Haraldur Örn Haraldsson @haraldur_orn

- Meðalaldur 28 ár

Textalýsing Skýrslan Viðtöl

Hvað réði úrslitum? Stjarnan var betra liðið næstum allan leikinn. Þeir stjórnuðu honum mest megnis með boltann, en áttu bara nokkrar mínútur í kringum mörkin sem FH skorar sem þeir slöppuðu aðeins af og gestirnir nýttu sér það. Frábær sending í lokinn og framherjanefið í Andra Rúnari var síðan nóg til að skora sigurmarkið fyrir Stjörnuna. Bestu leikmenn 1. Ibrahim Turay (Stjarnan) Turay kom ekki beint að neinum mörkum en var alveg frábær í þessum leik. Bæði var hann orkumikill og skilvirkur varnarlega, svo stýrði hann miðjunni einstaklega vel. Skemmdi ekki að hann sýndi af og til mjög skemmtilega takta. 2. Guðmundur Baldvin Nökkvason (Stjarnan) Ekki lengur bara efnilegur heldur af mínu viti einn besti miðjumaður deildarinnar. Sífellt hætta fram á við í kringum hann, svo nýtir hann kraftinn sinn mjög vel. Hann skoraði annað mark Stjörnunnar þar sem hann var vel staðsettur til að hirða lausa boltann. Atvikið Sigurmarkið á 86. mínútu var mjög verðskuldað. Frábær bolti inn í teig frá Samúel Kára og Andri Rúnar þurfti ekki nema minnstu snertingu til að pota boltanum framhjá Jökli. Stúkan trylltist, og stemningin sem var búin að vera góð náði hápunkti.

Hvað þýða úrslitin? Stjarnan er með sex stig eftir tvo leiki og því fullt hús stiga eins og er. Byrjunin alveg eftir bókinni fyrir Garðbæinga. FH er ennþá aðeins með eitt stig sem þeir sóttu um síðustu helgi í Vestmannaeyjum, og líta út fyrir að vera það lið sem flestir spáðu þeim fyrir að vera. Þ.e.a.s. lið sem mun ekki berjast ofarlega í töflunni, heldur frekar neðarlega. Vondur dagur Pressa FH-inga í fyrri hálfleik var mjög döpur og þar af leiðandi voru þeir lítið með boltann. Einnig fannst mér að þegar þeir fengu loksins boltann gekk brösulega að spila honum áfram og búa til eitthvað með einhverju uppspili. Vondur dagur fer því ekki á einstakling heldur liðið og þjálfarinn, að hafa ekki náð að framfylgja nógu góðu leikskipulagi. Dómarinn - 6 Vítaspyrnan sem FH fékk í lok fyrri hálfleiks var rangur dómur. Örvar er á undan í boltann, þó hann fari svo í Ísak eftir á, það dregur teymið niður töluvert. Mér fannst Helgi einnig sleppa af og til nokkuð augljósum brotum. Heilt yfir fyrir utan eitt stórt atvik, var þetta viðunandi.

- Meðalaldur 25 ár