Íslenskur sigur staðreynd hér í dag. Sigur sem tryggir "auðveldari" andstæðing í umspili fyrir HM. Guðmundur Aðalsteinn er í Póllandi og koma viðtöl eftir leikinn brátt inn á síðuna. Takk fyrir samfylgdina.

Aftur er Úkraína hársbreidd frá því að komast í hörkufæri. Fyrirliðinn Glódís mætt og kemst fyrir.

Viktoriya Holovach við það að komast í góða stöðu í teig Íslands en velur að skjóta strax. Boltinn í öruggt fang Cecilíu

Þær þurfa heldur betur að snúa taflinu við, þurfa þrjú mörk til að komast uppfyrir Ísland.

Ein sending splundrar vörn Íslands. Radionova með boltann í D-boganum og reynir skotið en hittir sem betur fer ekki markið.

Sandra María með frábæra tæklingu og vinnur boltann, sú Búlgarska dæmir brot samt sem áður. Sandra María lítið fengið frá dómurum leiksins.

Linda Líf í færi í teignum eftir góða sókn Íslands. Boltinn fellur fyrir fætur hennar hægra megin í teignum en skot hennar í varnarmann.

Ísland vinnur fyrsta boltann en sú Búlgarska sér eitthvað sem engin annar sá og dæmir brot.

Sædís vinnur fyrir hornspyrnu með hörkupressu.

Boltinn frá hægri inn á teig Íslands beint fyrir fætur Holovach sem tekur skotið í fyrsta en setur boltann beint á Cecilíu.

Þrýsta liði Úkraínu djúpt niður í eigin teig. Færið stendur á sér en sóknin endar með skoti frá Guðrúnu sem siglir hættulaust framhjá.

Sandra María vinnur skallaeinvígi á miðjum vellinum og sendir Karólínu á sprettinn. Tvær gegn tveimur eru Karólína og Thelma, Thelma fær boltann frá Karólínu og þarf ekki annað en að setja boltann í markið en fær hárfína snertingu frá varnarmanni sem verður til þess að hún er úr jafnvægi og setur boltann yfir markið úr algjöru dauðafæri

Sandra María vinnur aukaspyrnu á góðum stað fyrir fyrirgjöf. Spyrnan frá vinstri frá Karólínu ekkert sértök og siglir þvert yfir völlinn í innkast.

Beint af æfingasvæðinu, Í stað þess að setja boltann fyrir beint úr aukaspyrnu fer hlaupaflétta af stað. Hún skilar Thelmu í frábærri stöðu hægra megin í teignum en sending hennar finnur ekki samherja í teignum,

Slakar ákvarðanatökur að leiða til hættu. Alexandra tapar boltanum illa á eigin vallarhelmingi og Úkraína brunar að marki. Tanya Boychuk fær boltann til hægri í teignum og reynir skot sem Cecilía kastar sér á og heldur.

Yelyzaveta Molodiuk í ágætu færi eftir að Úkraína vinnur boltann hátt á vellinum. Nær þó ekki að leggja boltann fyrir sig í teig Íslands og setur boltann vel framhjá markinu.

Nokkuð tilviljanakennd sókn Íslands endar með góðu skoti. Boltinn fellur fyrir Hildi fyrir utan teig til vinstri. Hún reynir að snúa boltann í hornið fjær en setur aðeins of mikið púður í skotið sem flýgur framhjá.

Kravchuk fær að hlaupa óáreitt með boltann inn á teig Íslands, þar reynir hún skotið en varnarlínan stendur rétt og boltinn beint í Glódísi og Ísland hreinsar.

Seinni 45 farnar af stað. Áfram Ísland!

Staðan 0-1 fyrir Ísland í hálfleik. ALlt í lagi fyrri hálfleikur og við erum yfir, tökum því. Við megum ekki sofna á verðum því þetta úkraínska lið er hættulegt.

Fá hérna fínasta færi undir lok fyrri hálfleiks en skotið fer fram hjá markinu. Þetta leit ágætlega út en fer sem betur fer ekki á markið.

Emilía komin í góða skotstöðu en þá flautar dómarinn brot á Sædísi sem er allt annað en sátt.

Ísland í ágætri stöðu hinum megin á vellinum en Emilía Kiær nær ekki að hemja boltann nægilega vel.

