Kári Snorrason @karisnorra

- Meðalaldur 28 ár

Textalýsing Skýrslan Viðtöl

Hvað réði úrslitum? Stjarnan komst í tvígang yfir en Víkingar voru þó ekki lengi að svara í bæði skiptin. Stjörnumenn mættu Víkingum hátt og byrjuðu betur en eftir því sem leið á leikinn ógnuðu heimamenn meira og áttu þeir eflaust sigurinn skilið, yfir í flestum tölfræðiþáttum. Það má setja spurningamerki við varnarleik Stjörnunnar í marki eitt og þrjú sem Víkingar skoruðu. Elías Már fær að valsa óáreittur að vítateig gestanna og skoraði. Þá var Óskar Borgþórsson aleinn og yfirgefinn á fjærsvæðinu í sigurmarkinu. Garðbæingar voru þó heldur betur nálægt því að jafna metin undir lok leiks en Ingvar Jónsson varði þá vel í marki Víkings. Bestu leikmenn 1. Elías Már Ómarsson Skoraði tvö frábær mörk í dag og stimplaði sig heldur betur inn í lið Víkings. Fyrsti byrjunarliðsleikurinn í deild og tvö mörk, varla hægt að biðja um meira. 2. Andri Rúnar Bjarnason Skoraði og lagði upp, frábær í dag. Enginn Emil, engin vandræði. Andri leysir hann frábærlega af. Atvikið Stuðningsmenn Víkings kveiktu í tvígang á blysum fyrir aftan varamannabekkina eftir fyrstu tvö mörk liðsins. Félagið var sektað vegna blysanotkunar í fyrstu umferð og sungu stuðningsmenn Víkings: „Sektið okkur núna“ og „Nafnlaus Mafía“ þegar blysin fóru á loft. Sölvi Geir sagði í viðtali ekki hafa áhyggjur af sektum þar sem kveikt var í blysunum fyrir utan leikvöllinn. Ég hef mjög gaman af þessum blysaleikþætti og hafði gaman af því þegar Sölvi benti á að kveikt væri á blysunum í Kópavogi. Sjálfur bíð ég spenntur eftir fundi aga- og úrskurðarnefndar KSÍ næstkomandi þriðjudag.

Hvað þýða úrslitin? Víkingar fara upp í 2. sætið með sjö stig eftir fyrstu þrjár umferðirnar. Garðbæingar ekki lengur taplausir og eru með sex stig. Vondur dagur Ingvar Jónsson átti að gera betur í fyrra marki Stjörnunnar, Sölvi Geir setti í hið minnsta þá kröfu á hann í viðtali eftir leik. Annars enginn sem öskrar á mann að hafa verið arfaslakur, vel gert allir! Dómarinn - 9 Ég hef ekkert að setja út á Ívar Orra og félaga. Kvartettinn heldur betur í góðum gír á sumardeginum fyrsta.

- Meðalaldur 28 ár