Sanngjarn sigur gestanna staðreynd. Skýrsla og viðtöl væntanleg. Ég þakka fyrir mig.

Gísli Eyjólfs með fast á lofti skot fyrir utan teiginn sem Aron Snær grípur vel.

4 mínútur í uppbótartíma.

Aukaspyrna inn á teig Víkings og Viktor Jóns nær föstu skoti sem Aron grípur þó í markinu.

Aron Elís rennir boltanum á Jóhannes Bjarnason sem skýtur yfir markið úr fínasta færi.

Hiti í mönnum eftir að Elías fór niður eftir að sjálfur hafa verið dæmdur brotlegur.

Tíu mínútur eftir fyrir heimamenn til að gera eitthvað í þessum leik.

Víkingar fá hornspyrnu eftir fyrirgjöf frá Erlingi sem Erik Tobias kemur aftur fyrir.

Sveinn Gísli sparkar boltanum út úr teig Víkinga og virðist mögulega sparka aðeins líka í Markús en Gunnar bendir á hornfánann.

Ármann Ingi með skot sem fer fram hjá markinu úr álitlegri stöðu.

Víkingar hleypa Skagamönnum ekkert áleiðis þessa stundina.

Valdimar með frábæran sprett í gegnum miðja vörn ÍA og rennir boltanum á Elías sem er í góðu færi en nær ekki að klára þetta.

Þá fór spyrnan hans að sjálfsögðu rakleiðis aftur fyrir endamörk eftir þetta hrós frá mér.

Gestirnir fá hornspyrnu sem Daníel undirbýr sig að taka. Föstu leikatriðin hans hafa verið mjög góð hér í kvöld.

Þetta er komið af stað.

Erik Tobias með slæm mistök og gefur beint á Ármann rétt fyrir utan eiginn teig en mjög lélegt skot sem Ármann tekur.

Áfram heldur Ármann að fara illa með Skagamenn. Nú brýtur Böðvar á honum eftir skemmtilega hreyfingu frá Ármanni.

Skagamenn í veseni á eigin vallarhelmingi og boltinn ratar á Ármann Inga sem rennir honum á Valdimar sem kemur með góða fyrirgjöf en enginn Víkingur er mættur í hættusvæðið.

Ármann með góðan sprett og sækir hornspyrnu. Hann hefur verið að valda sínu gamla liði smá hausverk fyrsta hálftímann.

Sveinn Gísli á kraftmikinn sprett upp völlinn sem endar með skoti sem fer himinhátt yfir markið.

Kemur mjög góð fyrirgjöf á teig Víkings á fjæsvæðið en Baldvin setur boltann yfir markið.

Skapast mikill darraðadans inni á teig Víkings og Baldvin mokar boltanum á markið en Aron Snær rétt nær að verja.

Góð sending fyrir markið frá Valdimari sem ratar á kollinn á Elíasi sem setur boltann í stöngina og boltinn skoppar í Jón Sölva og í horn. Heppnin með Skagamönnum þarna.

Eftir aðeins brösuga byrjun hafa Víkingar tekið öll völd á vellinum.

Gummi Tóta með rosalega svipað brot en Gunnar Oddur sleppir spjaldinu og leikmenn sem og bekkur Víkinga tryllast. Verður að segjast að Guðmundur Þórarinsson sé stálheppinn að vera enn inni á vellinum.

Með enn eina frábæra aukaspyrnuna en nú snýr hann boltann út fyrir vegginn og á nærstöngina en Jón Sölvi nær að slá boltann í burtu.

Daníel með stórkostlega aukaspyrnu inn á teig Skagamanna sem tveir Víkingar ná ekki að koma á markið og aftur er síðan dæmd rangstaða.

Spyrnan ratar á Óskar utarlega í teignum og hann reynir skot sem Haukur kemst fyrir.

Daníel með góða aukaspyrnu inn á teiginn og Kalli rétt svo missir af boltanum en var flaggaður rangstæður.

Nokkrar misheppnaðar sendingar hjá þeim á þessum fyrstu mínútum og hafa þeir ekkert komist áleiðis á vallarhelmingi Skagans.

Snöggt innkast tekið á Hauk sem er við markteiginn en hittir ekki boltann og fer hann aftur fyrir endalínu.

Bæði lið þreifa fyrir sér þessar fyrstu mínútur.

Fallega gert hjá Skagamönnum sem vígja minningarstein Sigursteins Gíslasonar en börnin hans, Unnur Elín og Teitur Leó, taka boltann af steininum í fyrsta sinn og bera hann inn á völlinn.

Það er varla hægt að biðja um betra sumarveður en hér á Skaganum er sólin enn á lofti og allt að fyllast af stuðningsmönnum beggja liða.

Sölvi gerir tvær breytingar frá síðasta leik en Lárus Orri gerir eina.

Eins og flestir vita eru Víkingar á toppi Bestu deildarinnar en þeir hafa unnið 10 leiki í röð í öllum keppnum. Víkingar hafa alls unnið 11 af 12 leikjum sínum á tímabilinu, tvo í bikar gegn Fram og HK, en eina jafntefli þeirra kom gegn Blikum í fyrstu umferð Bestu deildar. Skagamenn sitja hins vegar í 6. sæti deildarinnar með 12 stig eftir 9 leiki. Þeir unnu Hauka 4-0 og þar næst Grindavík í vítaspyrnukeppni eftir 2-2 leik. Báðir leikir Skagamanna í bikarnum hafa verið á heimavelli og báðir leikir Víkings hafa verið á útivelli og það sama er á boðstólnum hér í dag.

Karl Friðleifur, leikmaður Víkings, á von á barni en hann greindi frá því í gær og óskum við hjá Fótbolta.net honum og frú innilega til hamingju með það!

Fyrir leik kvöldsins verður afhjúpaður minningarsteinn til heiðurs Sigursteini Gíslasyni. Fallegt hjá Skagamönnum en Sigursteinn lék á sínum tima 335 leiki og skoraði í þeim 40 mörk.

Markaskorarinn var tekinn í viðtal við Fótbolta.net fyrir leikinn og hafði hann mikið að segja.

Liðin mættust í Bestu deildinni í Víkinni í apríl en þá flengdu Víkingar Skagamenn með 4-0 sigri. Þar skoraði Elías Már tvö mörk en ásamt því voru það Valdimar Þór og Viktor Örlygur sem komust á blað. Ná Skagamenn að hefna fyrir þetta slæma tap og halda bikarævintýri sínu áfram eða halda Víkingar áfram að vinna allt og alla?

Gunnar Oddur Hafliðason er aðaldómari leiksins, aðstoðardómararnir tveir eru Ragnar Þór Bender og Kristján Már Ólafs og fjórði dómari er Pétur Guðmundsson. Viðar Helgason er dómaraeftirlitsmaður.

Verið velkomin í þráðbeina textalýsingu fyrir leik ÍA og Víkings í 8-liða úrslitum Mjólkurbikars karla sem fer fram á ELKEM vellinum. Dregið verður í undanúrslit Mjólkurbikarsins eftir leikinn. Undanúrslitaleikirnir fara fram 24. og 25. júní.