Sending á bak við íslensku vörnina og Tanya Boychuk, fyrrum sóknarmaður Þróttar, er í dauðafæri en skot hennar fer fram hjá markinu.

Glódís með geggjaðan bolta upp völlinn á Thelmu Karen sem eltir og setur hann svo á markið, en markvörður Úkraínu með þetta í teskeið. Þarna átti kantmaðurinn ungi að reyna að finna Söndru Maríu í teignum.

Karólína setur boltann inn á teiginn og finnur Ingibjörgu en skalli hennar er ekki alveg nægilega góður.

Karólína Lea með geggjaða sendingu inn á Thelmu Karen sem er komin í mjög gott færi að bæta við öðru marki en markvörður Úkrainu sér við henni í þetta skiptið.

Smá hætta inn á teig Íslands en við komum boltanum frá.

Úkraína með fyrirgjöf frá hægri. Glódís er gjörsamlega alls staðar og hún kemur þessum bolta frá.

Yelyzaveta að koma sér í skotfæri en Glódís kemur sér fyrir.

Hildur öskrar hástöfum en er staðin upp nokkrum sekúndum síðar. Þetta var ekki þægilegt en Hildur harkar þetta af sér. Mikill nagli.

Emilía með sendingu í gegn á Söndru Maríu en Olkhova var aðeins á undan henni í boltann. Munaði ekki miklu.

Úkraína sækir hratt og svo kemur fyrirgjöf sem fer beint aftur fyrir.

Sædís með sendingu fyrir markið en hún fer yfir allan pakkann og í markspyrnu sem Úkraína á.

Karólína með aukaspyrnu inn á teiginn sem skapar stórhættu. Glódís skallar hann inn á teiginn og Emilía á skot sem fer í varnarmann. Svo eigum við tvö eða þrjú skot í viðbót en einhvern veginn fer boltinn ekki inn. Ingibjörg átti síðasta skotið sem fór fram hjá markinu. Það var eiginlega besta færið.

Hendi á leikmann Úkraínu og Ísland fær aukaspyrnu á ágætis stað. Karólína mun taka spyrnuna og setja boltann inn í teiginn.

Allt í einu er svolítið mikill vindur á vellinum, er að hafa smá áhrif á leikinn.

Við erum að byrja þetta svolítið hægt, mikill kraftur í heimakonum.

Úkraínukonur fá aukaspyrnu af 30 metra færi og ákveða bara að láta vaða. Hörkuskot en Cecilía er vel á verði og nær að verja.

Smá vesen í öftustu línu en Glódís bjargar sér.

Úkraína fær ágætis skallafæri úr hornspyrnunni en skallinn var skrítinn, nær ekki að setja hann á markið.

Hættuleg sókn upp hægra megin hjá Úkraínu. Glódís setur hann aftur fyrir endamörk og heimakonur fá hornspyrnu.

Thelma Karen fær ágætis tækifæri inn á teignum en skot hennar fer í varnarmann.

Sandra María byrjar fremst hjá Íslandi, Emilía Kiær er úti vinstra megin og Thelma Karen byrjar hægra megin. Verður líklega eitthvað flæði í þessu

Þá er þetta farið af stað! ÁFRAM ÍSLAND!

Þjóðsöngvarnir að baki. Miklar tilfinningar í úkraínska þjóðsöngnum, skiljanlega. Maður heyrir það alveg að það eru nokkrir Íslendingar hérna, þeir munu vonandi láta vel í sér heyra á meðan leik stendur.

Það styttist heldur betur í leik. Bæði lið hafa lokið undirbúningi sínum og fara fljótlega að ganga út á völl.

Aðstæður eru flottar hér á Stadion Miejski í Mielec, sem er í 150 kílómetra fjarlægð frá landamærunum við Úkraínu. Þetta er heimavöllur Stal Mielec sem leikur í næst efstu deild Póllands og var í botnbaráttu þar á tímabilinu sem var að líða. Hér verða um 300 manns á eftir og um 10 Íslendingar. Það eru þrír fjölmiðlamenn frá Íslandi á leiknum, einn frá RÚV og tveir frá Fótbolta.net. Það er verið að spila úkraínska þjóðlagatónlist á fullu fyrir leik og mikil stemning. Veðrið er gott í Póllandi, gráskýjað en um 20 stiga hiti samt sem áður.

