SKÝRSLAN: Bikarævintýri Ægismanna lokið
Hvað réði úrslitum?
Fagmennska Breiðabliks réði úrslitum hér í dag. Fínasti leikur en ef yfir allt er horfði var þetta þægilegur sigur Breiðabliks og þeir gerðu vel í að mæta í sólina í Þorlákshöfn tveimur vikum frá síðasta leik og tryggja sæti í undanúrslitum.
Bestu leikmenn
1. Aron Bjarnason
Tvær stoðsendingar, mikið í boltanum og setti sitt mark á leikinn.
2. Viktor Karl Einarsson
Skoraði 2-0 markið sem gerði eiginlega út um leikinn. Skilaði 90mín með bandið og gengur eflaust sáttur frá borði
Atvikið
Fyrsta markið, maður veit aldrei hvað gerist ef lið halda í núllið lengi en Ægir voru óheppnir í fyrsta markinu og meira að segja í 2-0 markinu. Ef og hefði og allt það, þá væru önnur úrslit mögulega niðurstaða.
Hvað þýða úrslitin?
Breiðablik er komið í undanúrslit Mjólkurbikarsins með verðskulduðum sigri hér í dag.
Bikarævintýri Ægismanna er því miður lokið þetta tímabilið. Breiðablik bara of stór biti fyrir þá í dag. Þó helling hægt að taka úr þessari frammistöðu og setja í tímabilið í Lengjudeildinni sem er rétt hafið.
Vondur dagur
Fallegur fótbolti. Maður hefur séð það fallegra, fyrstu tvö mörkin voru ekki falleg en mörk eru mörk og maður tekur þau ekki af Blikunum.
Dómarinn - 6
Ekkert út á hann að setja í dag enda reyndi svo sem lítið á.