Elíza Gígja Ómarsdóttir @fotboltinet

- Meðalaldur 24 ár

- Meðalaldur 22 ár

Textalýsing Skýrslan

Hvað réði úrslitum? Stjörnukonur voru heilt yfir betri í þessum leik og unnu sanngjarnt. Gæðamikil augnablik í leiknum voru af skornum skammti en eitt mark dugði í dag og Stjarnan sækir sanngjörn þrjú stig. Bestu leikmenn 1. Andrea Mist Pálsdóttir (Stjarnan) Mér finnst eins og ég velji Andreu alltaf mann leiksins þegar ég fé hana spila en mér finnst bara svo gaman að fylgjast með henni spila fótbolta. Sér um föst leikatriði að mestu leyti og gerir það vel, lagði svo auðvitað upp sigurmarkið. 2. Telma Steindórsdóttir (Stjarnan) Að mínu mati er Telma Steindórs leikmaður sem skilar alltaf mjög solid frammistöðu. Spilaði bakvörðinn í dag sem er ekki hennar venjulega staða en skilaði góðri frammistöðu sem skilar henni í þennan dálk. Atvikið Það verður að vera eina mark leiksins sem skildi liðin að þegar flautað var til leiksloka. Hvorugt lið fékk mikið af góðum færum en eitt mark nægði gegn bitlausum Þrótturum.

Hvað þýða úrslitin? Stjarnan sækir sinn annan sigur í sumar og kemur sér upp í fimmta sætið úr því sjöunda með sín átta stig. Þróttarar halda fjórða sætinu og eru þar með níu stig. Vondur dagur Þróttara liðið í heild sinni spilaði ekki vel í dag og Jóhann Kristinn orðaði það kannski best sjálfur þegar hann sagði að liðið fengi að skammast sín í kvöld fyrir frammistöðuna. Það gekk ekkert upp hjá þeim í dag, sendingar voru fyrir aftan samherja, skot hittu ekki rammann og Dómarinn - 9 Mér fannst Þorfinnur Gústaf negla þennan leik í dag og allt teymið með honum. Leyfði leiknum að flæða vel og lyfti spjöldum þegar þess þurfti. Fékk hrós frá eftirlitsmanni í eitt skipti þar sem hann beitti hagnaði og ég tek hér undir það hrós. Mjög flott frammistaða þriðja liðsins í leik sem var þó ekkert sérstaklega erfitt að dæma.

- Meðalaldur 24 ár

- Meðalaldur 19 ár