Það er athyglisvert að í byrjunarliði Úkraínu eru tveir leikmenn sem eru með Íslandstengingu. Það er í fyrsta lagi leikmaður númer 3 hjá Úkraínu, Anna Petryk. Hún kom til Breiðabliks árið 2022 eftir að Rússar réðust inn í Úkraínu. Þessi 28 ára gamli miðjumaður lék í eitt sumar á Íslandi en sneri síðan aftur heim í úkraínsku deildina. Svo er leikmaður númer 9 hjá Úkraínu, Tanya Boychuk, einnig með tengingu við Ísland því hún lék með Þrótti Reykjavík sumarið 2023. Boychuk er fædd og uppalin í Kanada en á ættir að rekja til Úkraínu og spilaði sína fyrstu landsleiki fyrir þjóðina fyrr á þessu ári.

Sveindís Jane Jónsdóttir er auðvitað ekki með vegna meiðsla en sóknarlínuna í hennar fjarveru skipa Emilía Kiær Ásgeirsdóttir, Sandra María Jessen og Thelma Karen Pálmadóttir. Annars er liðið frekar hefðbundið.

Hafrún Rakel Halldórsdóttir þurfti að draga sig úr landsliðshópnum í vikunni vegna meiðsla. Jelena Tinna Kujundzic úr Þrótti var kölluð inn í hennar stað en verður ekki heldur með í þessum leik. Ísland verður því með 22 leikmenn í hópnum, ekki 23 að þessu sinni.

Sveindís Jane Jónsdóttir verður ekki með íslenska landsliðinu í komandi landsleikjum vegna meiðsla og það er högg fyrir liðið. En á sama tíma er það líka tækifæri fyrir aðra leikmenn að sýna sig og sanna. Fréttamaður Fótbolta.net ákvað að taka saman nokkrar sviðsmyndir fyrir leikinn á móti Úkraínu hvernig lið Íslands gæti litið út í leiknum. Það er ljóst að Cecilía Rán Rúnarsdóttir verður í markinu og það er nokkuð öruggt hvernig varnarlínan mun líta út. Á miðsvæðinu er Ída Marín Hermannsdóttir að banka fast á dyrnar eftir flotta frammistöðu að undanförnu og Katla Tryggvadóttir er leikmaður til að fylgjast með, en Alexandra, Hildur og Karólína Lea eru líklegir kostir í þennan leik. En fremst á vellinum flækjast málin og sérstaklega þar sem Sveindís er ekki með. Við verðum að finna leiðir til að fylla hennar skarð og mögulega þurfum við að breyta leikstílnum eitthvað í fjarveru hennar. Það eru þó ýmsir áhugaverðir kostir. Í fyrstu sviðsmyndinni kemur Thelma Karen Pálmadóttir inn á vinstri vænginn í stað Sveindísar, Sandra María Jessen er fremst og Diljá Ýr Zomers leikur úti hægra megin. Thelma Karen er með mikinn hraða og getur komið með það að borðinu, en hún er líka mjög teknísk. Sandra hefur skilað mörkum í þýsku Bundesligunni og Diljá er mjög duglegur leikmaður sem getur líka skilað mörkum. Þetta gæti verið áhugaverð blanda. Svo er það sviðsmynd tvö. Þar breytist það að við fáum Lindu Líf Boama inn í spilið. Hún hefur verið frábær eftir félagaskipti sín til Kristianstad í Svíþjóð og var lífleg í sínum fyrsta landsleikjaglugga núna síðast. Í þessari útfærslu kemur Linda Líf upp á topp í þeim mikla markaham sem hún er í þessa stundina, Sandra María færist út til vinstri og Thelma Karen fer út til hægri. Það getur verið talsvert flæði í þessari sóknarlínu þar sem Linda Líf getur einnig færst út á kantinn. Svo er það þriðja útfærslan þar sem Hlín Eiríksdóttir kemur inn með sína reynslu. Hún hefur spilað mikinn fjölda landsleikja og er alltaf hörð í horn að taka. Þarna er Linda Líf líka inni og þú ert með Söndru Maríu og Hlín á köntunum. Þarna er möguleiki á enn meira flæði þar sem allir þessir leikmenn geta spilað fremst á vellinum. Það verður spennandi að sjá hvað Þorsteinn Halldórsson, landsliðsþjálfarinn, gerir á morgun en hann er klárlega með möguleika í stöðunni.

