SKÝRSLAN: Stjarnan of sterk fyrir vængbrotið ÍBV
Hvað réði úrslitum?
Það sem réði úrslitum í dag var hreinlega bara betri spilamennska hjá Stjörnunni en það vantar stóra pósta í ÍBV liðið. Hefði orðið allt annar leikur ef Allison Lowrey og Olga hefur verið með. Stjarnan átti miklu hættulegri færi en Guðný Geirsdóttir var frábær í marki ÍBV og hélt þeim lengi vel inn í leiknum.
Bestu leikmenn
1. Úlfa Dís Kreye Úlfarsdóttir
Þrátt fyrir að hafa verið í stífri dekkingu allan tímann og elt um allan völl af Kristínu Klöru þá var það samt sem áður Úlfa Dís sem átti stoðsendingarnar á báðum mörkunum eftir algjör einstaklins framlög. Þræddi sig í bæði skiptin í gegn og setti hárnákvæmar fyrirgjafir. Var kannski ekki mest áberandi í dag en það hættuleg samt að Jón Óli setti marker á hana allan leikinn, sýnir hennar gæði og vonandi er Úlfa Dís að detta í gang! Fanney Lísa og Snædís áttu líka góðan dag með sitthvort markið!
2. Guðný Geirsdóttir
Hjá ÍBV var það klárlega Guðný Geirsdóttir sem var best í dag. Hún átti frábæran leik í markinu og varði oft á tíðum stórkostlega, skil eiginlega ekki ennþá hvernig hún náði að verja frákastið af vítinu í alvörunni alveg upp í samskeytunum. Gaf sínum konum kraft og trú í að þær gætu sótt stig sérstaklega í fyrri hálfleik.
Atvikið
Verð að setja þetta á Vítaspyrnuna. Ekkert sérstök vítaspyrna því miður hjá Andreu Mist en Guðný les hana vel og ver, á svo rosalega vörslu þegar Jakobína ætlar að setja boltann upp í samskeytin!
Hvað þýða úrslitin?
Úrslitin þýða það að Stjarnan heldur 5. sætinu en er komið upp í 11 stig, 1 stigi á eftir Þrótti í 4. sætinu og 2 stigum á eftir ÍBV í 3. sætinu.
ÍBV halda hins vegar ennþá 3. sætinu með 13 stig.
Vondur dagur
Það var engin sem átti slæman dag í dag en það var örugglega vont fyrir Kristínu Klöru sem stóð sig svo ótrúlega vel í að taka Úlfu Dís út úr leiknum í dag að Úlfa hafi þrátt fyrir það náð þessum tveimur fyrirgjöfum sem innsiglaði sigur Stjörnunnar.
Dómarinn - 7
Dómarateymið átti bara ljómandi fínan leik í dag, hárréttur vítadómur og leikurinn fékk að fljóta bara vel. Hef ekkert út á þá að setja