Skýrsla og viðtöl innan skamms

1232 áhorfendur í dag takk fyrir!

Þarna hefði Ingibjörg getað gert út um leikinn!

FH-ingar léku vel á milli sín og fékk Ingibjörg Magnúsdóttir sendingu inn fyrir vörnina. En skotið í hliðarnetið

Tvær hornspyrnur í röð hjá Blikum. Boltinn berst á fjær í seinni spyrnunni þar sem leikmaður Blika fellur við en Stefán Ragnar gerir rétt og dæmir ekkert, því ekkert var brotið.

Fær boltann inn fyrir vörn FH en er of lengi að hlaða í skotið, gefur á samherja sem á skot af varnarmanni og aftur fyrir. Horn.

Ekkert varð úr horninu.

FH fá víti - Brotið á Ingibjörgu Magnúsdóttur

Það hefur aðeins dregið af Blikum og núna eru það FH-ingar sem sækja meira.

Á klobba og geysist upp hægri kantinn, setur boltann fyrir en Berglind Freyja hittir boltann ekki nógu vel og skýtur framhjá. FH-ingar öflugar þessar mínútur

Ég hef ekki undan við að skrifa hérna, þvílíkur leikur! Blikar þustu í sókn og áttu glæsilegt skot í slánna. Sá því miður ekki hver það var sem átti skotið

Breiðablik eru aftur komnar í hápressuna og vinna boltann hátt á vellinum og endar sóknin með föstu skoti, rétt framjá

Virkilega fjörugur og skemmtilegur leikur hér í Kópavogi.

Við tökum okkur korter.

Ein mínúta í uppbót

Þvílík markvarsla Aldís Guðlaugsdóttir! Boltinn berst upp hægra megin og kemur glæsileg stungusending inn á teiginn. Út kemur Aldís og étur upp sóknarmann Breiðabliks. Þarna var Aldís klárlega betri en engin!

FH fá horn og upp úr henni á Jónína Linnet frábæran skalla sem endar ofan á þverslánni og yfir fór boltinn.

FH-ingar ná að halda boltanum meira innan liðsins þessar síðustu mínútur og komast í álitlegar stöður án þess þó að skapa sér góð færi.

Fínasta hornspyrna og á Ída Marín skalla að marki sem fer af Blika og í annað horn.

Ekkert varð úr seinni spyrnunni.

FH spila laglega upp völlinn vinstra megin sem endar með fyrirgjöf Thelmu Lóu en enginn náði að reka höfuðið í boltann þó litlu mátti muna.

Stungusending á Öglu Maríu sem er komin ein gegn Aldísi. Í stað þess að skjóta á markið reynir Agla að fara framhjá Aldísi en hún sá við henni og reif af henni boltann. Vel gert hjá Aldísi en Agla hefði átt að gera betur.

FH-ingar eru í stökustu vandræðum með að komast áleiðis upp völlinn

Slök sending úr vörn FH. Barbára kemst inn í hana og skeiðar með boltann upp að teig FH hægra megin, sendir fyrir en skot Ólafar ekki nógu nákvæmt og fer framhjá.

Dauðafæri hjá Blikum! Hornið var tekið stutt, en barst boltinn á endanum inn í teig, við tók smá darraðadans og endaði með skoti sem fór vel yfir markið

Fyrsta skot leiksins er komið það eiga FH-ingar, Birna Kristín Björnsdóttir átti það.

Breiðablik sparka þessu af stað í bleikum treyjum, þær leika í átt að Smáranum, FH-ingar í sínum hefðbundnu hvítu treyjum leika að Sporthúsinu

Liðin ganga til búningsherbergja eftir upphitun. Þetta er að bresta á!

Hér á Kópavogsvelli er mikil hátíð og hvet ég alla sem geta að mæta á völlinn, klæðast bleiku og styrkja gott málefni!

Breiðablik 2 - 2 FH (19:15 í kvöld)
Hér mætast liðin sem var spáð tveimur efstu sætunum. Þetta verður hörkuleikur, þar sem FH kemst í 0-1 með marki frá Niu. Blikar jafna fyrir hlé, Ása setur þar gott mark. FH tekur aftur forystu með marki frá Ídu, og Blikar jafna svo í uppbótartíma með marki frá Öglu Maríu.

Hér má sjá hvernig Jóhann spáir öðrum leikjum í 6. umferðinni

Heilmikil dagskrá er fyrir leik kvöldsins og opnar svæðið klukkan 17:30. Páll Óskar, Kristmundur Axel og Húbba Búbba stíga á svið fyrir leik.

Eftir jafntefli og tap í fyrstu tveimur leikjum FH hafa þær sigrað þrjá í röð og koma inn í þennan leik fullar sjálfstrausts. Þær sitja í 3. sæti deildarinnar með 10 stig og markatöluna 9-5.

Blikar stefna að því að halda áfram fullkomnu tímabili sínu til þessa en þær hafa sigrað fimm fyrstu leiki sína með markatöluna 14-5 og sitja á toppi deildarinnar með 15 stig.

Í kvöld verður Stefán Ragnar Guðlaugsson með flautuna og honum til aðstoðar verða Breki Sigurðsson og Jón Reynir Reynisson. Fjórði dómari er Hallgrímur Viðar Arnarson og svo fylgist Bergur Þór Steingrímsson dómaraeftirlitsmaður með því hvort allt fari vel fram.

Í dag fáum við leik af bestu gerð þegar Breiðablik tekur á móti FH í topp- og nágrannaslag!