta aftur fram á Emil sem gerir frábærlega í að taka boltann niður og ná skoti á markið. Jökull stekkur til og kemur með stórkostlega vörslu!

Stjarnan með aukaspyrnu rétt hjá miðhringnum. Jóhann Árni lyftir boltanum inn á teig og Gummi Kri nær skallanum en beinir honum beint útaf.

Benedikt með mjög háa fyrirgjöf inn á teiginn sem Örvar nær að skalla en enginn kraftur á þessum bolta og Jökull sækir boltann sem er á leiðinni framhjá.

Frábær skyndisókn hjá Stjörnunni! Guðmundur Baldvin með rosalegann bolta í gegn og Örvar er auðvitað fljótari en allir. Hann rétt nær til boltans á undan Jökli og reynir að vippa yfir hann en skotið hans fer rétt framhjá fjærstönginni!

Stjarnan með hornspyrnuna og það er Daníel sem tekur hana. Góður bolti á nær sem Emil nær að skalla í en beint á Jökul sem handsamar boltann.

Stjarnan með aukaspyrnu nálægt miðlínunni sem Jóhann Árni lyftir inn í teig. Jökull kemur út og blakar boltanum aftur fyrir.

Stjarnan 3-2-4-1

Árni
Guðmundur - Kjeldsen - Daníel
Turay - Jóhann
Örvar - Guðmundur Baldvin - Benedikt - Birnir
Emil

FH 4-3-3
Jökull
Birkir - Ísak - Carlson - Baldur
Kári - Tómas - Grétar
Adolf - Flóki - Kjartan

Stjörnumenn með fastan bolta fram yfir vörn FH-inga sem Emil kemst í. Hann fer með boltann inn á teig og tekur skotið en beint á Jökul í markinu.

Helgi flautar og við erum farin af stað!

Steinar J. Lúðvíksson minnst hér fyrir leik með mínútu þögn.

Leikmenn ganga til vallar, stúkan tekur við sér í stuðning. Það er að myndast stemning!

Stjarnan vs Fh
Það er Stjörnu sigur í kortunum og stuðullinn er 1.91 hjá Epichttps://t.co/OGHcG0eY6R

— Kristalkúlan (@kristalkulan) April 17, 2026

Heil umferð fór fram í dag og það er bara þessi leikur eftir. Úrslitin í leikjum dagsins eru hér.

Valur 2-1 ÍBV
KA 0-2 Víkingur
KR 5-2 Þór
Breiðablik 1-0 ÍA
Fram 3-1 Keflavík

Jökull Elísabetarson þjálfari Stjörnunnar gerir tvær breytingar á liði sínu frá 3-2 sigri þeirra fyrir norðan gegn KA. Samúel Kári Friðjónsson sest á bekkinn, en Sindri Þór Ingimarsson er ekki með í hóp. Fyrir þá koma Daníel Finns Matthíasson og Benedikt Warén.

Jóhannes Karl Guðjónsson þjálfari FH gerir einnig tvær breytingar frá því að þeir gerðu jafntefli við ÍBV í fyrstu umferð. Kári Kristjánsson og Kristján Flóki Finnbogason koma inn í liðið. Gils Gíslason sest á bekkinn en Arnór Borg Guðjohnsen er ekki með í hóp.

Miðað við KSI.is lítur út fyrir að það sé búið að seinka leiknum um 15 mínútur.

Farið var yfir þá hluti sem ætti að vera áhugaverðast að fylgjast með í annari umferð deildarinnar. Þar mátti finna tvo punkta úr þessum leik.

Tónlistamaðurinn Ágúst, sem spilaði meðal annars með Völsungi, Þór, ÍR og Magna hefur verið að gera mjög skemmtilega hluti að undanförnu. Hann var nýlega kynntur sem nýr brekkusöngvari á Þjóðhátíð í Eyjum og var að gefa út lag með Unu Torfa. Hann verður spámaður okkar þessa vikuna.

Stjarnan 4 - 0 FH
Sem Arsenal maður þá elska ég þessa nýju leikþætti hjá Stjörnunni, fundir inni á miðjum velli og Jökull er sennilega með ljósaperuna inni í klefa líka eins og minn maður Arteta, en því miður fáum við enga fundi hjá Stjörnunni í þessum leik þar sem þeir eru að fara rúlla yfir FH-ingana.

Helgi Mikael Jónasson verður með flautuna í dag en honum til aðstoðar verða, Egill Guðvarður Guðlaugsson og Eysteinn Hrafnkelsson. Arnar Þór Stefánsson er fjórði dómari og Jón Magnús Guðjónsson er eftirlitsmaður KSÍ.

Félagaskiptaglugginn er ennþá opinn en þetta eru breytingarnar á hóp liðanna eins og er.

Stjarnan
Komnir
Birnir Snær Ingason frá KA
Darri Bergmann Gylfason frá Augnabliki
Gustav Kjeldsen frá Vestra
Sveinn Sigurður Jóhannesson frá Val

Farnir
Adolf Daði Birgisson í FH
Steven Caulker hættur og farinn til Tyrklands
Þorlákur Breki Baxter til Keflavíkur (var á láni hjá ÍBV)
Baldur Logi Guðlaugsson til Keflavíkur
Sigurður Gunnar Jónsson í HK (lán)
Andri Adolphsson hættur
Aron Dagur Birnuson í Þrótt R. (á láni)
Tristan Freyr Ingólfsson í Gróttu

FH
Komnir
Jökull Andrésson frá Aftureldingu
Kári Kristjánsson frá Þrótti R.
Adolf Daði Birgisson frá Stjörnunni
Sverrir Páll Hjaltested frá ÍBV
Tobias Carlsson frá Svíþjóð
Viktor Nói Viðarsson frá Belgíu
Aron Jónsson frá Aftureldingu
Kristján Snær Frostason frá HK
Arnór Borg Guðjohnsen frá Vestra (var á láni)
Gils Gíslason frá ÍR (var á láni)
Axel Marcel Czernik frá Breiðabliki

Farnir
Sigurður Bjartur Hallsson til Spánar
Björn Daníel Sverrisson hættur og tekinn við Sindra
Böðvar Böðvarsson í ÍA
Ahmad Faqa til AIK (var á láni)
Bjarni Guðjón Brynjólfsson í Þór á láni
Bragi Karl Bjarkason í Njarðvík
Einar Karl Ingvarsson í Hauka
Jóhann Ægir Arnarsson í Njarðvík á láni
Dagur Traustason í Fylki
Mathias Rosenörn
Dagur Örn Fjeldsted í Breiðablik (var á láni)

Hafnfirðingar fóru líka út á land í fyrstu umferð þar sem þeir mættu ÍBV en liðin skildu jöfn eftir leikinn 1-1. Skýrsluna og viðtöl eftir leikinn má sjá hér fyrir neðan.

Stjarnan fór til Akureyrar í fyrstu umferð þar sem Garðbæingar unnu 3-2 gegn KA. Hér fyrir neðan má sjá skýrsluna úr þeim leik og viðtölin eftir leikinn.

Komið þið sæl og verið velkomin í beina textaýsingu frá leik Stjörnunnar og FH í 2. umferð Bestu deildar karla.

Leikurinn hefst klukkan 20:00 og verður spilaður á Samsung vellinum í Garðabæ.