Tryggvi Guðmundsson @fotboltinet

- Meðalaldur 23 ár

Textalýsing Skýrslan

Hvað réði úrslitum? Víkingskonur voru öflugri í fyrri hálfleik og skoruðu tvö góð mörk ásamt því að skapa sér fleiri færi. Mikill vindur var á Hásteinsvelli í dag og lék Víkingur með vindinn í bakið í fyrri hálfleik. Eyjakonur komu að krafti inn í síðari hálfleikinn og skoruðu tvö mörk á upphafsmínútunum. Víkingar missa svo leikmann útaf og það lá í loftinu að ÍBV myndi setja sigurmarkið sem þær svo gerðu. Bestu leikmenn 1. Olga Sevcova Olga var eins og svo oft áður potturinn og pannan í sóknarleik ÍBV. Sást kannski ekki mikið til hennar í fyrri hálfleik en hún var öflug á kantinum og átti fullt af fínum fyrirgjöfum og skorar svo mjög gott mark þegar hún slapp í gegn. 2. Allison Patricia Clark Allison Clark var öflug á miðsvæðinu hjá ÍBV í dag. Hrikalega duglega og vinnusöm ásamt því að skapa helling fyrir sig og aðra leikmenn í kringum sig. Hún skorar svo sigurmarkið fyrir ÍBV seint í leiknum með góðu skoti. Fleiri sem koma til greina hér en Kristín Klara Óskarsdóttir átti góðan leik í liði ÍBV og Emma Steinsen í liði Víkinga, var áberandi sérstaklega í fyrri hálfleik. Atvikið Seinna gula spjaldið sem Kristín Erla johnson fékk í liði Víkings sem varð til þess að hún var send af velli. Hún virtist ekki snerta Fridrikku sem steig greiniega bara eitthvað illa niður. Þarna var staðan 2-2 og Eyjakonur búnar að vera mikið sterkari í seinni hálfleik með vindinn í bakið. Eftir þetta var ekki líklegt að Víkingur myndir ná inn sigurmarki.

Hvað þýða úrslitin? ÍBV er búið að ná í tvö sigra í tveimur leikjum og eru með fullt hús stiga eins og Blikar á toppnum. Víkingur er í fimmta sæti með þrjú stig eftir fyrstu tvo leikina. Vondur dagur Þetta var skrýtinn leikur þar sem að Víkingar voru öflugari í fyrri hálfleik og ÍBV í þeim síðari útaf vindinum. Fannst enginn eiga eitthvað áberandi vondan dag svo ég set þetta bara á lið Víkinga í upphafi síðari hálfleiks. Komandi inn í seinni hálfleikinn með tveggja marka forystu og fá tvö mörk á sig strax í upphafi og þurfa að leika allan síðari hálfleikinn á móti vindinum. Dómarinn - 5 Dómarinn í dag var svo sem ágætur fyrir utan reyndar risa stórt móment þegar hann sendir Kristínu Erlu Johnson leikmann Víkings af velli með sitt annað gula spjald.

- Meðalaldur 24 ár