Fyrri leikur þessara liða í riðlinum fór fram núna 14. apríl síðastliðinn og þar var það Ísland sem hafði betur, 1-0. Sigurmarkið skoraði Alexandra Jóhannsdóttir í byrjun seinni hálfleiks. Úkraína fékk sína sénsa og varði Cecilía Rán Rúnarsdóttir einu sinni mjög vel í marki Íslands í leiknum. Það má búast við aðeins öðruvísi leik í dag þar sem Úkraína verður að vinna leikinn, ekkert annað dugir fyrir þær.

Fréttamaður Fótbolta.net kom til Póllands fyrr í vikunni og hefur tekið viðtöl við leikmenn og þjálfara síðustu daga. Tenglar á þau öll eru hér fyrir neðan.

Íslenska kvennalandsliðið hefur aldrei komist í lokakeppni HM og það er stórt markmið núna. Til að halda sem best í þá von er afar mikilvægt að ná í stig gegn Úkraínu í dag, jafntefli eða sigur. Staðan í riðlinum England - 12 stig Spánn - 9 stig Ísland - 3 stig Úkraína - 0 stig England og Spánn eru í sérflokki í riðlinum, eins og flestir bjuggust við. Spánn er ríkjandi heimsmeistari á meðan England er ríkjandi Evrópumeistari eftir sigur á Spánverjum í úrslitaleik í fyrra. Sigurvegari riðilsins fer beint á HM en hin þrjú liðin fara í umspil. Þar sem öll liðin í riðlinum eru í A-deild Þjóðadeildarinnar hafa þau þegar tryggt sér sæti í umspilinu. Þriðja sætið skiptir öllu máli Fyrir Ísland snýst baráttan fyrst og fremst um að enda í þriðja sæti frekar en því fjórða. Liðin sem enda í öðru eða þriðja sæti í A-deildar riðlunum fara í svokallaða leið eitt í umspilinu og mæta þar liðum úr C-deild í fyrstu umferð. Lið sem enda neðst í riðlinum fara hins vegar í leið tvö og mæta liðum úr B-deild. Munurinn er verulegur. Með því að enda í þriðja sæti eykur Ísland líkurnar á að komast í lokakeppni HM töluvert, enda myndi liðið þá forðast mörg af sterkustu landsliðum Evrópu í umspilinu. Eins og staðan er núna myndi Ísland forðast Spán, Noreg og Frakkland í umspilinu. Sextán lið komast áfram úr fyrstu umferð umspilsins og mætast síðan í annarri umferð, þar sem lið úr leið eitt dragast gegn liðum úr leið tvö. Að lokum standa átta sigurvegarar eftir. Sjö þeirra komast beint á HM á grundvelli árangurs í undankeppninni, en það lið sem er með slakastan árangur fer í alþjóðlegt umspil gegn þjóðum frá öðrum heimsálfum. Með sigri eða jafntefli gegn Úkraínu í dag tryggir Ísland sér þriðja sætið í riðlinum. Í stóra samhenginu gætu þau úrslit reynst gríðarlega mikilvæg í baráttunni um sögulegt HM-sæti.

Stelpurnar komu til Póllands í byrjun vikunnar og hafa verið við æfingar í Kraká, sem er alveg frábær borg. Í gær fór liðið svo yfir til Mielec þar sem leikurinn fer fram. Mielec er um 150 kílómetrum frá landamærum Úkraínu. Leikurinn fer fram í Póllandi þar sem Úkraína getur ekki spilað heima út af stríðinu þar í landi. Í Kraká hefur Ísland notað æfingasvæði Garbarnia Kraków en lið félagsins leikur í fimmtu efstu deild í Póllandi. Samt sem áður er æfingasvæði félagsins hið fínasta og segir það sitt að enska úrvalsdeildarfélagið Crystal Palace kaus að æfa hérna fyrir 1-3 sigur gegn Shakhtar Donetsk í Sambandsdeildinni á dögunum. Palace endaði á því að vinna keppnina.

Verið velkomnir kæru lesendur í beina textalýsingu frá leik Úkraínu og Íslands í undankeppni. Mjög mikilvægur leikur sem við ætlum að fylgja ykkur í gegnum. Endilega komið með!