Hörkuleikur og 3-3 jafntefli staðreynd! Takk fyrir mig! Viðtöl og skýrsla koma á eftir

Ábyggilega komið þangað. Breiðablik pressar og pressar í lokin

Börurnar komnar inná. Úlfur Águst lýkur hér með leik. Óskum honum góðs bata

Varnarmaður FH liggur niðri, sýnist hann halda um hnéð og sjúkraþjálfari hleypur inná

Horn fyrir Blika!!

DAUÐAFÆRI!!!!!! KRISTÓFER MEÐ SVAKALEGAN SKALLA SEM JÖKULL VER!!!

Höskuldur reynir lágt skot úr þessari aukaspyrnu en boltinn fer af varnarmanni og Jökull stekkur á hann!

Dómarinn bætir 4 við

Dómarinn dæmir síðan aukaspyrnu fyrir FH nær um leið og Höskuldur tekur hana

Ágúst reynir sendinguna inn fyrir en FH reynir að hreinsa, fer af varnarmanni og Tobias Carlsson rétt nær að hreinsa burt, hefði annars ábyggilega verið mark!

Blikar hreinsa

Úlfur Ágúst brýtur á Kristófer. Höskuldur tekur þetta

Gils kominn aftur með boltann, nær ekki sendingunni sem fer af varnarmanni á Tómas Orra sem reynir skot af löngu færi en þrumar honum yfir

Það er greeeeenjandi rigning hérna í Kópavoginum! Alltaf gaman að horfa á rennblautan fótbolta!

FH skallar frá

Aron Bjarna reynir skot úr D-boganum en hann fer yfir

Gunnar bendir á punktinn!

Kjartan Kári sendir boltann á Úlf sem skallar hann afturábak að marki, virtist vera frekar hættulegt

Blikar eru búnir að pressa soldið eftir þetta mark, en FH var í hörkufæri núna! Kristján Flóki með flott skot sem Anton Ari ver, og FH fær horn!

Boltinn lendir í einhverju skrambli, Baldur Kári tekur síðan skotið sem Anton ver í hliðarnetið, þannig annað horn fyrir gestina, en það verður ekkert úr því

Spurning hvað FH getur gert í seinni hálfleik

Með boltann: 65% - 35%
Marktilraunir: 9-6
Á mark: 3-1
Heppnaðar sendingar: 208-97

Sturluð staðreynd: Framsókn í Kópavogi hefur setið í meirihluta í sveitafélaginu í 54 ár af síðustu 64 árum og á þ.a.l. ansi stóran þátt í í að gera Kópavog að framúrskarandi sveitafélag og íþróttaaðastaðan í Kópavoginum ber þess merki.
XB

- Auglýsing -

Held það hafi verið bætti við einni mínútu, en það er kominn hálfleikur! Ég ætla að fá mér kaffibolla og við sjáumst eftir rúmt korter!

Jökull með frábæra vörslu! Kristófer sendir boltann á Davíð sem er kominn einn í gegn, reynir skotið en Jökull er fljótari að boltanum og ver frábærlega!

Davíð með gott hlaup, sendir fastan bolta á Kristófer Inga, reynir skotið af löngu færi en nær ekki að stjórna honum að markinu og FH fær markspyrnu

Hvernig fóru þeir nú að því að klúðra þessu? Gils sendir fyrirjgöfina inn, sóknarmaður FH annaðhvort hittir ekki boltann með kollinum eða lætur hann fara, boltinn lendir á Tómasi Orra sem reynir skotið en það er arfaslakt og fer útaf!

Höskuldur spilar þetta stutt, fær boltann snyrtilega til baka, reynir skotið en Jökull ver þetta út fyrir í annað horn!

Hornspyrnutalan hlýtur að vera komin samanlagt upp í 10!

