Afar tíðindalitlum leik lokið með sigri Fylkismanna. Sigurmarkið kom úr vægast sagt umdeildri vítaspyrnu. Fylkir er kominn á topp Lengjudeildarinnar.

Fylkismenn enn nálægt því að bæta við. Held að varnarmenn Völsungs hafi náð að blokka 4 skot í sömu sókninni. Nú eiga gestirnir hornspyrnu.

Frábær fyrirgjöf frá hægri og Eyþór er einn og óvaldaður á markteig og skallar að marki en Stefán í markinu varði afar vel. Fátt sem bendir til annars en sigur Fylkis.

Fylkismenn fá aukaspyrnu rétt fyrir utan teig. Eyþór tekur en spyrnan er slök og Stefán handsamar boltann.

Arnar Pálmi var kominn uppað endalínu vinstra megin og sendi boltann út í teiginn þar sem Bjarki var í dauðafæri en hann hitti boltann skelfilega. Þarna var sénsinn til að jafna.

Bjarki Steinsen með rosalegt langskot af 30 metrum sem stefndi uppí þaknetið en Stefán í marki Völsungs náði að blaka boltanum yfir.

Þetta er búið að vera ákaflega rólegt undanfarnar mínútur. En heimamenn áttu markskot rétt í þessu. Bjarki með fínan sprett en skot hans laust og Ólafur í engum vandræðum í markinu.

Fylkismenn eru búnir að taka yfirhöndina hér í seinni hálfleik og eru búnir að vera talsvert betri.

Fylkir fær afbragðsfæri. Boltinn berst á Dag sem er við markteig í góðri stöðu en setur boltann framhjá. Þarna hefði hann átt að skora.

Fylkir fær aðra hornspyrnu og einhver á skalla sem endar í stönginni! Meira líf á fyrstu 5. mínútum seinni hálfleiks en í nánast öllum fyrri hálfleik.

Hornspyrna Fylkismanna er góð, Stefán missir af boltanum en af einhverjum fór boltinn yfir markið.

Hornspyrnan er hins vegar ekki góð og Ólafur grípur boltann. Fylkismenn snöggir fram og fá hornspyrnu hinum megin

Tómas kemur inn með látum og á fínan sprett upp kantinn og vinnur hornspyrnu

Seinni hálfleikur er hafinn.

Þetta var vægast sagt rólegur fyrri hálfleikur. Fylkismenn eru með yfirhöndina en hafa þannig séð ekki skapað neitt. Ég þarf að kíkja á Livey og skoða vítið betur en við fyrstu sýn var þetta mjög ódýrt.
Heimamenn hafa ekkert skapað fram á við.

Heimamenn fá aukaspyrnu á hættulegum stað. Dagbjartur gefur fyrir en boltinn flýgur ósnertur afturfyrir.

Fylkismenn fá hornspyrnu hér undir lok hálfleiksins en það verður ekkert úr henni.

Kári Sigfússon á fínan sprett upp vinstri vænginn en fyrirgjöf hans er ekki góð. Nánast það eina markverða sem hefur gerst eftir mark Fylkis.

Tumi leikur inn í teig og lætur sig detta við minnstu snertingu og fær víti. Aldrei víti frá mér séð

Sennilega hættulegasta atvikið hingað til eiga Fylkismenn. Kári fær boltann út í teig í mjög góðri stöðu en Arnar Pálmi hendir sér fyrir skot hans og bjargar.

Völsungur fær aukaspyrnu einhverja 25-30 metra frá marki. Arnar Pálmi lætur vaða og spyrnan er fín en Ólafur ver vel.

Aftur fá Fylkismenn hornspyrnu og taka hana stutt í þetta skiptið. Eins og 99,9% af hornspyrnum sem eru teknar stutt kemur ekkert úr henni.

Fyrsta álitlega sókn heimamanna. Bjarki á góðan sprett upp völlinn og sendir út til hægri á Andra Val sem gefur fyrir en Ólafur markmaður grípur boltann.

Fín spyrna en Stefán í marki Völsungs gerir vel og kýlir boltann frá.

Fyrstu hornspyrnu leiksins fá Fylkismenn.

Þetta fer rólega af stað og ekkert markverkt gerst. En nú liggur Steinþór Freyr er að fá aðhlynningu. Spurning hvort heimamenn neyðist til að gera breytingu strax.

Jafnræði með liðunum til að byrja með og menn að þreifa fyrir sér. Jákvætt fyrir Völsung að vera ekki enn búnir að fá á sig mark en í síðustu tveim leikjum fengu þeir á sig mark strax í byrjun leiks.

Bergvin dómari flautar í flautu sína og leikurinn er hafinn.

Dómari í dag er Bergvin Fannar Gunnarsson og honum til aðstoðar eru Sigurjón Þór Vignisson og Arnþór Helgi Gíslason. Eftirlitsmaður er hinn eini sanni Bragi Bergmann.

Þjálfara Fylkis þekkja allir. Heimir Guðjónsson er þrautreyndur og margfaldur Íslandsmeistari bæði sem leikmaður og þjálfari.

Það er nýr þjálfari tekinn við hjá Völsungi, hinn spænski Borja Martin Iglesias. En þar sem að hann kom bara til landsins í gær skilst mér að Bjarki Baldvins og Elfar Árni muni stýra liðinu í dag.

Baldvin Borgars spáði í 5. umferð Lengjudeildarinnar og hann spáir öruggum Fylkissigri:

"Völsungur 0 - 3 Fylkir (14:00 á morgun)
Hér kemur einn sannfærandi sigur, brasilíski bílastæðafótboltinn sem nýja spænska þjálfarateymi Völlara vill spila verður ekki alveg búið að síast inn hjá heimamönnum, Theodór Ingi fagnar Englandsmeistaratitli Arsenal með stjörnuleik."

Völsungar eru enn í leit að sínum fyrsta sigri þetta sumarið. Liðið hefur gert tvö jafntefli og tapað tveimur leikjum, nú síðast gegn Grindavík á útivelli. Völsungur er í 11. sæti deildarinnar.

Fylkismenn hafa byrjað mótið vel. Þeir hafa unnið þrjá af fjórum fyrstu leikjum sínum. Sigrarnir hafa þó allir komið á heimavelli en þeir töpuðu sínum eina leik á útivelli. Fylkir situr í 3. sæti deildarinnar en getur komist á toppinn með sigri hér í dag.

Góðan daginn og velkomin í beina textalýsingu frá GPG-vellinum á Húsavík. Hér í dag mætast Völsungur og Fylkir í 5. umferð Lengjudeildar karla.