SKÝRSLAN: Njarðvíkingar völtuðu yfir ÍR-inga og sendu þá í fallsæti
Hvað réði úrslitum?
Njarðvík lenti snemma undir í leiknum í dag og voru í smá tíma að detta í gang, en um miðjan fyrri hálfleik vöknuðu þeir og þá var ekki aftur snúið. Þeir áttu leikinn eftir það og skoruðu fimm mörk. Njarðvík voru hættulegir fram á við og nýttu sína sénsa virkilega vel.
Á hinn endann voru ÍR galopnir til baka og gáfu mjög auðveld mörk á sig.
Bestu leikmenn
1. Hrafn Guðmundsson
Hrafn var lang bestur á vellinum á meðan hann var inn á, hann var allt í öllu í sóknarleik Njarðvíkur áður en hann fór út af og skoraði eitt mark og lagði upp tvö.
2. Arnleifur Hjörleifsson og Björn Aron Björnsson
Arnleifur og Björn spiluðu í sitthvorum vængbakverðinum í dag og voru mjög sterkir varnarlega og sóknarlega í dag og skora sitt hvort markið.
Atvikið
Fimmta mark Njarðvíkur sem Oumar Diouck skoraði. Þetta mark gæti verið mjög mikilvægt fyrir Oumar og Njarðvíkurliðið, ef Oumar dettur í gang þá gæti það reynst rosalega mikilvægt fyrir Njarðvíkinga.
Hvað þýða úrslitin?
Njarðvík fara úr áttunda sæti í það sjöunda og verða þar a.m.k. fram á morgundag, það fer eftir úrslitum í leik Vestra og Völsungs á morgun hvort þeir halda því sæti eða ekki.
ÍR detta niður í 11.sæti sem er fallsæti og verða þar fram í næstu umferð minnst, slæmt gengi þeirra heldur áfram.
Vondur dagur
Vörnin hjá ÍR-ingum var agalega léleg eftir fyrsta mark Njarðvíkur og þeir öll mörk Njarðvíkur hefði verið hægt að koma í veg fyrir. Ég ætla samt ekki að taka neitt af Njarðvíkingum sem gerðu mjög vel í mörkunum.
Dómarinn - 7
Gunnar og hans teymi voru flottir í dag og ekkert út á þá að setja í þessum leik.