FH-ingar ná samt ekki að nýta þetta

Flott sókn hjá Blikum, Davíð fær boltann frá Aroni Bjarna en Davíð nær ekki fyrirgjöfinni og boltinn endar út í horn sem FH ná svo að hreinsa

Blikar með hættulega sókn. Davíð fær boltann vinstra megin, en varnarmaður FH nær að hreinsa í annað horn fyrir Blika.

Ekkert sem verður úr þessu

Frábært hlaup hjá Óla Val, sendir boltann á Viktor Karl sem er á hægri kantinum, en fyrirgjöfin fer í varnarmann og út

Mikið skrambl í þessu horni en boltinn endar að lokum útaf í annað horn fyrir FH.

Mjög fastur bolti þarna sem Grétar Snær nær að skalla prýðivel en Anton Ari ver þetta

Kristján Snær hreinsar í annað horn fyrir Blika

Boltinn endar á kollinn hjá Kristófer Inga sem skallar að marki, myndast einhver darraðardans en FH nær að hreinsa!

Baldur Kári hreinsar í horn fyrir Blika eftir slaka fyrirgjöf hjá Davíð Ingvarssyni.

Aron Bjarnar fær boltann eftir stutt spil fyrir utan teig en hamrar honum svo yfir markið

Gils kemst í gegn á vinstri kanti, reynir skotið sem Anton Ari ver frábærlega, Kjartan Kári nær frákastinu en skýtur honum framhjá!

Glöggir lesendur hafa kannski séð að Kristján Snær Frostason sé á bekknum, en í raun er hann inná. Ástæðan er sú að Birkir Valur meiddist í upphitun og verður ekki með í kvöld. Óskum honum góðs bata

Aukaspyrna fyrir Breiðablik í þeirra eigin teig eftir að Gils brýtur á varnarmanni FH

Það eru gestirnir sem byrja þetta!

Þess má geta að Andri Rafn Yeoman er að spila sinn 500. leik fyrir Breiðablik! Það er mikill áfangi og ég held að það séu ekekrt margir hér á landi sem hafa náð þeim árangri þá með einu liði!

Anton Logi Lúðvíksson hefur spilað 100 leiki fyrir Breiðablik, en hann náði þeim áfanga í seinasta leik gegn ÍBV! Hann er heiðraður hér fyrir leik! Til hamingju!

Liðin eru mætt inn á völl, þessi veisla fer alveg að hefjast!

10 í leik, liðin byrjuð að fara af vellinum og það er verið að spila mikið af nýju plötunni hjá Hnetunni og smá af Blaz á milli!

Býst við hörkuleik!

Blikar vinna í kvöld og Kristófer skorar. -1 á Blika er 1.78 og 2.5 á að Kristófer skori. Eigið gott kvöld.

— Kristalkúlan (@kristalkulan) May 8, 2026

Óli Skúla gerir aðeins eina breytingu á byrjunarliðinu, en Aron Bjarnason kemur inn í stað Antons Loga Lúðvíkssonar, en Aron er að byrja sinn fyrsta leik í Bestu Deildinni þetta tímabilið.

Jói Kalli gerir þrjár breytingar á byrjunarliði sínu í kvöld. Inn koma Tobias Carlsson, eftir að hafa ekki spilað seinustu tvo leiki FH, Gils Gíslason og Viktor Nói Viðarsson.

FH hefur aðeins nælt sér í eitt stig eftir 5 umferðir, sóttu jafntefli í Eyjum og tapað rest. Þeir sitja þá í 11. sæti með 1 stig, jafnir ÍBV í fallsæti. FH þurfti að bíta í það súra epli að tapa á heimavelli 3-4 gegn Fram, en FH komst í 3-1 í fyrri hálfleik, en fengu svo á sig þrjú í seinni hálfleik.

Eftir 5 umferðir hefur Breiðablik unnið þrjá leiki og gert tvö jafntefli og sitja í þriðja sæti með 11 stig. Í síðustu umferð tóku þeir þyrluflug til Eyja og sóttu þrjú stig þar með 1-2 sigri.

