Haraldur Örn Haraldsson @haraldur_orn

- Meðalaldur 27 ár

Textalýsing Skýrslan Viðtöl

Hvað réði úrslitum? Fyrstu mínúturnar voru gríðarlega skemmtilegar þar sem bæði lið áttu góð færi. Það voru hins vegar Valsarar sem komust yfir og bættu svo öðru marki við skömmu eftir það. Þá var ekki aftur snúið og Valur átti restina af fyrri hálfleiknum. Þeir hefðu í raun getað skorað meira en þetta eina mark sem kom í viðbót. Seinni hálfleikurinn var svo heldur daufari. Valsarar vörðu fenginn hlut á meðan FH reyndu hvað þeir gátu en voru frekar bitlausir. Bestu leikmenn 1. Tryggvi Hrafn Haraldsson (Valur) Tryggvi átti tvær stoðsendingar í leiknum og báðar voru það mjög góðar fyrirgjafir á stóra menn á fjærstöng. Hann átti líka að skora í leiknum, átti tvö eða þrjú dauðafæri sem hann klúðraði en það kom ekki að sök. 2. Adam Ægir Pálsson (Valur) Margir sem koma til greina í þennan dálk þar sem margir Valsarar voru mjög góðir. Adam byrjaði þetta fyrir Val með góðu marki, svo var hann nálægt að bæta við öðru seint í leiknum en Jökull varði vel frá honum. Atvikið Þriðja mark Vals var einkennilegt. Há fyrirgjöf á fjær þar sem Hólmar Örn Eyjólfsson hefur þrjá varnarmenn í kringum sig. Ætti að vera ómögulegt fyrir hann að vinna skallann en hann gerði það þar sem FH-ingarnir í kringum hann sýndu ekki minnstu baráttu í að reyna að komast í þennan bolta.

Hvað þýða úrslitin? Valur nær í sinn annan sigur á tímabilinu og eru því með sex stig. Það sem þeir taka hins vegar mest út úr þessum leik er frammistaðan sem var virkilega góð. FH er enn aðeins með eitt stig, og taka öfugt við Val út úr þessu. Þeir þurfa að bæta sína frammistöðu því hún var skelfileg í þessum leik. Vondur dagur Hægri hliðin á vörn FH var það versta af mörgu vondu í fyrri hálfleiknum. Tobias Carlsson og Arngrímur Bjartur voru ekkert að tengja saman og það var svo auðvelt fyrir Val að komast upp kantinn þar. Tobias var svo kippt af velli í hálfleik sem var mjög skiljanlegt. Dómarinn - 8 Vilhjálmur og hans teymi dæmdu þennan leik vel. Mér fannst Valur komast upp með 'dark arts' brot og þannig dæmi full mikið seint í leiknum án þess að fá gult, en það var ekkert stórmál.

- Meðalaldur 23 ár