SKÝRSLAN: Breiðablik rúlluðu yfir nýliðana
Hvað réði úrslitum?
Það sem réði úrslitum í dag var munurinn á leikmannahópum, sóknarleik og færanýtingu liðana. Breiðablik komu sér í mörg færi og nýttu þau vel og skoruðu fimm mörk. Á hinum enda vallarins fengu Gri/Njar nokkra góða sénsa til að skora mörk sem hefðu mögulega getað breytt leiknum en nýttu sér þá ekki.
Bestu leikmenn
1. Agla María Albertsdóttir
Agla María var gjörsamlega frábær í dag, skorar tvö mörk og á stóran þátt í örðu marki Blika þar sem hún átti góða sendingu í gegn
2. Líf Joostdóttir van Bemmel
Mark og stoðsending frá Líf í dag, hún var stórhættuleg frammi hjá Blikum í dag og kom frábærlega inn í lið Breiðabliks í dag.
Atvikið
Atvikið kom strax á fyrstu mínútu þar sem Lauren Kellett markmaður Gri/Njar hrasaði eða festist skringilega í grasinu áður en hún náði að senda boltann stutt og beint á Ásu sem skoraði í opið markið.
Hvað þýða úrslitin?
Þessi sigur er mjög sterkur fyrir Breiðablik vegna þess að þær halda topp sætinu og styrkja markatöluna mikið.
Grindavík/Njarðvík detta niður í 7 sætið, Víkingur taka fram úr þeim eftir þeirra sigur í dag.
Vondur dagur
Það væri auðvelt að henda þessu á Lauren Kellett fyrir sín mistök í byrjun leiks, en ef að Emma Nicole Phillips hafði náð að nýta sér eitt af þessum færum sem hún fékk í stöðunni 0-2 þá hefði það getað haft mikil áhrif á leikinn og hann mögulega ekki farið eins og hann fór, svo Emma fær þetta í dag.
Dómarinn - 8
Hreinn og hans teymi flott í dag, Hreinn hafði góða stjórn á leiknum og ekkert út á hann að setja.