Júlíus Mar Júlíusson, leikmaður Kristiansund í Noregi spáði í spilin fyrir komandi umferð og hafði þetta að segja um leikinn
Breiðablik 2 - 1 FH (19:15 í kvöld)
Hörkuleikur í Kópavogi. Adolf Daði kominn í markaskóna og kemur Hafnfirðingum yfir eftir glæsilegan samleik við Tómas Orra. Ágúst Orri verður reiður og skorar næsta mark og jafnar leikinn fyrir Blika. Gulldrengurinn úr Grafarvogi Jónatan Guðni kemur svo inn og klárar þetta fyrir Blika.

FH keypti Kára Kristjáns í vetur frá uppeldisfélaginu sínu Þrótti en síðastliðna þriðjudag kom það í ljós að Kári hefði verið seldur aftur til Þróttar

Á þriðju mínútu uppbótartíma í leik FH og Fram í gær skullu þeir Ísak Óli Ólafsson, Sverrir Páll Hjaltested og Sigurjón Rúnarsson saman. FH-ingar voru í leit að jöfnunarmarki og kom langur bolti upp að vítateig Framara. Sigurjón komst í boltann og þeir Sverrir og Ísak skullu harkalega saman.

Dagur Fjeldsted, sem kom til Breiðabliks á láni frá FH, mun ekki hafa tækifærið til að mæta sínum gömlu liðsfélögum. Hann meiddist á ökkla á æfingu, liðböndin sködduðust, og hann spilar ekki fyrr en í fyrsta lagi í næsta mánuði.

Margir leikmenn komnir inn hjá FH og margir farnir frá liðinu
Komnir
Jökull Andrésson frá Aftureldingu
Adolf Daði Birgisson frá Stjörnunni
Sverrir Páll Hjaltested frá ÍBV
Tobias Carlsson frá Svíþjóð
Viktor Nói Viðarsson frá Belgíu
Aron Jónsson frá Aftureldingu
Kristján Snær Frostason frá HK
Arnór Borg Guðjohnsen frá Vestra (var á láni)
Gils Gíslason frá ÍR (var á láni)

Farnir
Sigurður Bjartur Hallsson til Spánar
Björn Daníel Sverrisson hættur og tekinn við Sindra
Böðvar Böðvarsson í ÍA
Ahmad Faqa til AIK (var á láni)
Bjarni Guðjón Brynjólfsson í Þór á láni
Bragi Karl Bjarkason í Njarðvík
Einar Karl Ingvarsson í Hauka
Jóhann Ægir Arnarsson í Njarðvík á láni
Dagur Traustason í Fylki
Mathias Rosenörn
Dagur Örn Fjeldsted í Breiðablik (var á láni)
Ísak Atli Atlason í ÍR á láni

Ef farið er yfir gluggamál, þá hafa bæði lið verið virk, en kíkum fyrst á heimamenn í Kópavogi.
Komnir
Ívar Örn Árnason frá KA
Jónatan Guðni Arnarsson frá Svíþjóð
Dagur Örn Fjeldsted frá FH (var á láni)
Jón Sölvi Símonarson frá ÍA (var á láni)

Farnir
Damir Muminovic í Grindavík
Guðmundur Magnússon í Njarðvík (var á láni frá Fram)
Tobias Thomsen til Danmerkur
Þorleifur Úlfarsson til Bandaríkjanna
Brynjar Atli Bragason til Svíþjóðar
Gunnleifur Orri Gunnleifsson til Grindavíkur
Egill Valur Karlsson til Keflavíkur

Dómari leiksins er Gunnar Oddur Hafliðason.

Honum til halds og trausts eru Birkir Sigurðarson og Kristján Már Ólafs, fjórði dómarinn er Hreinn Magnússon og eftirlitsmaður er Hjalti Þór Halldórsson

Gott kvöld, kæru lesendur og verið velkomin í þráðbeina textalýsingu frá Kópavogsvelli, þar sem Breiðablik tekur á móti FH!