SKÝRSLAN: Topplið Hauka fyrst til að stöðva Hvíta Riddarann
Hvað réði úrslitum?
Gæði Hauka réðu úrslitum. Sigurinn var afskaplega fagmannlegur. Liðið komst verðskuldað tveimur mörkum yfir í fyrri hálfleik og gerðu svo mjög vel í seinni hálfleik. Gáfu ekki mörg færi á sér og þí Hvíti Riddarinn hafi verið meira með boltann á köflum var hraði Hauka fram á við alltaf mikil ógn.
Bestu leikmenn
1. Pablo Punyed
Pablo var mjög góður á miðsvæðinu í kvöld. Hann stjórnaði leiknum frá og vann flest öll einvígi sem hann fór í. Ofan á það skoraði hann fyrsta mark Hauka og átti mikilvæga sendingu sem leiddi að öðru marki Hauka.
2. Gabríel Aron Sævarsson
Gabríel heillaði mig í þessum leik. Hann býr yfir gífurlegum hraða og vörn Hvíta átti í vandræðum með hann. Gabríel var með stoðsendingu en hefði hæglega getað verið með fleiri. Ólafur Darri var líka öflugur í leiknum.
Atvikið
Fyrsta mark Hauka. Sveinn Óli, markmaður Hauka, var öflugur í uppspili þeirra. Hann átti góða sendingu í gegn Ólaf Darra. Skot hans var varið en Pablo var mættur í vítateig, tók frákastið og renndi honum í nánast autt markið.
Hvað þýða úrslitin?
Úrslitin þýða að Haukar halda toppsætinu í 2. deild eftir 6 umferðir. Liðið hefur nú unnið 5 leiki í röð. Hvíti Riddarinn tapar sínum fyrsta leik á tímabilinu 8 stig í 4. sæti þegar fjórir leikir eru óspilaðir
Vondur dagur
Það átti í raun engin einhvern sérstaklega vondan dag. Júlíus Valdimar gleymir sér í smá stund og missir af Ólafi Darra í fyrra marki leiksins. Markið kom á 8. mínútu og spurning hvernig leikurinn hefði þróast ef markið hefði ekki komið svona snemma
Dómarinn - 6
Ágætur leikur hjá Elíasi. Dómgæslan hallaði á hvorugt lið og línan var heilt yfir fín. Leikmenn Hvíta Riddarans og dómaranir gengu inn á völl á slaginu 8 sem leiddi til þess að leikurinn var flautaður af stað þremur mínútum of seint. Skrítið móment en eflaust ekki hægt að skrifa það á Elías.